புதிய வகை மோசடி குறித்து எச்சரிக்கை  பொதுமக்கள் விழிப்புணர்வுடன் இருக்க அறிவுறுத்தல் !!!

தூத்துக்குடி:செப் 22

பொதுமக்கள் அதிகம் கூடும் வணிக வளாகங்கள், பேருந்து நிலையங்கள், சந்தைகள் உள்ளிட்ட இடங்களில், உதவி கேட்பது போன்று நடித்து தனிநபர்களை ஏமாற்றும் புதிய வகை மோசடி குறித்து சமூக வலைதளங்களில் எச்சரிக்கை தகவல்கள் பரவி வருகின்றன.

இந்த மோசடி முறையில், நடுத்தர வயது அல்லது முதியவர்கள் போன்று தோற்றமளிக்கும் நபர்கள் பொதுமக்களிடம் அணுகி, தங்களுக்கு கைபேசியை பயன்படுத்தத் தெரியவில்லை என்றும், ஓய்வூதியம் அல்லது அரசு உதவித்தொகை தொடர்பான தகவலைப் பார்க்க வேண்டும் என்றும் கூறி உதவி கேட்பதாக தெரிவிக்கப்படுகிறது.

மேலும், கைபேசியில் தவறான பகுதியை அழுத்திவிட்டதாகக் கூறி, “ஒரு நிமிடம் பார்த்து உதவுங்கள்” எனக் கேட்பதாகவும் கூறப்படுகிறது. 

இதுபோன்ற சூழ்நிலையில், அறிமுகம் இல்லாத நபரின் கைபேசியை கையில் வாங்கி பயன்படுத்துவது, தெரியாத இணையதளங்களைத் திறப்பது, குறுஞ்செய்தி குறியீடுகளை வாசித்துக் கூறுவது, முகத்தை கேமராவுக்கு காட்டுவது போன்ற செயல்களில் பொதுமக்கள் ஈடுபட வேண்டாம் என அறிவுறுத்தப்படுகிறது.

குறிப்பாக, கடவுச்சொல், வங்கி விவரங்கள், குறுஞ்செய்தி மூலம் வரும் ஒருமுறை பயன்பாட்டு குறியீடு, விரல் ரேகை அல்லது முக அடையாளம் தொடர்பான தகவல்கள் போன்றவற்றை எந்த சூழ்நிலையிலும் அறிமுகம் இல்லாதவர்களிடம் பகிரக்கூடாது.

செயற்கை நுண்ணறிவு தொழில்நுட்ப வளர்ச்சியால் குரல் மற்றும் முகப் பதிவுகளை தவறாகப் பயன்படுத்தும் அபாயங்கள் குறித்து இணையப் பாதுகாப்பு வல்லுநர்கள் தொடர்ந்து எச்சரித்து வருகின்றனர். எனவே, உதவி செய்வது என்ற நல்ல எண்ணத்திலும் தனிப்பட்ட அடையாளத் தகவல்கள் வெளிப்படாத வகையில் பொதுமக்கள் மிகுந்த கவனத்துடன் செயல்பட வேண்டும்.

பொதுமக்கள் கடைப்பிடிக்க வேண்டிய 3 முக்கிய விதிகள்

1. அறிமுகம் இல்லாதவர்களின் கைபேசியை கையில் வாங்கி பயன்படுத்த வேண்டாம்.
“ஒரே ஒரு கிளிக் மட்டும்” என்று கூறினாலும், தெரியாத செயலிகளைத் திறக்கவோ, இணையதளங்களைப் பயன்படுத்தவோ வேண்டாம்.

2. தெரியாத நபர்களின் காணொலி அழைப்புகளில் பங்கேற்க வேண்டாம்.
கேமராவை பார்த்துப் பேசுமாறு யாரேனும் வற்புறுத்தினால், அதற்கு ஒத்துழைக்காமல் அழைப்பைத் துண்டிக்கவும்.

3. சந்தேகத்திற்கிடமான செயல்பாடுகள் குறித்து உடனடியாக புகார் அளிக்கவும்.
வங்கி கணக்கு அல்லது இணையவழி நிதி மோசடி தொடர்பான சந்தேகம் ஏற்பட்டால், உடனடியாக சம்பந்தப்பட்ட வங்கி மற்றும் அதிகாரப்பூர்வ இணையவழி குற்றப்புகார் வழிமுறைகளை அணுக வேண்டும்.

“எனக்கு இதுபோன்ற மோசடி நடக்காது” என்ற அலட்சியம் வேண்டாம்.

உதவி செய்வது நல்ல மனப்பான்மை என்றாலும், அறிமுகம் இல்லாத நபர்களின் கைபேசி, இணையதளம் அல்லது அடையாளச் சரிபார்ப்பு நடவடிக்கைகளில் ஈடுபடுவதற்கு முன்பு எச்சரிக்கையுடன் இருப்பது அவசியம்.

விழிப்புணர்வே இணையவழி மோசடிகளில் இருந்து பாதுகாப்பதற்கான முதல் படியாகும்.

“செல்போன் பயன்படுத்தத் தெரியல… உதவி பண்ணுங்க!”

என்று செல்போனை கையில் கொடுத்தால்… உஷார்!

உங்கள் கைரேகை • முகம் • குரல்
AI பயோமெட்ரிக் மூலம் மோசடிக்கு பயன்படுத்தப்படலாம்!

🚨 அறிமுகமில்லாதவர்களின் செல்போனை தொடாதீர்கள்!

1. "கையில் கொடுத்தால் களவு போகும் – அடையாளம் ஆபத்தில்!"

(Identity in danger if you take it in hand)

2. "உதவுவது நல்லது… ஆனால் அறிமுகமில்லா கையில் கொடுப்பது ஆபத்து!"

(Helping is good… but giving to unknown hands is dangerous)

3. "உங்கள் விரல் ரேகை = உங்கள் பணம் – பாதுகாக்க கற்றுக்கொள்ளுங்கள்!"

(Your fingerprint = Your money – learn to protect)

4. "செல்போன் கையில்… மோசடி மனதில் – சொல்லியே ஆக வேண்டும்!"

(Phone in hand… fraud in mind – must be told)

5. "நம்பிக்கையால் நடக்கும் மோசடி – நீங்கள் தான் கவனமாக இருக்க வேண்டும்!"

(Fraud happens through trust – you must be careful)

6. "ஒரு நிமிட உதவி… ஒரு வாழ்நாள் இழப்பு – யோசியுங்கள், செய்யுங்கள்!"

(One minute of help… a lifetime of loss – think, then act)

Tamil Nadu updates 23-9-2026

தூத்துக்குடி லீக்ஸ் நாளிதழ் செய்தி

தூத்துக்குடி புதிய பேருந்து நிலைய வணிக வளாகத்தில் நான்கு சக்கர வாகன நிதி அலுவலகம் திறப்பு

தூத்துக்குடி, செப்.23:

தூத்துக்குடி புதிய பேருந்து நிலைய வணிக வளாகத்தில், தமிழ்நாடு ஆட்டோ கன்சல்டிங் சங்கத்தின் தலைவர்  ராமசேகரபாண்டியன் அவரின் நான்கு சக்கர வாகன நிதி அலுவலகம் திறப்பு விழா நடைபெற்றது.

அலுவலகத்தை தமிழ்நாடு வணிகர் சங்கங்களின் பேரவை மாநில செயல் தலைவர்  பழரசம் பா. விநாயகமூர்த்தி திறந்து வைத்தார்.

அனைத்து தனியார் பேருந்து பஸ் டிக்கெட் கூறும் புக்கிங் செய்து தரப்படும்

நிகழ்ச்சியில் ...

தூத்துக்குடி மாவட்ட ஓட்டல் உரிமையாளர் சங்கத் தலைவர் செந்தில் ஆறுமுகம், தூத்துக்குடி எம். சவேரியார்புரம் வியாபாரிகள் சங்கத் தலைவர் வேல்முருகன், தூத்துக்குடி புதிய பேருந்து நிலைய வட்டார சிறுதொழில் மற்றும் வியாபாரிகள் சங்கச் செயலாளர் தளபதி செபஸ்தியான், பிரதிநிதி செல்வராஜ் உள்ளிட்ட பல்வேறு சங்கங்களின் நிர்வாகிகள் மற்றும் கிளைச் சங்க நிர்வாகிகள் கலந்து கொண்டு சிறப்பித்தனர்.

தவெக முன்னாள் நிர்வாகி முத்துக்குமரன் மனமுவந்து விஷம் அருந்தி மருத்துவமனையில் அனுமதி

நேர்மையான விசாரணை நடத்த சட்ட உரிமைகள் கழகம் வலியுறுத்தல்

தூத்துக்குடி, செப்.22:

தூத்துக்குடி மாவட்டம் குலையன்கரிசல் பகுதியைச் சேர்ந்த முத்துக்குமரன், தமிழக வெற்றிக் கழகத்தின் தெற்கு ஒன்றிய இளைஞரணி அமைப்பாளராகப் பணியாற்றி வந்த நிலையில், கட்சிப் பொறுப்பில் இருந்து நீக்கப்பட்டதாகத் தெரிவிக்கப்பட்டுள்ளது. 

இந்நிலையில், அவர் மருந்து அருந்தியதால் உடல்நலம் பாதிக்கப்பட்டு மருத்துவமனையில் சிகிச்சை பெற்று வருவதாகக் கூறப்படுகிறது.

திமுக வினர் செய்த சதியால் என்னிடம் எந்த விளக்கமும் கேட்காமல் நீக்கப்பட்டேன் !!!

தன்னை எந்தவித விளக்கமும் கேட்காமல் கட்சிப் பொறுப்பிலிருந்து நீக்கியதாகவும், முன்னதாக திமுகவில் செயல்பட்டவர்களுக்கு தவெகவில் பதவிகள் வழங்கப்படுவதாகவும் முத்துக்குமரன் குற்றஞ்சாட்டியுள்ளதாக சட்ட உரிமைகள் கழகம் தெரிவித்துள்ளது. 

மேலும், இதுதொடர்பாக தவெக தலைவர் மற்றும் தமிழக முதலமைச்சர் விஜய்யின் கவனத்திற்கு கொண்டு செல்ல முயன்றும் முடியவில்லை என்றும் அவர் தெரிவித்ததாக கூறப்படுகிறது.

நடுநிலையான விசாரணை தேவை!!!

முத்துக்குமரன் மருந்து அருந்தியதற்கான உண்மையான காரணம் என்ன, அவருக்கு ஏதேனும் அரசியல் அல்லது நிர்வாக அழுத்தம் இருந்ததா, அவர் முன்வைத்த கோரிக்கைகள் முறையாக பரிசீலிக்கப்பட்டனவா என்பது குறித்து நடுநிலையான விசாரணை நடத்த வேண்டும் என சட்ட உரிமைகள் கழகம் வலியுறுத்தியுள்ளது.

குற்றச்சாட்டு!!!

மருத்துவ மற்றும் காவல்துறை விசாரணைகள் நிறைவடைவதற்கு முன்பாக, இந்தச் சம்பவத்திற்கு எந்தத் தனிநபரையோ அல்லது அமைப்பையோ நேரடியாகப் பொறுப்பாக்குவது சரியானதல்ல என்றும், அதே நேரத்தில் முத்துக்குமரன் முன்வைத்துள்ள குற்றச்சாட்டுகள் முறையாக விசாரிக்கப்பட வேண்டும் என்றும் அந்த அமைப்பு தெரிவித்துள்ளது.

முத்துக்குமரனுக்கு உரிய மருத்துவச் சிகிச்சை கிடைப்பதை மாவட்ட நிர்வாகம் உறுதி செய்ய வேண்டும். அவரது உடல்நிலை அனுமதிக்கும் நிலையில், மருத்துவர்களின் ஆலோசனையுடன் காவல்துறையினர் அவரது வாக்குமூலத்தை முறையாகப் பதிவு செய்ய வேண்டும் என்றும் வலியுறுத்தப்பட்டுள்ளது.

மேலும், அவர் எழுதிய கடிதங்கள், குறுஞ்செய்திகள், காணொலிகள் உள்ளிட்ட ஆவணங்கள் இருந்தால் அவற்றை சட்டப்படி பாதுகாத்து விசாரணைக்கு உட்படுத்த வேண்டும் எனவும் கோரிக்கை விடுக்கப்பட்டுள்ளது.

குடும்பத்தினரை சந்தித்து குறைகளை கேட்க வேண்டும்

தமிழக வெற்றிக் கழகத் தலைமையும் இந்த விவகாரத்தை மனிதநேயத்துடன் அணுகி, முத்துக்குமரனின் குடும்பத்தினரை நேரில் சந்தித்து அவர்களது கோரிக்கைகளைக் கேட்டறிய வேண்டும் என சட்ட உரிமைகள் கழகம் தெரிவித்துள்ளது.

மேலும், முத்துக்குமரனின் பதவி நீக்கம் மற்றும் புதிய நிர்வாகிகள் நியமனம் தொடர்பாக கட்சிக்குள் வெளிப்படையான விசாரணை நடத்தி, அதற்கான காரணத்தை எழுத்துப்பூர்வமாகத் தெரிவிக்க வேண்டும் என்றும் வலியுறுத்தப்பட்டுள்ளது.

அரசியல் கட்சிகளில் அடித்தளத்தில் பணியாற்றும் தொண்டர்களின் கருத்துகளுக்கும் குறைகளுக்கும் உரிய முக்கியத்துவம் வழங்கப்பட வேண்டும் என்றும், பதவி தொடர்பான கருத்து வேறுபாடுகள் காரணமாக எந்தத் தொண்டரும் தன்னைத்தானே பாதிக்கும் முடிவை எடுக்கும் நிலை ஏற்படாத வகையில் குடும்பத்தினர், நண்பர்கள் மற்றும் சம்பந்தப்பட்ட அமைப்புகள் தேவையான ஆதரவை வழங்க வேண்டும் என்றும் அந்த அமைப்பு தெரிவித்துள்ளது.

முத்துக்குமரன் விரைவில் முழுமையாகக் குணமடைய வாழ்த்து தெரிவித்துள்ள சட்ட உரிமைகள் கழகம், அவரது உடல்நிலை, மருந்து அருந்தியதற்கான சூழ்நிலை மற்றும் அவர் முன்வைத்துள்ள குற்றச்சாட்டுகள் குறித்து பாரபட்சமற்ற விசாரணை நடத்தி உண்மையை வெளிக்கொண்டு வர வேண்டும் என வலியுறுத்தியுள்ளது.

– டாக்டர் எஸ்.ஆர். செல்வம் கிறிஸ்டோபர்

நிறுவனர் மற்றும் தலைவர், சட்ட உரிமைகள் கழகம்

புகைப்படம்: தூத்துக்குடி லீக்ஸ் / thoothukudileaks

 தூத்துக்குடி லீக்ஸ் சிறப்புச் செய்தி

 :

ரூ.2 கோடி கடன் தருவதாக ரூ.11.80 லட்சம் மோசடி: முன்னாள் அமைச்சர் பெயரைச் சொல்லி ஏமாற்றிய கும்பல் மீது ஆட்சியரிடம் பெண் பரபரப்பு புகார்!

தூத்துக்குடி: ரூ.2 கோடி கடன் பெற்றுத் தருவதாகக் கூறி, “ப்ராசசிங் கட்டணம்” (Processing Fee) என்ற பெயரில் ரூ.11.80 லட்சம் பணம் மற்றும் பத்திரங்களில் கைரேகை வாங்கி மோசடி செய்த நபர்கள் மீது உடனடியாக வழக்குப்பதிவு செய்து, பணத்தை மீட்டுத் தரக்கோரி தூத்துக்குடியைச் சேர்ந்த பெண் ஒருவர் மாவட்ட ஆட்சியரிடம் பரபரப்பு புகார் மனு அளித்துள்ளார்.

சம்பவத்தின் விவரம்:

தூத்துக்குடி பிரையண்ட் நகர் 12வது தெருவைச் சேர்ந்த திருமதி ரேவதி (க/பெ முத்துசாமி) என்பவர் அளித்துள்ள புகாரில் கூறியிருப்பதாவது:

கடந்த 2024 ஆம் ஆண்டு டிசம்பர் மாத இறுதியில், கோயம்புத்தூர் VNS நகர், P&T காலனி பகுதியைச் சேர்ந்த தீபக் என்பவர் திருமதி ரேவதியைத் தொடர்புகொண்டு பேசியுள்ளார். ரேவதிக்குச் சொந்தமான இடத்தின் மதிப்பை வைத்து ரூ.2 கோடி வரை கடன் பெற்றுத் தருவதாக வாக்குறுதி அளித்துள்ளார்.

இதனைத் தொடர்ந்து தீபக், அவரது மனைவி, விக்னேஷ், அஜீவ் மற்றும் பெயர் தெரியாத இருவர் அடங்கிய கும்பல் நேரில் வந்து பேசியுள்ளனர். அப்போது, "உங்களுக்கு வழங்கப்படும் கடன் தொகை முக்கிய பிரமுகர்களின் பணம். எங்கள் நிறுவனத்திற்கு முன்னாள் அமைச்சர் இன்பத்தமிழன் தலைவராக உள்ளார். எனவே நீங்கள் பயப்படத் தேவையில்லை" என்று கூறி நம்பிக்கையை ஏற்படுத்தியுள்ளனர். மேலும், இத்திட்டம் குறித்து வெளியில் யாருடனும் பேசக் கூடாது என்றும் ரகசியம் காக்க வேண்டும் என்றும் நிபந்தனை விதித்துள்ளனர்.

ரூ.11.80 லட்சம் பறிமுதல்:

ரூ.2 கோடி கடனுக்கு 'Loan Processing Fee' செலுத்த வேண்டும் என்றும், பணம் கொடுத்த மறுநாளே கடன் தொகை கைக்கு வந்துவிடும் என்றும் ஆசை வார்த்தை கூறியுள்ளனர். இதற்காக பத்திரங்கள், புரோநோட்டுகள் மற்றும் வெற்றுத் தாள்களில் ரேவதியிடம் கையெழுத்தும் கைரேகையும் பெற்றுக்கொண்டுள்ளனர்.

அவர்களின் பேச்சை நம்பிய ரேவதி, பல்வேறு இடங்களில் கடன் வாங்கி:

• 19.01.2025 அன்று கோவை ரேஸ் ஹோர்ஸ் பகுதி விடுதியில் வச்சு ரூ.7,20,000/-
• 29.01.2025 அன்று தூத்துக்குடி மீளவிட்டான் ஹார்பர் பைபாஸ் இடத்தில் வைத்து ரூ.4,60,000/- என மொத்தம் ரூ.11,80,000/- பணத்தைக் கொடுத்துள்ளார்.

பணத்தைப் பெற்றுக்கொண்ட கும்பல், 30.01.2025 அன்று கடன் தொகையைத் தருவதாகக் கூறிச் சென்ற நிலையில், தலைமறைவாகியுள்ளது. தொடர்ந்து போனில் தொடர்பு கொண்டபோது, மேலதிகமாக ரூ.5 லட்சம் கேட்டதுடன், கொடுத்த பணத்தைக் கேட்கக் கூடாது என மிரட்டும் வகையில் பேசியுள்ளனர்.

மேலும் பலர் ஏமாற்றம்:

இதே கும்பலை நம்பி, ரேவதியின் உறவினர் நாகராஜ் என்பவர் ரூ.6,30,000/- பணத்தையும், தமிழ்செல்வன் என்பவர் ரூ.4,15,000/- பணத்தையும் கொடுத்து ஏமாந்துள்ளனர். 

தமிழகம் மற்றும் பிற மாநிலங்களிலும் இந்த கும்பல் இதே முறையில் பலரிடம் கோடிக்கணக்கில் மோசடி செய்து வழக்குகள் நிலுவையில் இருப்பது தெரியவந்துள்ளது.

புகாரில் வலியுறுத்தல்:

இதுகுறித்து பாதிக்கப்பட்ட ரேவதி தூத்துக்குடி மாவட்ட ஆட்சியரிடம் அளித்துள்ள மனுவில்:

1. மோசடியில் ஈடுபட்ட தீபக், அவரது மனைவி, விக்னேஷ், அஜீவ் மற்றும் கூட்டாளிகள் மீது உடனடியாக FIR பதிவு செய்ய வேண்டும்.
2. மோசடி கும்பலுக்கும் முன்னாள் அமைச்சர் இன்பத்தமிழனுக்கும் உள்ள தொடர்பு குறித்து விசாரணை நடத்த வேண்டும்.
3. ஏமாற்றிப் பெறப்பட்ட பத்திரங்கள் மற்றும் வெற்றுத் தாள்களை தவறாகப் பயன்படுத்துவதைத் தடுக்க அவற்றைக் கைப்பற்ற வேண்டும்.
4. மோசடி செய்யப்பட்ட ரூ.11.80 லட்சத்தை மீட்டுத் தர வேண்டும் எனக் கோரியுள்ளார்.

இச்சம்பவம் தூத்துக்குடி பகுதியில் பெரும் பரபரப்பை ஏற்படுத்தியுள்ளது.

Tamil Nadu updates 21-9-2026

தூத்துக்குடி லீக்ஸ் நாளிதழ் செய்தி

கயத்தாறில் அனுமதியின்றி கனிமவளம் எடுக்கப்பட்டதாக புகார்

கனிமவளத்துறை உதவி இயக்குனர் மீது நடவடிக்கை எடுக்க கோரிக்கை......

தூத்துக்குடி, செப்.21:

தூத்துக்குடி மாவட்டம் கயத்தாறில், அரசின் முறையான அனுமதியின்றி கனிமவளங்கள் எடுக்கப்பட்டு குவித்து வைக்கப்பட்டுள்ளதாகவும், இதனால் அரசுக்கு வருவாய் இழப்பு ஏற்பட்டுள்ளதாகவும் கூறி, வழக்கறிஞரும் சமூக ஆர்வலருமான மு. பேச்சிமுத்து மாவட்ட ஆட்சியரிடம் பொதுநல புகார் மனு அளித்துள்ளார்.

அவர் அளித்துள்ள மனுவில் கூறியிருப்பதாவது:....

கயத்தாறு கட்டபொம்மன் சிலை அருகே, சென்னை–கன்னியாகுமரி தேசிய நெடுஞ்சாலை ஓரம் உள்ள சர்வே எண் 378/1 பகுதியில், அரசின் முறையான அனுமதியின்றி ஜேசிபி, பொக்லைன் இயந்திரங்கள் மற்றும் லாரிகளை பயன்படுத்தி கனிமவளம் எடுக்கப்பட்டு குவித்து வைக்கப்பட்டுள்ளதாக தெரிவிக்கப்பட்டுள்ளது.

இந்த விவகாரத்தில் சிதம்பரம், ஜோதி ஆகியோர் தொடர்புடையவர்கள் என புகார் மனுவில் குறிப்பிடப்பட்டுள்ளது. 

பல லட்சம் ரூபாய் மதிப்பிலான கனிமவளங்கள் அனுமதியின்றி எடுக்கப்பட்டு கடத்தி வைக்கப்பட்டுள்ளதாகவும், இதனால் அரசுக்கு பெருமளவில் வருவாய் இழப்பு ஏற்பட்டுள்ளதாகவும் மனுவில் தெரிவிக்கப்பட்டுள்ளது.

மேலும், இதுதொடர்பாக புகைப்படம் மற்றும் காணொளி ஆதாரங்களுடன் புகார் அளித்தும், கனிமவளம் மற்றும் சுரங்கத்துறை உதவி இயக்குனர் தரப்பில் சம்பந்தப்பட்டவர்கள் மீது குற்றவியல் வழக்கு பதிவு செய்யப்படவில்லை என்றும், பெயரளவில் மட்டும் அபராதம் விதிக்கப்பட்டதாகவும் மனுதாரர் குற்றம்சாட்டியுள்ளார்.

இதுகுறித்து கேள்வி எழுப்பிய தன்னிடம் சம்பந்தப்பட்ட அதிகாரி உரிய முறையில் பதிலளிக்கவில்லை என்றும் மனுவில் தெரிவிக்கப்பட்டுள்ளது.

எனவே, இந்த விவகாரத்தில் மாவட்ட ஆட்சியர் உடனடியாக தலையிட்டு, புகாரில் கூறப்பட்டுள்ள கனிமவள முறைகேடு குறித்து உரிய விசாரணை நடத்தி, தவறு செய்தவர்கள் மீதும், கடமையில் தவறியதாக குற்றம்சாட்டப்படும் அதிகாரி மீதும் சட்டப்படி நடவடிக்கை எடுக்க வேண்டும் என மு. பேச்சிமுத்து கோரிக்கை விடுத்துள்ளார்.

மாவீரன் கே.வி.கே. சாமி 70-ஆம் ஆண்டு நினைவு அஞ்சலி

தூத்துக்குடியில் நினைவு மண்டபத்தில் மலர்தூவி மரியாதை

தூத்துக்குடி, செப்.20:

மாவீரன் கே.வி.கே. சாமி யின் 70-ஆம் ஆண்டு நினைவு தினத்தையொட்டி, தூத்துக்குடி ஆரோக்கியபுரத்தில் உள்ள வி.வி.டி. நினைவு மேல்நிலைப் பள்ளி வளாகத்தில் அமைந்துள்ள அவரது நினைவு மண்டபத்தில் நினைவு அஞ்சலி நிகழ்ச்சி நடைபெற்றது.

தூத்துக்குடியில் திமுக வளர்த்த மாவீரன் கேவிகே சாமி !!!  

கே.வி.கே. சாமி , நெல்லை–தூத்துக்குடி ஒருங்கிணைந்த மாவட்டமாக இருந்த காலத்தில் தி.மு.க. மாவட்டச் செயலாளராக பணியாற்றியவர். 

பேரறிஞர் அண்ணா, கலைஞர், நெடுஞ்செழியன், எம்.ஜி.ஆர்., பெரியார், எம்.ஆர். ராதா உள்ளிட்ட தலைவர்களின் மீது பற்றும் விசுவாசமும் கொண்டிருந்ததுடன், ஏழை, தொழிலாளர்களின் பாதுகாவலராகவும் விளங்கியவர் கே வி கே சாமி என நினைவுகூரப்பட்டார்.

இன்று காலை நடைபெற்ற நினைவு அஞ்சலி நிகழ்ச்சிக்கு பள்ளியின் தாளாளர் பிரம்மானந்தம் தலைமை வகித்தார். பள்ளியின் தலைமை ஆசிரியை கணக்கரத்தின மணி, பள்ளி நிர்வாகத்தினர் மற்றும் ஆசிரியர்கள் பலர் கலந்து கொண்டனர்.

நிகழ்ச்சியில் கே.வி.கே. சாமியின் திருவுருவப் படத்திற்கு மலர்தூவி, மாலை அணிவித்து மரியாதை செலுத்தி, அவரது நினைவைப் போற்றினர்.