Tamil Nadu updates photo news by Arunan journalist 

தூத்துக்குடி லீக்ஸ் நாளிதழ் செய்தி

தூத்துக்குடி அனல்மின் நிலைய ஒப்பந்தக்காரர்கள் சங்க பொதுக்குழு கூட்டம்: பல்வேறு முக்கிய தீர்மானங்கள் நிறைவேற்றம்

தூத்துக்குடி, ஜூலை 11:

தூத்துக்குடி அனல்மின் நிலைய ஒப்பந்தக்காரர்கள் சங்கத்தின் பொதுக்குழு கூட்டம் இன்று (11.07.2026) காலை 10.30 மணியளவில் தூத்துக்குடி பெல் ஹோட்டல் கருத்தரங்கில் நடைபெற்றது.

சங்கத்தின் தலைவர் அன்புராஜ் ஜெபசிங் தலைமை வகித்தார். மூத்த உறுப்பினர் குணசீலன் முன்னிலை வகித்தார். செயலாளர் ஹீராஜான் வரவேற்புரை ஆற்றினார். பொருளாளர் பாக்கியம் 30.06.2026 வரையிலான சங்கத்தின் வரவு–செலவு அறிக்கையை தாக்கல் செய்தார். 

அந்த அறிக்கை பொதுக்குழுவால் ஒருமனதாக ஏற்றுக்கொள்ளப்பட்டது.

தொடர்ந்து, சங்கத்தின் திருத்தப்பட்ட சட்ட விதிகளை சங்கத்தின் சட்ட ஆலோசகர் வழக்கறிஞர் சொ. ராஜா வெளியிட, அதனை சங்கத் தலைவர் அன்புராஜ் ஜெபசிங் பெற்றுக்கொண்டார்.

கூட்டத்தில் பல்வேறு முக்கிய தீர்மானங்கள் நிறைவேற்றப்பட்டன. மறைந்த சங்க உறுப்பினர்களுக்கு அஞ்சலி செலுத்தி இரங்கல் தீர்மானம் நிறைவேற்றப்பட்டது.

தீர்மானம்!!!

 தமிழக அரசின் நிர்வாகத்திற்கும், தமிழக முதல்வருக்கும், சட்டம் மற்றும் எரிசக்தித் துறை அமைச்சர் நிர்மல் குமார் அவருக்கும் நன்றி தெரிவித்து தீர்மானம் நிறைவேற்றப்பட்டது.

மேலும், உடன்குடி அனல்மின் நிலையத்தின் பராமரிப்பு பணிகளுக்கான ஒப்பந்தப் பணிகளை சங்க உறுப்பினர்கள் திறம்பட மேற்கொண்டு, அந்த நிலையத்தையும் உற்பத்தியில் முன்னோடி நிலையமாக மாற்றும் வகையில் செயல்பட வேண்டும் என வலியுறுத்தப்பட்டது.

கிளவுட் ஆடிட் முறை நீக்கம்!!!

சங்கத்தின் நீண்ட நாள் கோரிக்கையான கிளவுட் ஆடிட் முறையை நீக்கியமைக்காக மின்துறை அமைச்சர் சி.டி.ஆர். நிர்மல் குமார், தமிழ்நாடு மின்வாரிய தலைவர் ராதாகிருஷ்ணன், இ.ஆ.ப., தமிழ்நாடு மின் உற்பத்தி கழக மேலாண்மை இயக்குநர் கோவிந்தராவ், இ.ஆ.ப. மற்றும் சம்பந்தப்பட்ட அதிகாரிகளுக்கு நன்றி தெரிவித்து தீர்மானம் நிறைவேற்றப்பட்டது.

அத்துடன், இபிஎப் (EPF) மற்றும் இஎஸ்ஐ (ESI) உள்ளிட்ட தொழிலாளர் நலக் கட்டணங்களை வாரியம் மீண்டும் வழங்க நடவடிக்கை எடுக்க வேண்டும் எனவும் பொதுக்குழு வலியுறுத்தியது.

கூட்டத்தில் திரளான ஒப்பந்தக்காரர்கள் பங்கேற்றனர். நிறைவில் சங்கத்தின் சட்ட ஆலோசகர் வழக்கறிஞர் சொ. ராஜா நன்றி உரையாற்றினார். தொடர்ந்து, பங்கேற்ற அனைத்து உறுப்பினர்களுக்கும் சங்கத்தின் சார்பில் மதிய உணவு வழங்கப்பட்டது.

தூத்துக்குடி லீக்ஸ் | சனி, 28 பிப்ரவரி 2026

photo news by Arunan journalist 

சென்னை, 28 பிப்ரவரி:

தமிழ்நாடு முதலமைச்சர் தளபதி மு.க.ஸ்டாலின் அவர்களை, மறுமலர்ச்சி தி.மு.க. பொதுச்செயலாளர் வைகோ அவர்கள் இன்று சென்னை அண்ணா அறிவாலயத்தில் சந்தித்து மூன்று முக்கிய கோரிக்கைகளை நேரடியாக எடுத்துரைத்தார்.

கோரிக்கை 1 — காயிதே மில்லத் பல்கலைக்கழகம்:

கண்ணியத்திற்குரிய காயிதே மில்லத் இஸ்மாயில் சாகிப் அவர்கள் பெயரில் ஒரு பல்கலைக்கழகம் அமைக்க வேண்டும். இதை திமுக தேர்தல் அறிக்கையில் சேர்க்க வேண்டும் என வைகோ கோரிக்கை வைத்தார்.

கோரிக்கை 2 — சூரிய ஒளி இலவச மின்சாரம்:

வறுமைக் கோட்டுக்கு கீழே உள்ளவர்களுக்கும், விவசாயிகளுக்கும் இலவச மின்சாரம் கொடுப்பதை மத்திய அரசு தடுக்கும் நிலையில், சூரிய ஒளி மின்சாரம் மூலம் இலவச மின்சாரம் வழங்கும் திட்டத்தை திமுக தேர்தல் அறிக்கையில் சேர்க்க வேண்டும் என கோரினார். இந்த இரண்டு கோரிக்கைகளையும் தேர்தல் அறிக்கை தயாரிக்கும் குழுவிடம் உடனே தெரிவிப்பதாக முதலமைச்சர் உறுதி அளித்தார்.

கோரிக்கை 3 — கட்டபொம்மன் சத்திரம் பிரச்சினை:

திருச்செந்தூரில் 500 ஆண்டுகளுக்கும் மேலாக கட்டபொம்மன் வாரிசுகள் பயன்படுத்தி வரும் கட்டபொம்மன் சத்திரத்தில் இந்த ஆண்டு நுழையக் கூடாது என அறநிலையத் துறை இணை ஆணையர் ஆணை பிறப்பித்துள்ளார். வேறொரு குடும்பத்தினர் கட்டபொம்மனின் நேரடி வாரிசு வீமராஜா அவரின் கையெழுத்தை பொய்யாக பெற்று இந்த ஆணையை பெற்றுள்ளனர். இந்த ஆணையை உடனடியாக ரத்து செய்யுமாறு வைகோ முதலமைச்சரிடம் முறையீடு செய்தார்.

உடனடியாக அமைச்சர் சேகர்பாபுவிடம் தெரிவித்து உரிய நடவடிக்கை எடுக்குமாறு தனிச் செயலாளருக்கு முதலமைச்சர் உத்தரவிட்டார். மார்ச் 3ஆம் தேதி திருச்செந்தூர் கோயில் மண்டகப்படி நிகழ்ச்சி நடைபெறவுள்ள நிலையில், இந்த ஆணை ரத்தாகும் என நம்புவதாக வைகோ தெரிவித்தார்.

— மறுமலர்ச்சி தி.மு.க. தலைமை நிலையம், சென்னை-8, 28.02.2026

 Tamil Nadu updates, photo news by Arunan journalist 

சாலை புதுப்பித்தல் கோரிக்கை: அதிகாரிகள் மீது கடும் எதிர்ப்பு

## கோவில்பட்டி அதிகாரிகளின் அலட்சியம் குறித்து தூத்துக்குடி லீக்ஸ் விசேஷ செய்தி

தூத்துக்குடி, மார்ச் 14, 2025

தூத்துக்குடி மாவட்டத்தில் அரசு அலுவலக வளாக சாலையை புதுப்பிக்கக் கோரி தொடர்ந்து எழுப்பப்பட்டு வரும் கோரிக்கைகள் புறக்கணிக்கப்படுவதாக குற்றம் சாட்டப்பட்டுள்ளது.

 இது தொடர்பாக அடுத்த வாரம் புதன்கிழமை (மார்ச் 19) தமிழ்நாடு சட்டமன்றம் முன்பு "அல்வா கொடுக்கும் போராட்டம்" நடத்தப்படவுள்ளதாக அறிவிக்கப்பட்டுள்ளது.

அரசு அலுவலக வளாக சாலை புதுப்பித்தல் தொடர்பாக பல்வேறு போராட்டங்கள் நடத்தப்பட்ட போதிலும், தூத்துக்குடி மாவட்ட ஆட்சியர்களான திரு.சந்தீப் நந்தூரி, திரு.செந்தில் ராஜ் மற்றும் திரு.இளம் பகவத் ஆகியோர் நேரில் பார்வையிட்டும் கூட இதுவரை எந்த நடவடிக்கையும் எடுக்கப்படவில்லை என்று போராட்டக்காரர்கள் குற்றம்சாட்டியுள்ளனர்.

"திராவிட மாடலுக்கே அல்வா கொடுக்கும் கோவில்பட்டி அதிகாரிகளின் மெத்தன போக்கு ஏற்றுக்கொள்ள முடியாதது," என்று தூத்துக்குடி வடக்கு மாவட்டத் தலைவர் N.P.R தெரிவித்தார். 

அவர் மேலும், "திமுக அரசும், அதிகாரிகளும் பொதுமக்களுக்கு எதிராக செயல்படுவதை கண்டிக்கிறோம்" என்றும் கூறினார்.

போராட்டத்தில் தமிழ் மாநில காங்கிரஸ் (மூ) தூத்துக்குடி வடக்கு நகர தலைவர் T.கருப்பசாமி BA.BL உள்ளிட்ட பலரும் கலந்து கொள்ளவுள்ளனர். 

சாலை புதுப்பித்தல் கோரிக்கையை வலியுறுத்தி போராட்டக்காரர்கள் அரசு அதிகாரிகளுக்கு "அல்வா" வழங்கி தங்களது எதிர்ப்பை தெரிவிக்க திட்டமிட்டுள்ளனர்.

பாதிக்கப்பட்ட பகுதி மக்கள் தரப்பில், "நாங்கள் தொடர்ந்து போராடியும், மூன்று மாவட்ட ஆட்சியர்கள் மாறியும் கூட எங்கள் பிரச்சனைக்கு தீர்வு காணப்படவில்லை. சாலை புதுப்பித்தல் மிக அவசியமானது, இது குறித்து அரசு உடனடியாக நடவடிக்கை எடுக்க வேண்டும்" என்று கோரிக்கை வைக்கப்பட்டுள்ளது.

சட்டமன்றம் முன்பு நடைபெறவுள்ள இந்த போராட்டம் மிகுந்த கவனத்தை ஈர்க்கும் என எதிர்பார்க்கப்படுகிறது.

 Tamil Nadu updates 17-2-2025

ஊரை விட்டு ஒதுக்கி வைத்த குடும்பத்தினருக்கு நேர்ந்த கொடுமை

தூத்துக்குடி மாவட்டம் சிறுவைகுண்டம் தாலுகாவிற்கு உட்பட்ட ஆலந்த கிராமத்தைச் சேர்ந்த பன்னீர்செல்வம் என்பவரின் குடும்பம் தற்போது கடும் சிக்கல்களை எதிர்கொண்டு வருகிறது. இவருக்கு சொந்தமான தோட்டத்தில் உளுந்து, பருத்தி, மக்காச்சோளம் உள்ளிட்ட பயிர்கள் பயிரிடப்பட்டுள்ளன.

கடந்த ஐந்தாம் தேதி, உறவினர்கள் பேச்சியம்மாள், முருகலட்சுமி, சமுத்திரலட்சுமி, மாடசாமி, பரமசிவம் ஆகியோர் தோட்டத்தில் பணி செய்து கொண்டிருந்தபோது, சிலர் அவர்களை வேலை பார்க்கக் கூடாது என்று எதிர்த்து, விரும்பு கற்களால் தாக்கினர். இதனால் அவர்கள் படுகாயம் அடைந்தனர்.

இந்த சம்பவத்தில் காயமடைந்தவர்கள் திருநெல்வேலி மருத்துவக் கல்லூரி மருத்துவமனையில் சிகிச்சை பெற்று வந்தனர். 

இந்நிலையில், அவர்கள் மருத்துவமனையில் இருந்தபோது, அவர்கள் வீட்டில் வன்முறை நிகழ்த்தப்பட்டது. வீட்டிலிருந்த 16 பவுன் நகை, ரூ.3,26,000 பணம் மற்றும் தோட்ட வீட்டு பத்திரம் கொள்ளையடிக்கப்பட்டதாக புகார் எழுந்துள்ளது.

இது தொடர்பாக புளியம்பட்டி காவல் நிலையத்தில் புகார் அளிக்கப்பட்ட நிலையில், சம்பந்தப்பட்டவர்களை இதுவரை கைது செய்யவில்லை. புகார் அளித்தவர்கள் இன்னும் ஊரில் குடியிருந்து வருவதால் அவர்கள் தொடர்ந்தும் அச்சத்துடன் வாழ்ந்து வருகின்றனர்.

இந்த கொடுமையை குற்றவாளிகள் தொடர்ந்து நிகழ்த்தி வருவதால், பாதிக்கப்பட்ட குடும்பத்தினர் மாவட்ட ஆட்சியரிடம் மனித உரிமை மீறல் புகார் அளித்துள்ளனர். அத்துடன், “எங்களது குழந்தைகளுக்கே பால் வாங்க முடியாத நிலை உள்ளது, வீதியில் நடக்க கூட பாதுகாப்பு இல்லை, தொடர்ந்தும் மிரட்டல்களுக்கு உள்ளாகி வருகிறோம்” என கூறி அழுது கதறினர்.

அவர்கள் மேலும் தெரிவித்ததாவது, “108 ஆம்புலன்ஸ் மூலம் காயமடைந்தவர்களை மருத்துவமனை கொண்டு செல்லும்போது, ஆம்புலன்ஸை தீ வைத்து எரிக்க முயன்றனர்.

 எங்களது குடும்பத்திற்குப் பாதிப்பு ஏற்படுத்தியவர்களாக சுடலைமணி உள்ளிட்ட 20 பேரை குற்றவாளிகளாக அறிவிக்க வேண்டும்.

 தமிழக முதல்வர் தலையிட்டு உரிய நடவடிக்கை எடுக்க வேண்டும். நாங்கள் நம்முடைய சொந்த ஊரான ஆலந்த கிராமத்தில் பாதுகாப்புடன் வாழ செய்ய அரசு நடவடிக்கை எடுக்க வேண்டும்” என்று கோரிக்கை வைத்தனர்.

 தூத்துக்குடி லீக்ஸ் 17 -2-2025

Tamil Nadu updates,

Photo news by Arunan journalist 

ஏரல் அருகே அரசு பேருந்து பிரேக் டவுன் - பொதுமக்கள், வியாபாரிகள் கோரிக்கை

சாயர்புரம், பிப்ரவரி 17: தூத்துக்குடி மாவட்டத்தின் மூன்றாவது வணிக நகரமாக விளங்கும் ஏரலில் இருந்து திருவைகுண்டம் மற்றும் ஆத்தூர் பகுதிகளுக்கு செல்லும் அரசு பேருந்துகள் அடிக்கடி பழுதாகி நிற்கும் நிலை தொடர்கிறது.

 இதனால் பொதுமக்கள் பெரும் அவதிக்குள்ளாகின்றனர்.

கடந்த சில நாட்களுக்கு முன், 28A என்ற அரசு பேருந்து ஆத்தூரில் இருந்து திருவைகுண்டம் செல்லும் வழியில் வாழவல்லான் பகுதியில் பழுதாகி நின்றது. 

இதில் பயணித்தவர்கள் புதுமனை, அம்மாள் தோப்பு ஆகிய ஊர்களை கடந்து, ஏரல் பேருந்து நிலையம் வரை நடைபயணம் செய்ய வேண்டிய நிலை ஏற்பட்டது.

அதேபோல், நேற்று (16-2-2025) ஏரல் காவல் நிலையம் அருகே ஏரல்-திருவைகுண்டம் வழித்தடத்தில் ஓடிக் கொண்டிருந்த அரசு பேருந்து திடீரென பழுதாகி நின்றது. இதனால் பயணிகள் பேருந்து நிலையம் வரை நடந்து செல்லும் அவலம் ஏற்பட்டது. இதுவே தொடர்ந்து நடப்பதால் பயணிகள் பெரும் சிரமத்தை எதிர்கொள்கின்றனர்.

இந்த நிலை தொடராமல் இருக்க, பழுதாகும் பழைய பேருந்துகளை ஒதுக்கி, புதிய பேருந்துகளை இயக்க அரசு உடனடி நடவடிக்கை எடுக்க வேண்டும் என வியாபாரிகள், பொதுமக்கள் மற்றும் பள்ளி மாணவர்கள் கோரிக்கை விடுத்துள்ளனர்.

தலைப்பு மாற்றப்பட்டு புதுப்பிக்கப்பட்டுள்ளது. மேலும் மாற்றங்கள் தேவையா?

திருப்பரங்குன்றம் மலை மீட்பு: அனைத்திந்திய இந்து திருக்கோயில்கள் பாதுகாப்பு சங்கம் பிரதமருக்கு கடிதம் அனுப்பியுள்ளார்கள்.

இது பற்றிய செய்தியாவது:-

தமிழ்நாட்டின் மிகப் பிரசித்தி பெற்ற மலைக் கோவில்களில் ஒன்றான திருப்பரங்குன்றம் முருகன் கோவில் தற்போது மிகுந்த சர்ச்சைக்குள்ளாகியுள்ளது.

 அனைத்திந்திய இந்து திருக்கோயில்கள் பாதுகாப்பு சங்கம் இக்கோவிலின் மலையை மீட்க பிரதமருக்கு கடிதம் அனுப்பியுள்ளது.

### முருகப்பெருமானின் ஆறுபடை வீடுகள்

முருகப்பெருமானின் ஆறுபடை வீடுகள் எனப்படும் ஆறு முக்கிய முருகன் கோவில்கள் தமிழ்நாட்டில் பரவலாக உள்ளன. 

இவற்றுள் முதல் படை வீடாக கருதப்படுவது திருப்பரங்குன்றம் கோவில் ஆகும்.

### மலையின் சிறப்பியல்புகள்

- மலையின் உச்சியில் பிரசித்தி பெற்ற முருகன் திருக்கோவில் அமைந்துள்ளது.

- அதே மலையில் பழமை வாய்ந்த மிகச் சக்தி வாய்ந்த சிவன் கோவிலும் நிலைத்து நின்றுள்ளது.

- மலையில் இடைக்கால முஸ்லிம் தர்கா அமைந்துள்ளது.

## சட்ட நிலை

### நீதிமன்ற தீர்ப்பு

1931 மே 31 அன்று வழங்கப்பட்ட நீதிமன்ற தீர்ப்பின்படி, திருப்பரங்குன்றம் மலை முழுவதும் ஶ்ரீ முருகன் கோவிலுக்கே சொந்தமாகும் என்பது தெளிவாகியுள்ளது.

### தீர்ப்பாளர்கள்

சுவாரஸ்யமான அம்சம் என்னவெனில், இந்த வழக்கின் தீர்ப்பை வழங்கியவர்கள்:

- இரண்டு ஆங்கிலேயர்

- ஒரு முஸ்லிம்

## சமீபத்திய சம்பவங்கள்

மலையில் இருக்கும் தர்காவைப் பற்றிய சர்ச்சையை மையமாக வைத்து சில முஸ்லிம் சமூக விரோத வன்முறை சம்பவங்கள் நிகழ்த்தப்பட்டு வருகின்றன.

## அனைத்திந்திய இந்து திருக்கோயில்கள் பாதுகாப்பு சங்கத்தின் கோரிக்கை

அனைத்திந்திய இந்து திருக்கோயில்கள் பாதுகாப்பு சங்கம் பிரதமரிடம் மேற்கொண்ட கோரிக்கைகள்:

1. பக்தர்களின் நலன் கருதி

2. திருப்பரங்குன்றம் மலையை மீட்க

3. உடனடியாக அனைத்து வகை நடவடிக்கைகளும் எடுக்கப்பட வேண்டும்

இக்கோரிக்கை தற்போது பல்வேறு சமூக மற்றும் சட்ட சிக்கல்களை எழுப்பியுள்ளது. 

இந்திய நாட்டின் மிக உயரிய அதிகாரியான பிரதமரிடம் சமர்ப்பிக்கப்பட்ட இக்கடிதம் மிகுந்த கவனத்திற்குரிய செய்தியாக அமைந்துள்ளது.

#சட்டவிரோத செம்மர வெட்டு: தூத்துக்குடி வன அலுவலர் மீது புகார்

தூத்துக்குடி, ஜனவரி 4, 2025

தூத்துக்குடி மாவட்டம் ஓட்டப்பிடாரத்தில் அமைந்துள்ள 195 செம்மரங்களை சட்டவிரோதமாக வெட்டுவதற்கு அனுமதி வழங்கியதாக மாவட்ட வன அலுவலர் மீது பரபரப்பு புகார் எழுந்துள்ளது.

## விவகாரத்தின் முக்கிய அம்சங்கள்:

மாவட்ட வன அலுவலர் ரேவதி ரமன் கடந்த டிசம்பர் 10, 2024 அன்று சென்னையைச் சேர்ந்த RMV International Traders நிறுவனத்திற்கு மரம் ஒன்றுக்கு ₹20,000 வீதம் வெட்டி எடுக்க அனுமதி வழங்கியுள்ளார். ஆனால் பல்வேறு விதிமீறல்கள் காரணமாக டிசம்பர் 24 அன்று தடை உத்தரவு பிறப்பிக்கப்பட்ட நிலையிலும், ஏற்கெனவே 20க்கும் மேற்பட்ட மரங்கள் வெட்டப்பட்டுள்ளன.

## சர்ச்சைக்குரிய அம்சங்கள்:

- அனுமதி கோரிக்கை சமர்ப்பிக்காத நிறுவனத்திற்கு அனுமதி வழங்கப்பட்டுள்ளது

- அரசு ஆவணங்களில் மரங்களின் எண்ணிக்கையில் முரண்பாடு

- நில உரிமை தொடர்பான சர்ச்சைகள்

- சுமார் ₹3 கோடி மதிப்புள்ள மரங்கள் சட்டவிரோதமாக விற்பனை செய்யப்பட முயற்சி

தற்போது நிலம் Amazo solar farm LLP நிறுவனத்தின் பெயரில் இருப்பதாகவும், பல்வேறு அரசியல் பிரமுகர்களும் இந்த மரங்களின் மீது உரிமை கோரி வருவதாகவும் தெரிகிறது.

விவசாய ஆர்வலர் அக்ரி பரமசிவன், இந்த விவகாரம் குறித்து மாவட்ட ஆட்சியர், வன அலுவலர் மற்றும் வனத்துறை கள இயக்குநர் ஆகியோர் விரிவான அறிக்கை வெளியிட வேண்டும் என கோரிக்கை விடுத்துள்ளார்.

கடல் அலையின் வேகத்தால் சேதமடைந்த பாம்பன் பாலத்தின் தூண்கள்..!! அச்சத்தில் தீவு மக்கள்..!!  உடனடியாக கனரக வாகனங்களுக்கு தடை விதிக்க கோரிக்கை விடுத்துள்ளனர்..!!

            இராமேஸ்வரம் தீவையும், நிலப்பரப்பையும் இணைக்கும் பாலமாக பாம்பன் பாலம் இருந்து வருகிறது. இந்தப் பாலம் 1991 ஆம் ஆண்டு கட்டப்பட்டு 33 ஆண்டுகளுக்கு மேலாக செயல்பட்டு வருகிறது. ராமேஸ்வரம் தீவில் வாழும் ஒரு லட்சம் மக்களின் வாழ்வாதாரமாக இந்த பாலம் திகழ்கிறது. இந்த பாலத்தின் வழியே ஆண்டிற்கு மூன்று கோடி பேர் பயணிப்பதாக புள்ளி விவரம் கூறுகிறது.

 வடநாட்டிலிருந்து யாத்திரையாக ராமேஸ்வரம் கோயிலுக்கு வழிபாடு செய்ய வருவதற்கு ஒரு முக்கிய பாலமாக இது திகழ்கிறது.

         பாம்பன் ரயில் பாலம் கடந்த 2 ஆண்டுகளாக செயல்படாததால், பாம்பன் பேருந்து பாலம் தான் இந்த தீவு மக்களின் வாழ்வாதாரமாக திகழ்கிறது. இந்த பாலத்தின் வழியாகத்தான் தீவில் உள்ள ஒரு லட்சம் பேருக்கு உணவு பொருள்களும் அத்தியாவசிய பொருட்களும் கொண்டு செல்லப்படுகிறது.

        ஆனால் இந்த பாலத்தை பராமரிப்பதில் நெடுஞ்சாலைத்துறை மெத்தனமாக செயல்பட்டு வருகிறது. 

இதனால் பாலத்தின் பல பகுதியில் சேதம் அடைந்து பயணிக்க முடியாத சூழ்நிலை உள்ளது. குறிப்பாக நடுபாலம் முழுவதும் சேதம் அடைந்துள்ளது. 

எந்த நேரமும் பாலம் இடிந்து விழும் சூழ்நிலையில் பாலம் இருக்கிறது. 

ஆனால் இது குறித்து புகார்களை தெரிவித்தாலும் மத்திய, மாநில அரசுகள் மற்றும் நெடுஞ்சாலைத்துறை எந்த முறையான நடவடிக்கையையும் செய்வதில்லை. 

சேதமடைந்த பகுதி தீவு மக்கள்

     சமீபத்தில் பாலத்தை பராமரிப்பதற்காக 20 கோடி ரூபாயில் பராமரிப்பு பணி நடந்த நிலையில், பாலம் பல்வேறு இடங்களில் மிகவும் சேதம் அடைந்த நிலையில் உள்ளது.

 இதுகுறித்து நெடுஞ்சாலைத்துறைக்கு புகார் அளித்தும் நெடுஞ்சாலைத்துறை அதிகாரிகள் கண்டு கொள்வதில்லை. ஒருவேளை மிகப்பெரிய அசம்பாவிதம் நடந்தால் தான் அரசுகள் நடவடிக்கை எடுப்பார்கள் போல.....

        தீவில் உள்ள சமூக ஆர்வலர்கள் பலர் இந்த பாம்பன் பாலத்தைக் காப்பதற்காக பல்வேறு போராட்டங்களையும், கோரிக்கைகளையும் முன்வைத்தும், அரசு செவிசாய்க்காத நிலையில், பலமுறை நீதிமன்றங்கள் சென்று இந்த பாலத்திற்கு பராமரிப்பு மற்றும் விளக்கு எரிவதற்கான உத்தரவுகளை போராடி பெற்று ஓரளவுக்கு பாலத்தை காப்பாற்றி வருகிறார்கள். 

தற்போதும் பாலத்தைக் காக்க தீவு மக்கள் நீதிமன்றத்தைத் தான் நாடு வேண்டிய சூழ்நிலையில் உள்ளோம்.

          கடந்த இரண்டு நாட்களுக்கு முன்பாக கடலிலுள்ள பாம்பன் பாலத்தின் ஆறாவது தூண் கடல் அலையின் சீற்றத்தால் கடுமையாக சேதம் அடைந்துள்ளது. இதனால் தீவில் உள்ள மக்கள் பாம்பன் பாலம் உடைந்து விடுமோ..!?என்ற அச்சத்தில் உள்ளனர்.

 பாம்பன் பாலத்தில் ஏதாவது அசம்பாவிதம் ஏற்படும் பட்சத்தில் தீவில் உள்ள ஒரு லட்சம் மக்களின் வாழ்வாதாரம் முற்றிலும் பாதிக்கப்படும். 

         எனவே இந்த விஷயத்தில் மத்திய மாநில அரசுகள் தலையிட்டு உடனடியாக இந்தப் பாலத்தை பராமரித்ததற்கு போர்கால அடிப்படைகள் நடவடிக்கை எடுக்க வேண்டும். 

பாம்பன் பாலத்தை முறையாக பராமரிக்காத நெடுஞ்சாலைத்துறை அதிகாரிகள் மற்றும் ஒப்பந்ததாரர்கள் மீது நடவடிக்கை எடுக்க வேண்டும்.

      அதேசமயம் தற்போது உள்ள சூழ்நிலையில் பாம்பன் பாலத்தை காக்க  உடனடியாக பாம்பன் பாலத்தில் கனரக வாகனங்கள் செல்ல தடை விதிக்க வேண்டும் என கோரிக்கையை தீவு மக்கள் சார்பில் முன்வைக்கிறோம்.

சே. ஜான் போஸ்கோ ,

நிருபர்,

தூத்துக்குடி.

 ▇█▓▒░𝚝𝚑𝚘𝚘𝚝𝚑𝚞𝚔𝚞𝚍𝚒𝚕𝚎𝚊𝚔𝚜░▒▓█▇▅▃▂ 

2-10- 2024 

photo news 

Arunan journalist 

அமைச்சர் அலுவலகத்தில் தூத்துக்குடி பிரஸ் நிர்வாகிகள் தீடீர் சந்திப்பு அமைச்சர் கீதாஜீவன் வாழ்த்துக்கள் தெரிவித்தார் .

இது பற்றிய செய்தியாவது:-

     தூத்துக்குடி பிரஸ் கிளப் 2024 - 2026ம் ஆண்டிற்கு தேர்தெடுக்கப்பட்ட புதிய நிர்வாகிகளான தலைவர் சண்முகசுந்தரம் தலைமையில் செயலாளா் மோகன்ராஜ், துணைத்தலைவர் சிதம்பரம், உள்ளிட்ட நிர்வாககுழுவைச் சேர்ந்தவர்கள் மரியாதை நிமித்தமாக போல்பேட்டை முகாம் அலுவலகத்தில் வடக்கு மாவட்ட திமுக செயலாளரும் சமூகநலன் மற்றும் மகளிர் உாிமைத்துறை அமைச்சருமான கீதாஜீவனை நேரில் சந்தித்தனர் 

புதிதாக தேர்ந்தெடுக்கப்பட்ட பிரஸ் கிளப் நிர்வாகிகளை நேரில் பார்த்ததும் மகிழ்ச்சியுடன் தனது வாழ்த்துக்கள் தெரிவித்தார் 

மிகையாகாது!!!

தூத்துக்குடி மாநகரில் உள்ள செய்தியாளர்கள் இடம் இப்போது அல்ல ஆரம்ப காலத்தில் இருந்தே நல்ல உறவுடன் மதிப்பு உடன் அன்னோன்யமாக பேசி பழகி வருபவர் அமைச்சர் கீதாஜீவன் மட்டுமே என்றால் மிகையாகாது.

இவரை மட்டுமே நேரில் உடன் சந்திக்கலாம் மற்றவர்கள் அப்படியல்ல !  

கோரிக்கை!!!

 இதனால்  ? புதிதாக தேர்தெடுக்கப்பட்ட நிர்வாகிகள் அமைச்சர் கீதாஜீவனிடம் தங்கள் கோாிக்கை மனுவை அளித்தனர்.

     நிகழ்ச்சியில் கௌரவ ஆலோசகர் பாலகிருஷ்ணன், செயற்குழு உறுப்பினர்கள் சரவணபெருமாள், குமாா், மாாிராஜா, செந்தில்முருகன், இருதயராஜ், ஆகியோர் கலந்து கொண்டனர்.

 ▇█▓▒░𝚝𝚑𝚘𝚘𝚝𝚑𝚞𝚔𝚞𝚍𝚒𝚕𝚎𝚊𝚔𝚜░▒▓█▇▅▃▂ 

13-8-2024

Photo news by John Bosco 

தேசிய பாரம்பரிய மீனவர்கள் கூட்டமைப்பு சார்பில் மீனவ தலைவர்கள் தமிழக கவர்னர் ரவியை சந்தித்தனர்

இதுபற்றி செய்தியாவது 

இன்று 13-8-2024 இராமநாதபுரம்  விருந்தினர் மாளிகையில், 

நாட்டுப்படகு மீனவர்கள் சென்று மேதகு தமிழக  கவர்னரை சந்தித்தனர்.

1974 கச்சத்தீவு ஒப்பந்தத்தில்..

 6வது சரத்தில் உள்ள மீன்பிடி உரிமையை செயல்படுத்த மத்திய மாநில அரசுகளை வலியுறுத்த கோரியும், பாரம்பரிய மீன்பிடி கடலில் இலங்கை கடற்படை இந்திய நாட்டுப்படகுகளை பிடிப்பதை தடுக்கவும், பிடிக்கப்பட்ட மீனவர்கள் மற்றும் நாட்டுப்படகுகளை மீட்க நடவடிக்கை எடுக்க மத்திய மாநில அரசுகளுக்கு வலியுறுத்த கோரிக்கை வைத்தனர்.

கவர்னர் சந்திப்பில்...

தேசிய பாரம்பரிய மீனவர்கள் கூட்டமைப்பு தலைவர் சேனாதிபதி சின்னத்தம்பி, இராமநாதபுரம் மாவட்ட நாட்டுப்படகு மீனவர் சங்க தலைவர்கள்  ஜெரோமியாஸ்,  கெம்பிஸ்,  ஏங்கராஜா, குழந்தை நாதன்,  எட்வின்,  சிவக்குமார், ஜான்பிரீட்டோ,  சார்லஸ், பிராங்கிளின் உள்ளிட்டவர்கள் கலந்துகொண்டு சந்தித்தனர்.

      அப்போது ..

மேதகு கவர்னர் ரவி தெரிவித்தாவது:-

 இந்திய நாட்டின் கடல் எல்லையை பாதுகாக்கும் முதல்நிலை காவல் அரனாகவும் இந்திய நாட்டின் மிகப்பெரிய பொருளாதார சக்தியாகவும், மக்களுக்கு சத்தான இயற்கை உணவான மீனை கொடுக்கும் மீனவணை பாதுகாக்க வேண்டியது அரசின் கடமை.

 எனவே மீனவர்களை பாதுகாக்க அரசு தகுந்த நடவடிக்கை எடுக்கும் என உறுதி அளித்தார்.

       ....

  ▅▇█▓▒░𝚝𝚑𝚘𝚘𝚝𝚑𝚞𝚔𝚞𝚍𝚒𝚕𝚎𝚊𝚔𝚜░▒▓█▇▅▃▂ 1-7-2024 photo news 

by arunan journalist 

புதன் கிழமை தோறும் உங்கள் பகுதியில் மண்டலவாரியாக பொதுமக்களிடம் இருந்து கோரிக்கை மனுக்கள் பெறப்பட தூத்துக்குடி மாநகராட்சி முகாம் நடைபெறும் என மாநகராட்சி ஆணையர் லி. மதுபாலன்,இ.ஆ.ப  அறிவிப்பு   செய்துள்ளார்.

இது பற்றிய செய்தியாவது:-

தூத்துக்குடி மாநகர பகுதிகளில் அரசின் பல்வேறு திட்டங்களின் வாயிலாக அடிப்படை கட்டமைப்பு வசதிகள் நிறைவேற்றப்பட்டு வருகின்றன. 

மேலும் ...

பகுதி சபா கூட்டங்களும் உரிய காலங்களில் நடத்தப்பட்டு பொதுமக்களிடமிருந்து வரப்பெறும் கோரிக்கைகள் அனைத்தும் முறையாக பரிசீலிக்கப்பட்டு முன்னுரிமை அடிப்படையில் பணிகள் நிறைவேற்றப்பட்டு வருகின்றன.

 இந்நிலையில், பொதுமக்களின் கோரிக்கைகளை விரைந்து முடிக்கும் வகையில் ...

ஒவ்வொரு வாரமும் புதன் கிழமை தோறும்  மண்டலம் வாரியாக கோரிக்கைகளை கேட்டு அறிந்து உடனடியாக நிவர்த்தி செய்யும் வகையில் மாண்புமிகு மேயர் ஜெகன் பெரியசாமி தலைமையில் தொடர்புடைய அலுவலர்கள் மண்டல வாரியாக முகாம்களில் கலந்து கொள்ள உத்தேசிக்கப்பட்டுள்ளது. 

முதல் முகாம் !

இதன் முதல் முகாமானது வருகின்ற 3/7/2024 புதன்கிழமை காலை 10.00 மணிக்கு வடக்கு மண்டல அலுவலகத்தில் வைத்து நடைபெறுகிறது.

தூத்துக்குடி வடக்கு மண்டலத்திற்குட்பட்ட ( வார்டு எண்கள் 1 முதல் 14 மற்றும் 20 ) பகுதிகளில் வசிக்கும் பொதுமக்களிடம் இருந்து கோரிக்கை மனுக்கள் பெறப்பட உள்ளது. 

மேயர் ஜெகன் பெரியசாமி !

மேற்படி முகாமில்....

 சொத்து வரி நிர்ணயம், சொத்துரி பெயர் மாற்றம், திருத்தங்கள், 

புதிய குடிநீர் இணைப்பு,தண்ணீர் கட்டண பெயர் மாற்றம், தண்ணீர் உபயோக கட்டண விகிதங்கள் மாற்றம், கட்டிட அனுமதி, ஆக்கிரமிப்புகள் அகற்றுதல், பொதுச் சுகாதாரம், உரிமை ஆணை கட்டணங்கள், தொழில்வரி, பாதாள சாக்கடை உள்ளிட்ட மாநகராட்சி சேவை குறித்து கோரிக்கை மனுக்களை மாண்புமிகு மேயர் ஜெகன் பெரியசாமி அளிக்கலாம். 

எனவே, ..

மேற்படி முகாம்களில் பொதுமக்கள் தாங்கள் தேவைகளை கோரிக்கை மனுக்களாக வழங்கி பயன்பெறுமாறு மாநகராட்சி ஆணையர் லி. மதுபாலன்,இ.ஆ.ப  தெரிவித்துள்ளார்கள்.

 ▅▇█▓▒░𝚝𝚑𝚘𝚘𝚝𝚑𝚞𝚔𝚞𝚍𝚒𝚕𝚎𝚊𝚔𝚜░▒▓█▇▅▃▂ 1-7-2024 photo news by sunmugasunthram Reporter 

தூத்துக்குடி பிரையண்ட்நகா் பகுதி கட்ட பொம்மன்நகாில் உயர்கோபுர மின்விளக்கு அமைக்க கோாி மேயர் ஜெகன் பொியசாமியிடம் மதிமுக கோாிக்கை வைத்தனர்.

இது பற்றிய செய்தியாவது:-

     தூத்துக்குடி திமுக தலைவரும் தமிழக முதலமைச்சருமான முக.ஸ்டாலின் உத்தரவுபடி தூத்துக்குடி மாநகராட்சி பகுதியில் பல்வேறு பணிகள் நடைபெற்றுக் கொண்டிருக்கின்றன. 

அதை சூழற்சி முறையில் எல்லா பகுதிகளுக்கும் நேரில் சென்று ஆய்வு  மேற்கொள்கின்றனர். 

மேலும் ..

மேயர் ஜெகன் பொியசாமியிடம் போல்பேட்டை அலுவலகத்திலும் மாநகராட்சி அலுவலகத்திலும் பொதுமக்கள் கொடுக்கும் கோாிக்கை மனுக்கள் மீது உடனுக்குடன் நடவடிக்கை எடுக்கப்படுகிறது.

      தூத்துக்குடி மாநகராட்சி அலுவலகத்தில் தூத்துக்குடி மாநகர மதிமுக செயலாளா் முருகபூபதி மாவட்ட அவைத்தலைவர் பேச்சிராஜ், மாவட்ட இளைஞர் அணி செயலாளர் சரவணபெருமாள், ஆகியோர் இன்று மேயர் ஜெகன் பொியசாமியிடம் அளித்த கோாிக்கை மனு வைத்தார்கள்.

அந்த மனுவில்.... தூத்துக்குடி 45வது வார்டுக்குட்பட்ட தூத்துக்குடி பிரையண்ட் நகர் 12 மேற்கு கட்ட பொம்மன்நகர் நான்கு முக்கு சந்திப்பில் தினமும் தனியார் கம்பெணி பஸ்கள் மினி பஸ்கள், ஆட்டோக்கள், இருசக்கர வாகனங்கள் என பல்வேறு போக்குவரத்து இருப்பதால் ...

இரவு நேரங்களில் பொதுமக்கள் சாலையை கடப்பதற்கு போதிய விளக்கு வசதி இல்லாமல் மிகவும் சிரமப்படுகிறார்கள். 

ஆகவே பொதுமக்கள் நலன்கருதி அந்த நான்கு முக்கு சந்திப்பில் மின்கோபுர விளக்கு அமைத்து தரவேண்டும் என்று கூறியுள்ளனர்.

 இதனையடுத்து மேயா் ஜெகன் பொியசாமி கூறுகையில்....

தூத்துக்குடி மாநகாில் பல இடங்களில் பொதுமக்கள் நலன் கருதி உயர் கோபுர மின்விளக்கு அமைக்கப்பட்டுள்ளது. 

இந்த பகுதிகளிலும் உங்களது கோாிக்கையை ஏற்று ஆய்வு மேற்கொண்டு செய்து கொடுப்பதாக உறுதியளித்தார்.

 மின்வாாிய தொழிற்சங்க தலைவர் பேச்சிமுத்து, போல்பேட்டை பகுதி பிரதிநிதிகள் பிரபாகர், ஜோஸ்பா், மேயாின் நேர்முக உதவியாளர் ரமேஷ் உள்பட பலர் உடனிருந்தனர்.

▂▃▅▇█▓▒░𝚝𝚑𝚘𝚘𝚝𝚑𝚞𝚔𝚞𝚍𝚒 𝚕𝚎𝚊𝚔𝚜░▒▓█▇▅▃▂11 - 3 - 2024

photo news by:-

Arunan Journalist

இதுவரை எதுவும் கண்டு கொள்ளாத தமிழக அரசிடம் கூட்டுறவு வங்கி பணியாளர்களுக்கு நியாயமான புதிய ஊதிய உயர்வு உட்பட 12 கோரிக்கைகளை வலியுறுத்தி தூத்துக்குடியில்  ஆர்ப்பாட்டம் தமிழ்நாடு மாநில தொடக்க கூட்டுறவு வங்கி அனைத்து பணியாளர்கள் சங்கத்தினர் ஈடுபட்டனர்.

இது பற்றிய செய்தியாவது:-

தமிழகம் முழுவதும் 4500 தொடக்க கூட்டுறவு கடன் சங்கங்கள் மற்றும் நகர கூட்டுறவு

கடன் சங்கங்கள் கிராமப்புறங்களில் மக்கள் சேவையில் சிறப்பாக செயல்பட்டு வருகின்றன.

கூட்டுறவு சங்கங்கள் மற்றும் இவைகளால் நடத்தப்படும் 33700 கிராம அங்காடிகளில் சுமார்

30000க்கும் மேற்பட்ட பணியாளர்கள் பணிபுரிந்து வருகின்றனர்.

நியாயமான புதிய ஊதிய உயர்வு உட்பட 12 கோரிக்கைகளை

பதிவாளாருக்கு

பல கடிதங்களும் அதன்மீது பல சுற்றுப் பேச்சுவார்த்தைகளும் நடந்தேறிய

நிலையில் கோரிக்கைகள் எதுவும் நிறைவேற்றப்படாத காரணத்தால் இன்று அரசின் கவனத்தை

ஈர்க்கும் வகையில் தமிழகமெங்கும் மாவட்ட தலைநகரங்களில் கோரிக்கைகள் வலியுறுத்தி

ஆர்ப்பார்ட்டம் நடத்திட மாநில சங்கம் அறிவித்தனர்.

தமிழகம் முழுவதும் உள்ள தலைநகரங்களில் இன்று 12.கோரிக்கைகளை நிறைவேற்ற வலியுறுத்தி ஆர்ப்பார்ட்டம் நடைபெற்றது.

தூத்துக்குடி

மாவட்டத்தில் இன்று (11.03.2024)

தூத்துக்குடி சிதம்பரநகர் பஸ்ஸ்டாப் (மையவாடி எதிர்புறம்) மாவட்ட தலைவர் ச.பாலமுருகன்

தலைமையிலும், மாவட்ட

பொருளாளர்

செ.கணேசன் முன்னிலையிலும், கௌரவ

பொதுசெயலாளர் டாக்சிரியா மாவட்ட செயலாளர் .மா.ஜேசுராஜன் சிறப்புரையுடன்

ஆர்ப்பாட்டம் நடைபெற்றது.

இந்த ஆர்ப்பாட்டததில் துணைத்தலைவர்கள்

அ.பெனிஸ்கர், ஜீ.தம்பிராஜ், ஒன்றிய நிர்வாகிகள் குமார், சுப்பிரமணியன், சுப்பையா, கணபதி

மல்லு, குமரேசன், எட்வின், கென்னடி, ஐவகர், கோபாலகிருஷ்ணன், ஆறுமுகபாண்டி, ஆறுமுகம்,

வீரப்பன், நாகமணி, கிருபா,ஜெயக்குமார்,ஸ்ரீதேவ், திருமணிதங்கம், டாக்சிரியா ஓய்வு பெற்றோர் நல

சங்க நிர்வாகிகளும் உறுப்பினர்களும் உட்பட 300-க்கும் மேற் டோர் கலந்து கொண்டனர்.

 இந்து சேனா மாநில தலைவர் அதிரடி கோரிக்கையாக .... போதைப்பொருள் கடத்தல் சிக்கியுள்ள ஜாபர் சாதிக்  மீதும் அவரது கூட்டாளிகள்  தொடர்பு உள்ள வர்கள் மீீது நடவடிக்கை எடுக்க வேண்டும் என வலியுறுத்தி அறிக்கை விடுத்துள்ளார்.

இது பற்றிய செய்தியாவது:-

போதைப்பொருள் கடத்தல்  ஜாபர் சாதிக் தொடர்பு உடையவர்கள் மீது உடனே நடவடிக்கை தேவை தாமதிக்க கூடாது என  இந்து சேனா மாநில தலைவர் அருள்வேலன் ஜி கேட்டு கொண்டுள்ளார்.

மேலும்....

ஏற்கனவே சட்ட விரோத செயல்களில் ஈடுபட்டு நீதிமன்ற தண்டனைக்கு உட்பட்டு மீண்டும் தொடர்ந்து சட்ட விரோத போதைப்பொருள் கடத்தல் தொழில் ஈடுபட்ட  ஜாபர் சாதிக் உடன் தொடர்பில் இருந்த அனைவரையும் உடனே விசாரணைக்கு உட்படுத்த வேண்டுமென இந்து சேனா மாநில தலைவர் அருள்வேலன் ஜி வலியுறுத்தல் செய்துள்ளார்.

 தூத்துக்குடி மாநகராட்சி 60 வது வார்டு பகுதி சபா கூட்டம். நடைபெற்றது

60- வது வார்டு உட்பட்ட கோயில்பிள்ளை நகரின் வளர்ச்சி மற்றும் பொதுமக்களின் வாழ்வாதாரம் காத்திட உடனடியாக கீழ்க்கண்ட கோரிக்கைகளை நிறைவேற்ற வேண்டும் என்று கோயில்பிள்ளை நகர் அபிவிருத்தி சங்க 

செயலாளர் ராஜா வேண்டுகோள் விடுத்தார்.

இதுபற்றி செய்தியாவது:-

இன்று 15/09/23

60 வது வார்டு பகுதி சபா கூட்டம்....

பொதுமக்கள் குறை தீர்க்கும் ஆலோசனை கூட்டம் தூத்துக்குடி மாமன்ற உறுப்பினர் பாலகுருசாமி தலைமையில் மாநாகராட்சி

பகுதி சபா செயலாளர் முத்து முன்னிலையில் 

 கோயில்பிள்ளை நகர் அபிவிருத்தி சங்க கட்டிடத்தில் வைத்து நடைபெற்றது.

கூட்டத்தில் ...

கோயில்பிள்ளை நகரின் வளர்ச்சி மற்றும் பொதுமக்களின் வாழ்வாதாரம் காத்திட உடனடியாக கீழ்க்கண்ட கோரிக்கைகளை நிறைவேற்ற வேண்டும் என்று கோயில்பிள்ளை நகர் அபிவிருத்தி சங்க 

செயலாளர் ராஜா வேண்டுகோள் விடுத்தார்.

அதன் விவரமாவது:-

01 ) கோயில்பிள்ளை நகரின் நுழைவாயிலில் இராட்சத மின் விளக்குகள் அமைத்திட வேண்டும்.

02 ) கோயில் பிள்ளைநகர் பிரதான சாலையின் இரு புறத்திலும் நடை பாதை அமைத்து தர வேண்டுகிறோம்.

 03 ) கோயில்பிள்ளை நகர் பிரதான சாலையில் செல்லும் உயர்மின்னழுத்த கம்பி வழித்தடத்தினை உடனடியாக மாற்றி அமைத்திட ஆவண செய்ய வேண்டுகிறோம்.

04 )  கோயில் பிள்ளை நகரில் குழந்தைகள் மற்றும் பெரியவர்களுக்கு பொழுது போக்கிட  பூங்கா அமைத்து தர வேண்டுகிறோம்.

 05 ) கோயில் பிள்ளை நகரில் உள்ள இளைஞர்களின் நலனைக் கருத்தில் கொண்டு அவர்களுக்கு  நூலகம் மற்றும் உடற்பயிற்சி நிலையம் அமைத்து தர வேண்டுகிறோம்.

06 ) கோயில் பிள்ளை நகரில் உள்ள மின் கம்பங்கள் அனைத்திலும் உள்ள மின்கம்பிகள் தாழ்வான நிலையில்  பொது மக்களை அச்சுறுத்தும் விதமாக செல்வதால் உடனடியாக அதனை உயர்வாக செல்லும்படி செய்திட வேண்டும். 

மேலும் மின்கம்பங்கள் நிறைய தெருவிளக்குகள் இல்லாமல் இருப்பதால் மக்கள் பொதுமக்கள்  இரவு நேரங்களில் மிகுந்த அச்ச உணர்வுடன் செல்ல வேண்டி இருந்தது . ஆதலால் மின் விளக்குகள் இல்லாத மின்கம்பங்களில் உடனடியாக மின்விளக்குகள் பொருந்தி தர வேண்டுகிறோம்.

 07 ) SEPC பவர் பிளான்ட் மற்றும் கோயில் பிள்ளை நகர் இடையேயான நிலத்தில் அதிகப்படியாக மரங்களை வளர்த்து பராமரித்து நகரின் மக்கள் நல்ல காற்றினை சுவாசிக்க ஆவண செய்ய வேண்டும்.

08 ) மழைக் காலங்களில் மன்னாரையா & சன்ஸ் நிறுவனத்திலிருந்து கோயில் பிள்ளை நகருக்குள் மழை நீர் வடியாத வண்ணம் நடவடிக்கை எடுக்க வேண்டுகிறோம்.

09 ) தூத்துக்குடி துறைமுகம், தூத்துக்குடி அனல் மின் நிலையம், NTPL, SEPC, ஸ்பிக், டேக், IOC போன்ற பெரும் நிறுவனங்களால் நேரடியாக பாதிக்கப்படக் கூடிய மக்கள் மற்றும் பகுதி நாங்கள் ஆகையால் அவர்கள் செய்ய வேண்டிய சி எஸ் ஆர் கார்ப்பரேட் சோசியல் ரெஸ்பான்சிபிலிட்டி ( Corporate Social Responsibility) மூலம் செய்யும்  திட்டங்களை  பல நூறு கிலோ மீட்டருக்கு அப்பால் சென்று செய்கிறார்கள். அதனை தடுத்து அந்த நிறுவனங்களால் நேரடியாக பாதிக்க கூடிய பகுதிகளை அந்த நிறுவனங்கள் தத்து எடுத்திடவும் அப்பகுதியின் வளர்ச்சி மற்றும் அங்குள்ள மக்களின் வாழ்வாதாரங்களை உயர்த்திட ஆவண செய்ய வேண்டும்.

 10 )  கோயில் பிள்ளை என்பவர் தூத்துக்குடி துறைமுகத்தின் முதல் நிர்வாகியும் தலைமை பொறியாளரும் ஆவார். ஆரம்ப கட்டத்தில் துறைமுகத் திட்டத்தினை கொண்டு வந்ததும் மத்திய மாநில அரசுகளுக்கு துறைமுகத்தின் பலன் வருங்காலத்தின் வளர்ச்சி மற்றும் அரசுக்கான வருவாய் அனைத்துமே கணக்கிட்டு அவர்கள் புரியும் படி செய்து தூத்துக்குடி துறைமுகத் திட்டத்தினை உருவாக்கி இன்று தூத்துக்குடி மட்டுமல்லாது தென் தமிழகமே தொழில் வளர்ச்சி பெற்றிட வித்திட்டவர் திருக்கோயில் பிள்ளை ஆவார் அவரது நினைவாக நம் திருச்செந்தூர் ரவுண்டானாவில் அமைந்துள்ள மேம்பாலத்திற்கு அவரது பெயரை வைப்பதுடன் மேம்பாலத்திற்கு கீழ் உள்ள இடத்தில் அவருக்கு ஒரு சிலை அமைத்திடவும் வேண்டுகிறோம்

கூட்டத்தில் கோயில்பிள்ளை நகரில் உள்ள ஹீராஜான், வேலு ராஜ்குமார், ஜாஸ்லின், மாயகிருஷ்ணன் தேவதாஸ் மற்றும் பலர் கலந்து கொண்டனர்.

இக்கூட்டத்தில் அனல்மின் நிலையத்தின் முகாம் I உதவி செயற்பொறியாளர்  ராமகிருஷ்ணன் மற்றும் பலர் மின் வாரிய குடியிருப்பு உறுப்பினர்களுக்கு தேவையான கோரிக்கைகளை வைத்தனர். அதே போல லேசர் காலணியில்  உள்ள மக்கள் வீரபத்திரன் தலைமையில் கூட்டத்தில் கலந்து கொண்டு அவர்கள் பகுதியில் உள்ள பிரச்சினைகளை தீர்வு காண வேண்டினார். 

பகுதி சபா கூட்டத்தில் பெரும் திரளான மக்கள் கலந்து கொண்டார்கள்..

பகுதி சபா கூட்ட உறுப்பினரும் அனல்மின் நிலைய முகாம் I உறுப்பினர்களில் ஒருவரான ராபின் அனைவருக்கும் நன்றி தெரிவித்தார்.

 thoothukudileaks 6-4-2023

photo news by shanmuga sunthram 

தூத்துக்குடி மாப்பிள்ளையூரணி பகுதியில் அடிக்கடி மின் அழுத்த பிரச்சனை இதனால் பொதுமக்கள் பாதிப்பு மின்வாரிய அதிகாரிகளுக்கு ஊராட்சி மன்ற தலைவர் சரவணக்குமார் கோரிக்கை 

இது பற்றிய செய்தியாவது:-

தூத்துக்குடி ஒட்டப்பிடாரம் சட்டமன்ற தொகுதிக்குட்பட்ட மாப்பிள்ளையூரணி ஊராட்சி மாவட்டத்தில் உள்ள 403 ஊராட்சிகளில் மிகப்பெரிய ஊராட்சிகளில் 59 கிராமங்கள் உள்ளடங்கிய வளர்ந்து வரும் பெரிய ஊராட்சியாகும்.

காளியம்மான் கோவில் கொடை விழாவில் பாரதிநகர் ஊர் பொதுமக்களுடன்ஊராட்சி மன்ற தலைவர் சரவணக்குமார்

 மாப்பிள்ளையூரணி ஊராட்சி மன்ற தலைவரும் தூத்துக்குடி கிழக்கு ஒன்றிய திமுக செயலாளரும் கூட்டுறவு கடன்சங்க தலைவருமான சரவணக்குமார் மின்வாரிய நகர்புறம் வடக்கு உதவி செயற்பொறியாளருக்கு அனுப்பியுள்ள கோரிக்கை மனுவில் கூறியிருப்பதாவது

    மாப்பிள்ளையூரணி ஊராட்சி பகுதியில் உள்ள கீதாஜீவன் நகரில் வீடுகளுக்கு கொடுக்கப்பட்ட மின் இணைப்பில் மின்சாரம் சில நேரங்களில் உயர்மின் அழுத்தமாகவும் சில நேரங்களில் குறைந்த மின் அழுத்தமாகவும் இருப்பதாகவும் அதனை மின்சார வாரிய ஊழியர்கள் சரிசெய்த பின்னரும் மீண்டும் அடிக்கடி மின் அழுத்த பிரச்சனை ஏற்படுவதால் வீடுகளில் உள்ள மின்சாதன பொருட்கள் அடிக்கடி சேதம் அடைகிறது. 

ஆகவேமேற்குறிப்பிட்டுள்ள கீதாஜீவன் நகரில் அடிக்கடி ஏற்படுகின்ற மின்அழுத்த பிரச்சனையை உடனடியாக சரி செய்து நிரந்தர தீர்வு ஏற்படுத்தி கொடுக்குமாறு பணிவுடன் கேட்டுக்கொள்கிறேன் என்று தெரிவித்துள்ளார்.

மாப்பிள்ளையூரணி ஊராட்சி பாரதிநகர் காளியம்மான் கோவில் கொடை விழாவை முன்னிட்டு நடைபெற்ற அன்னதான நிகழ்ச்சியை மாப்பிள்ளையூரணி ஊராட்சி மன்ற தலைவரும் திமுக கிழக்கு ஒன்றிய செயலாளருமான சரவணக்குமார் தொடங்கி வைத்து பாரதிநகர் ஊர் பொதுமக்களுடன் உணவு அருந்தினார்.