தூத்துக்குடியில் உலக ரேபிஸ் தின தீவிர வெறிநோய் தடுப்பூசி முகாம் மாநகராட்சி ஆணையர் பிரியங்கா தொடங்கி வைத்தார்
தூத்துக்குடி, செப். 28:
தூத்துக்குடி மாநகராட்சி மற்றும் தூத்துக்குடி மாவட்ட கால்நடை பராமரிப்புத்துறை ஆகியவை இணைந்து, உலக ரேபிஸ் தினத்தை முன்னிட்டு வளர்ப்பு மற்றும் தெரு நாய்களுக்கான தீவிர வெறிநோய் தடுப்பூசி முகாம் இன்று தூத்துக்குடி புதிய பேருந்து நிலையம் வளாகத்தில் நடைபெற்றது.
தூத்துக்குடி மாநகராட்சி மற்றும் தூத்துக்குடி மாவட்ட கால்நடை பராமரிப்புத்துறை ஆகியவை இணைந்து, உலக ரேபிஸ் தினத்தை முன்னிட்டு வளர்ப்பு மற்றும் தெரு நாய்களுக்கான தீவிர வெறிநோய் தடுப்பூசி முகாம் இன்று தூத்துக்குடி புதிய பேருந்து நிலையம் வளாகத்தில் நடைபெற்றது.
இம்முகாமை மாநகராட்சி ஆணையர் பிரியங்கா தலைமை தாங்கி தொடங்கி வைத்தார்.
அப்போது அவர் பேசுகையில்,...
"மாநகராட்சிப் பகுதிகளில் வெறிநோய் பரவாமல் தடுக்கவும், பொதுமக்கள் மற்றும் செல்லப்பிராணிகளின் பாதுகாப்பை உறுதி செய்யவும் இந்தத் தடுப்பூசி முகாம் மிகவும் அவசியமானது" என்று குறிப்பிட்டார்.
பொதுமக்களும் தங்களது செல்லப்பிராணிகளுக்குத் தவறாமல் தடுப்பூசி செலுத்த முன்வர வேண்டும் என்றும் அவர் கேட்டுக்கொண்டார்.
முகாமில் கால்நடை பராமரிப்புத்துறை மண்டல இணை இயக்குநர் விஜயகுமார், தலைமை கால்நடை மருத்துவர் பழனி மற்றும் ஐந்துக்கும் மேற்பட்ட மருத்துவர்கள் மற்றும் மாநகர நல அலுவலர் ஆகியோர் முன்னிலை வகித்தனர்.
இம்முகாமில் நூற்றுக்கணக்கான வளர்ப்பு நாய்கள் மற்றும் பூனைகளுக்கு மருத்துவக் குழுவினரால் வெறிநோய் தடுப்பூசிகள் (Anti-Rabies Vaccine) இலவசமாகப் போடப்பட்டன. மேலும், தெரு நாய்களுக்கான வெறிநோய் தடுப்பூசி மற்றும் நவீன முறையில் மேற்கொள்ளப்படும் குடும்பக் கட்டுப்பாடு (ABC) திட்டத்தின் முக்கியத்துவம் குறித்து பொதுமக்களுக்கு விழிப்புணர்வு துண்டுப் பிரசுரங்கள் வழங்கப்பட்டன.
கால்நடை மருத்துவர்கள், மாநகராட்சி மற்றும் கால்நடை பராமரிப்புத்துறை அலுவலர்கள், மற்றும் ஏராளமான பொதுமக்கள் தங்களது செல்லப்பிராணிகளுடன் இந்த முகாமில் கலந்து கொண்டு பயனடைந்தனர்.
கருத்துகள் இல்லை:
கருத்துரையிடுக