போதை இல்லா தமிழகம்தூத்துக்குடி அனல்மின் நிலைய ஒப்பந்தப் பணியாளர்களுக்கு மராத்தான் போட்டி

 போதை இல்லா தமிழகம்தூத்துக்குடி அனல்மின் நிலைய ஒப்பந்தப் பணியாளர்களுக்கு மராத்தான் போட்டி

தூத்துக்குடி: இந்திய திருநாட்டின் 80-வது சுதந்திர தினத்தை முன்னிட்டு, தூத்துக்குடி அனல்மின் நிலைய ஒப்பந்தக்காரர்கள் சங்கம் சார்பில் ஒப்பந்தப் பணியாளர்களுக்கான மராத்தான் ஓட்டப் போட்டி “போதை இல்லா தமிழகம்” என்ற தலைப்பில் நடைபெற்றது.

ஆண்கள் மற்றும் பெண்கள் பங்கேற்ற இப்போட்டியை தூத்துக்குடி மாவட்ட துணை ஆட்சியர்  பாட்டில் கிருஷ்ணா பப்ருவான், இ.ஆ.ப., தலைமை தாங்கி கொடியசைத்து தொடங்கி வைத்தார். 

இதில் அனல்மின் நிலைய ஒப்பந்தப் பணியாளர்கள் பெருந்திரளாகவும், மிகுந்த உற்சாகத்துடனும் கலந்து கொண்டனர்.

மராத்தான் போட்டியில் ...

முதல் மூன்று இடங்களைப் பிடித்தவர்களுக்கு சான்றிதழ் மற்றும் பரிசுக் கேடயத்துடன் முறையே ரூ.5,000, ரூ.3,000 மற்றும் ரூ.2,000 ரொக்கப் பரிசுகள் வழங்கப்பட்டன. 

மேலும் 4-வது இடம் முதல் 13-வது இடம் வரை பெற்றவர்களுக்கு தலா ரூ.1,000 ஊக்கப் பரிசாக வழங்கப்பட்டது.

இதனைத் தொடர்ந்து “பெண்கள் பாதுகாப்பு” என்ற தலைப்பில் ஓவியப் போட்டி மற்றும் கட்டுரைப் போட்டிகளும் நடத்தப்பட்டன. இதில் ஆண், பெண் போட்டியாளர்களுக்கு தனித்தனியாக முதல் மூன்று இடங்களுக்கான பரிசுகள் வழங்கப்பட்டன.

பரிசுகளை பெண் ஆளுமைகளைப் போற்றும் வகையில்,...

 காவல் துறை துணைக் கண்காணிப்பாளரும் தூத்துக்குடி அனல்மின் நிலைய பாதுகாப்பு அதிகாரியுமான  கே.கிருஷ்ணவேணி, 

தொழிலக சுகாதாரம் மற்றும் பாதுகாப்புத் துறை துணை இயக்குநர்  விமலாதேவி,

 தொழிலாளர் வருங்கால வைப்பு நிதி நிறுவனத்தின் அமலாக்க அதிகாரி  அமுதா மற்றும் தெர்மல் நகர் காவல் நிலைய ஆய்வாளர்  சோபா ஜென்சி ஆகியோர் வழங்கினர்.

விழா ஏற்பாடுகளை தூத்துக்குடி அனல்மின் நிலைய ஒப்பந்தக்காரர்கள் சங்கத் தலைவர் திரு. அன்புராஜ் ஜெபசிங், செயலாளர் திரு. ஹீரா ஜான் மற்றும் ஒருங்கிணைப்பாளர் திரு. சொ. ராஜா ஆகியோர் செய்திருந்தனர்.

போட்டிகளை அனல்மின் நிலைய விளையாட்டு அலுவலர் திரு. மங்கள ஜெயபால் தலைமையில் திரு. ராஜா முகமது, திரு. ஜெபராஜ், திரு. சிவகுமார், திரு. முகமது அலி, திரு. பெத்துராஜ் மற்றும் திரு. பிரதிபன் ஆகியோர் சிறப்பாக நடத்தினர். போட்டிகளில் வெற்றி பெற்றவர்களின் பட்டியல் ஒப்பந்தக்காரர்கள் சங்க நிர்வாகிகளிடம் ஒப்படைக்கப்பட்டது.

தொடர்ந்து தூத்துக்குடி அனல்மின் நிலைய பிரதான நுழைவாயில் பகுதியில் மேடை அமைத்து பரிசளிப்பு மற்றும் பாராட்டு நிகழ்ச்சி நடைபெற்றது. இதில் பங்கேற்ற ஒப்பந்தப் பணியாளர்கள் சங்க நிர்வாகிகளுக்கு மனமார்ந்த நன்றி தெரிவித்தனர்.

மேலும், இதுபோன்ற விளையாட்டு மற்றும் சமூக விழிப்புணர்வு நிகழ்ச்சிகளை தொடர்ந்து நடத்த வேண்டும் என்றும், வரும் ஆண்டுகளில் கபடி, கைப்பந்து, கால்பந்து உள்ளிட்ட கூட்டு விளையாட்டுப் போட்டிகளையும் நடத்த வேண்டும் என்றும் கோரிக்கை விடுத்தனர். ஒப்பந்தக்காரர்களும் ஒப்பந்தப் பணியாளர்களும் அண்ணன்–தம்பி என்ற சகோதர பாசத்துடன் பழகி வருவதாக நெகிழ்ச்சியுடன் தெரிவித்த அவர்கள், ஒப்பந்தக்காரர்கள் சங்கத்தின் முயற்சிகளை வெகுவாகப் பாராட்டினர்.

நிகழ்ச்சிக்கு ஒத்துழைப்பு வழங்கிய அனைத்து ஒப்பந்தக்காரர்கள், ஒப்பந்தப் பணியாளர்கள், சிறப்பு விருந்தினர்கள், விளையாட்டு வீரர்கள், விழாக்குழுவினர் மற்றும் போட்டிகளை சிறப்பாக நடத்திய விளையாட்டு அலுவலர் மற்றும் அவரது குழுவினருக்கும் சங்கப் பொருளாளர் திரு. பாக்கியம் நன்றி தெரிவித்தார்.

மேலும், அருண் நர்சரி உரிமையாளர் . கார்த்திக் மற்றும் ஒலி–ஒளி அமைப்புகளை வழங்கிய எஸ்.ஆர். சவுண்ட் சர்வீஸ் உரிமையாளர்  மூர்த்தி ஆகியோருக்கும் நன்றி தெரிவிக்கப்பட்டது.

போதை ஒழிப்பு, பெண்கள் பாதுகாப்பு மற்றும் விளையாட்டு விழிப்புணர்வை ஒருங்கிணைத்து நடத்தப்பட்ட இந்நிகழ்ச்சி, அனல்மின் நிலைய ஒப்பந்தப் பணியாளர்களிடையே பெரும் வரவேற்பைப் பெற்றது.