தூத்துக்குடியில் உலக ரேபிஸ் தின தீவிர வெறிநோய் தடுப்பூசி முகாம்  மாநகராட்சி ஆணையர் பிரியங்கா தொடங்கி வைத்தார்

 Tamil Nadu updates

​குளித்தலை: செப் 27

காவிரி நதி நீர் பாதுகாப்பு அறக்கட்டளை சார்பாக பௌர்ணமி தினத்தை முன்னிட்டு, கரூர் மாவட்டம் குளித்தலை பகுதியில் அகண்ட காவிரி நதிக்கு சிறப்பு வழிபாடுகள் மற்றும் மகா ஆரத்தி விழா விமரிசையாக நடைபெற்றது.

​பௌர்ணமியை முன்னிட்டு காவிரி நதியைப் போற்றிப் பாதுகாக்கும் வகையில் நடைபெற்ற இந்நிகழ்வில், அகண்ட காவிரிக்கு வண்ண மலர்கள் தூவி, தீபாராதனையுடன் மகா ஆரத்தி காண்பிக்கப்பட்டு சிறப்பு பூஜைகள் செய்யப்பட்டன.

​இந்நிகழ்ச்சியில் வாழைக்காய் வியாபாரி சேட், ராமகிருஷ்ணன், கருணாநிதி, மதுரா செல்வம், மதியழகன், வெங்கடேஷ், பூசாரி ரவி உட்பட முக்கியப் பிரமுகர்களும், திரளான பொதுமக்களும் கலந்து கொண்டு காவிரி நதியை வழிபட்டனர். 

விழா நிறைவில் கலந்துகொண்ட பக்தர்கள் மற்றும் பொதுமக்கள் அனைவருக்கும் அன்னதானம் வழங்கப்பட்டது.

தூத்துக்குடியில் ராஜலட்சுமி மருத்துவமனையில் இலவச மருத்துவ ஆலோசனை முகாம்: திரளான பொதுமக்கள் பங்கேற்பு!

தூத்துக்குடி:செப் 27

தூத்துக்குடி குறிஞ்சிநகரில் அமைந்துள்ள ராஜலெட்சுமி மருத்துவமனையில் பொதுமக்கள் பயனடையும் வகையில் இலவச மருத்துவ ஆலோசனை முகாம் சிறப்பாக நடைபெற்றது.

இம்முகாமிற்கு டாக்டர் ராஜலெட்சுமி தலைமை வகித்தார். மருத்துவர்கள் பிரபு அலாய், பழனி ஆகியோர் முன்னிலை வகித்து பொதுமக்களுக்கு மருத்துவ ஆலோசனைகளை வழங்கினர்.

முகாமில் மகப்பேறு மற்றும் பெண்கள் நலப்பிரிவின் கீழ் கர்ப்பப்பை கோளாறுகள், கர்ப்பப்பை கட்டிகள், வெள்ளைப்படுதல், மாதவிடாய் கோளாறுகள், குழந்தையின்மை பிரச்சனை, கர்ப்பப்பை வாய் பரிசோதனை மற்றும் மார்பக பரிசோதனை ஆகியவற்றுக்கான சிறப்பு ஆலோசனைகள் வழங்கப்பட்டன.

மேலும், சிறுநீரகவியல் தொடர்பான சிறுநீரக தொற்று, சிறுநீரக கற்கள், சிறுநீர் கழிப்பதில் ஏற்படும் பிரச்சனைகள், சிறுநீர் கசிவு, புரோஸ்டேட் பிரச்சினைகள் மற்றும் ஆண்மை குறைபாடு ஆகிய குறைபாடுகளுக்கும், எலும்பு மற்றும் மூட்டு நலப்பிரிவில் முழங்கால் வலி, மூட்டு வலி, மணிக்கட்டு வலி, முதுகு வலி, குதிகால் வலி, ஆர்த்ரிட்டீஸ் மற்றும் ஆஸ்டியோ போராசிஸ் போன்ற பாதிப்புகளுக்கும் தகுந்த மருத்துவ ஆலோசனைகள் அளிக்கப்பட்டன.

இதுமட்டுமின்றி, முகாமில் கலந்துகொண்ட அனைவருக்கும் இரத்த அழுத்தம், இரத்த சர்க்கரை அளவு, ஹீமோகுளோபின், யூரியா மற்றும் கிரியாட்டீன் ஆகிய பரிசோதனைகள் இலவசமாகச் செய்து தரப்பட்டன. இம்முகாமில் தூத்துக்குடி மற்றும் அதனைச் சுற்றியுள்ள பகுதிகளைச் சேர்ந்த ஏராளமான பொதுமக்கள் கலந்துகொண்டு பயனடைந்தனர்

 தூத்துக்குடி மாவட்ட PUCL பொதுக்குழு கூட்டம்: தலைவராக முனைவர் செல்வராஜ், செயலாளராக வழக்கறிஞர் தெர்மல் ராஜா மீண்டும் தேர்வு!

தூத்துக்குடி,:செ 27

தூத்துக்குடி மாவட்ட மக்கள் சிவில் உரிமை கழகத்தின் (PUCL - Peoples Union for Civil Liberties) மிக முக்கிய நிகழ்வான பொதுக்குழு கூட்டம் மற்றும் புதிய நிர்வாகிகள் தேர்தல், மாவட்டத் தலைவர் முனைவர் X. D. செல்வராஜ்  தலைமையில் மிகச் சிறப்பாக நடைபெற்றது.

தேர்தல் அதிகாரியாக மூத்த வழக்கறிஞர் ஜான் வின்சென்ட்:

இக்கூட்டத்தில் தூத்துக்குடி மாவட்டத்திற்கான புதிய பொறுப்பாளர்களைத் தேர்வு செய்வதற்கான தேர்தல் அறிவிக்கப்பட்டிருந்தது. இத்தேர்தலைச் செம்மையாக நடத்தி முடிக்க, மாநில PUCL தலைமையால், மதுரை மாவட்ட PUCL பொறுப்பாளரும், சென்னை உயர்நீதிமன்ற மதுரை கிளையின் மூத்த வழக்கறிஞருமான மதிப்பிற்குரிய தோழர் ஜான் வின்சென்ட்  தேர்தல் அதிகாரியாக நியமிக்கப்பட்டிருந்தார்.

பொதுக்குழு கூட்டத்தில் கலந்து கொண்ட உறுப்பினர்களுக்கு தேர்தல் விதிமுறைகள் குறித்து தேர்தல் அதிகாரி ஜான் வின்சென்ட் மிகத் தெளிவாக எடுத்துக் கூறினார். 

மேலும், தேசிய மற்றும் மாநில அளவிலான மக்கள் சிவில் உரிமை கழகத்தின் (PUCL) செயல்பாடுகள், கொள்கைகள் மற்றும் எதிர்காலத் திட்டங்கள் குறித்தும் உறுப்பினர்களுக்கு விரிவாக விளக்கினார்.

சிறப்பு விருந்தினராக முன்னாள் MP அப்பாதுரை பங்கேற்பு:

இக்கூட்டத்தில் வெளிப்புறப் பார்வையாளராக இந்திய கம்யூனிஸ்ட் கட்சியின் மூத்த தலைவரும், முன்னாள் சட்டமன்ற மற்றும் நாடாளுமன்ற உறுப்பினருமான தோழர் அப்பாதுரை Ex.M.P.  கலந்து கொண்டு சிறப்புரையாற்றினார்.

 அவரது உரையில் சிவில் உரிமைகளின் அவசியம் மற்றும் தற்போதைய சூழலில் PUCL போன்ற அமைப்புகளின் முக்கியத்துவம் குறித்து வலியுறுத்தினார்.

புதிய நிர்வாகிகள் ஏகமனதாகத் தேர்வு:

நீண்ட ஆலோசனைகள் மற்றும் ஜனநாயக நடைமுறைகளுக்குப் பிறகு, தூத்துக்குடி மாவட்ட PUCL தலைவராக முனைவர் X. D. செல்வராஜ் , மாவட்டச் செயலாளராக வழக்கறிஞர் தெர்மல். சொ.ராஜா  மீண்டும் ஏகமனதாகத் தேர்ந்தெடுக்கப்பட்டனர்.

அதேபோல், மாவட்டப் பொருளாளராக  பிரின்ஸ் கர்டோசா  போட்டியின்றித் தேர்வு செய்யப்பட்டார்.

பிற நிர்வாகிகள் மற்றும் மாநிலக் குழு உறுப்பினர்கள்:

• துணைத் தலைவர்:  இசக்கி முத்து
• துணைச் செயலாளர்: முனைவர் அருள் ஒளி
• மாநிலக் குழு உறுப்பினர்கள்:
  • பேராசிரியர் பாத்திமா பாபு
  • . ராஜா போஸ் ரீகன்
  • . நவமணி தங்கராஜ்
• கூடுதல் மாநிலக் குழு உறுப்பினர்: மாவட்டத் தலைவரும் மாநிலக் குழு உறுப்பினராகச் செயல்படுவார் என ஒருமனதாகத் தீர்மானிக்கப்பட்டது.

நன்றியுரை:

இறுதியாக, கூட்டத்திற்கு வந்திருந்த அத்தனை சிவில் உரிமை கழக உறுப்பினர்களுக்கும், தேர்தலைச் சிறப்பாக நடத்தித் தந்த தேர்தல் அதிகாரி ஜான் வின்சென்ட் அவர்களுக்கும், சிறப்பு விருந்தினராகக் கலந்துகொண்ட முன்னாள் MP அப்பாதுரை , கூடுதல் தேர்தல் பார்வையாளர்களான வழக்கறிஞர் கருப்பையா மற்றும் தோழர் ஸ்ரீதர் , உட்பட அனைவருக்கும் தூத்துக்குடி மாவட்டச் செயலாளர் வழக்கறிஞர் தெர்மல் ராஜா  நன்றி கூறினார்.

இந்த பொதுக்குழு கூட்டம் புதிய நிர்வாகிகள் தேர்வோடு, மாவட்டத்தில் சிவில் உரிமைகளைப் பாதுகாப்பதற்கான புதிய உத்வேகத்துடன் நிறைவுற்றது.

நடத்துனர் தற்கொலை முயற்சி

கிளை மேலாளர் மீது நடவடிக்கை கோரி சிஐடியு கண்டன ஆர்ப்பாட்டம்

தூத்துக்குடி, செப்.24:

தூத்துக்குடி நகர பணிமனையில் பணியாற்றும் நடத்துனர் ஆறுமுகம், பணிமனை மேலாளர் சுரேஷ் தன்னை அநாகரீகமாக பேசி மிரட்டியதாகவும், மன உளைச்சலுக்கு ஆளாக்கியதாகவும் கூறி பணிமனையில் விஷம் அருந்தி தற்கொலைக்கு முயன்றதாக சிஐடியு சங்கம் சார்பில் தெரிவிக்கப்பட்டுள்ளது. ஆபத்தான நிலையில் அவர் மருத்துவமனையில் தொடர்ந்து சிகிச்சை பெற்று வருவதாகவும் தெரிவிக்கப்பட்டுள்ளது.

இந்த சம்பவம் தொடர்பாக பணிமனை மேலாளர் சுரேஷ் மீது காவல்துறையில் முதல் தகவல் அறிக்கை பதிவு செய்யப்பட்டுள்ளதாக சிஐடியு தரப்பில் தெரிவிக்கப்பட்டது. மேலும், அவர் மீது போக்குவரத்துக் கழக நிர்வாகம் துறை ரீதியான நடவடிக்கை எடுக்க வேண்டும் என வலியுறுத்தி, அனைத்து தொழிலாளர்கள் சார்பில் சிஐடியு சங்கம் கண்டன ஆர்ப்பாட்டம் நடத்தியது.

தூத்துக்குடி அரசு போக்குவரத்துக் கழக மண்டல பொது மேலாளர் அலுவலகம் முன்பு 24.09.2026 அன்று பிற்பகல் 3 மணியளவில் நடைபெற்ற இந்த ஆர்ப்பாட்டத்திற்கு மத்திய சங்க உதவி செயலாளர் MK.வினோத் தலைமை வகித்தார். சிஐடியு பொதுச்செயலாளர் S.ஜோதி துவக்கவுரை ஆற்றினார்.

தூத்துக்குடி புறநகர் பணிமனை தலைவர் S.ராமசாமி, பணிமனை செயலாளர் S.சிவசுப்பிரமணியன் ஆகியோர் முன்னிலை வகித்தனர்.

ஆர்ப்பாட்டத்தில் சிஐடியு மாவட்ட தலைவர் R.பேச்சிமுத்து, REWA மாநில சம்மேளன துணைச் செயலாளர் S.பெருமாள், சிஐடியு மண்டல தலைவர் D.காமராஜ், துணைத் தலைவர் P.குமரகுருபரன், சம்மேளன குழு உறுப்பினர்கள் N.சிவக்குமார், G.அமல்ராஜ், K.முருகேசன் உள்ளிட்டோர் கோரிக்கைகளை விளக்கிப் பேசினர்.

மேலும், துணை பொதுச்செயலாளர்கள் S.பாலகிருஷ்ணன், S.ராமசாமி, K.சுரேஷ் உள்ளிட்டோரும் கலந்து கொண்டனர்.

ஆர்ப்பாட்டத்தின் நிறைவாக தூத்துக்குடி மாவட்ட சிஐடியு செயலாளர் R.ரசல் நிறைவுரையாற்றினார். சிஐடியு பொருளாளர் S.சங்கிலிபூதத்தான் நன்றியுரை வழங்கினார்.

இந்த ஆர்ப்பாட்டத்தில் S.அந்தோணிசார்லஸ், K.சிவக்குமார், D.ஜோன்ஸ்எட்வர்ட்ஞானராஜ், S.சிவசுப்பு, K.இராமர், K.காளிதாஸ், K.மனோகரன், C.சந்திரன், V.முத்துராஜ் உள்ளிட்ட நிர்வாகிகளும், நிர்வாகக்குழு உறுப்பினர்களும் கலந்து கொண்டனர்.

நடத்துனர் ஆறுமுகம் தற்கொலைக்கு முயன்ற சம்பவம் குறித்து உரிய விசாரணை நடத்தி, சம்பந்தப்பட்ட அதிகாரி மீது துறை ரீதியான நடவடிக்கை எடுக்க வேண்டும் என்பதே ஆர்ப்பாட்டத்தில் வலியுறுத்தப்பட்ட முக்கிய கோரிக்கையாகும்.