Tamil Nadu updates,9-11-2026

 thoothukudileaks daily news 

photo news by Arunan Reporter 

தீபாவளிக்கு போட்டி போட்டுக் கொண்டு மகிழ்வித்த இரண்டு பத்திரிகையாளர் சங்கங்கள்!

பத்திரிகையாளர்களின் குடும்பங்களுக்கு பரிசுப் பொருட்கள் வழங்கி உற்சாகம் – நிர்வாகிகளுக்கு உறுப்பினர்கள் மனமார்ந்த நன்றி!

தூத்துக்குடி:நவ 9

தீப ஒளித் திருநாளை முன்னிட்டு தூத்துக்குடியில் செயல்பட்டு வரும் பியர்ல் சிட்டி பிரஸ் கிளப் மற்றும் தூத்துக்குடி பிரஸ் கிளப் ஆகிய இரண்டு பத்திரிகையாளர் சங்கங்களும் தங்களது உறுப்பினர்களின் குடும்பங்களில் மகிழ்ச்சியை ஏற்படுத்தும் வகையில் போட்டி போட்டுக்கொண்டு தீபாவளிப் பரிசுப் பொருட்களை வழங்கி சிறப்பித்துள்ளன.

இந்து சமயத்தின் முக்கியப் பண்டிகைகளில் ஒன்றான தீபாவளி, மதங்களைக் கடந்து அனைத்து தரப்பு மக்களாலும் மகிழ்ச்சியுடன் கொண்டாடப்படும் திருநாளாக விளங்குகிறது. இருள் நீங்கி ஒளி பிறப்பதையும், தீமைகள் அகன்று நன்மை வெல்வதையும் உணர்த்தும் இந்நாளில், ஜனநாயகத்தின் நான்காவது தூணாக விளங்கும் பத்திரிகைத் துறையில் பணியாற்றும் நாளிதழ் நிருபர்கள், புகைப்படக் கலைஞர்கள், தொலைக்காட்சி செய்தியாளர்கள் மற்றும் ஒளிப்பதிவாளர்களின் குடும்பங்களும் மகிழ்ச்சியுடன் தீபாவளியைக் கொண்டாட வேண்டும் என்ற நோக்கில் இந்த ஏற்பாடுகள் செய்யப்பட்டன.

தூத்துக்குடி பிரஸ் கிளப் சார்பில்... உறுப்பினர்களுக்கு பேன்ட், சட்டை, சீனி, உளுந்தம்பருப்பு, கடலைப்பருப்பு, தேங்காய், கடலைமிட்டாய், காரசேவு, உப்பு, குங்குமம், சந்தனம், விபூதி உள்ளிட்ட அத்தியாவசியப் பொருட்கள் வழங்கப்பட்டன.

இதற்கான ஏற்பாடுகளை சங்கத் தலைவர் சண்முகசுந்தரம், செயலாளர் மோகன்ராஜ், பொருளாளர் ராஜு ஆகியோர் செய்திருந்தனர்.

பியர்ல் சிட்டி பிரஸ் கிளப் சார்பில்.. பத்திரிகையாளர்களின் குழந்தைகளும் தீபாவளிப் பண்டிகையை உற்சாகமாகக் கொண்டாடும் வகையில் நவீன ரக பட்டாசுகள் அடங்கிய வெடிப் பார்சலும், இனிப்பு வகைகள் அடங்கிய ஸ்வீட் பாக்ஸும் வழங்கப்பட்டன.

இதற்கான ஏற்பாடுகளை சங்கத் தலைவர் ராஜா சிதம்பரம், செயலாளர் காட்சன், பொருளாளர் ராஜேஷ் மற்றும் ஆலோசகர் சீனிவாசன் ஆகியோர் சிறப்பாகச் செய்திருந்தனர்.

இரு சங்கங்களின் இந்த அன்பான ஏற்பாடுகளால் பத்திரிகையாளர்களின் குடும்பத்தினர் மகிழ்ச்சி அடைந்தனர். இதனைத் தொடர்ந்து நாளிதழ் மற்றும் தொலைக்காட்சிகளில் பணியாற்றும் சங்க உறுப்பினர்கள், இரு சங்கங்களின் நிர்வாகிகளுக்கும் தங்களது மனமார்ந்த நன்றியையும் பாராட்டுகளையும் தெரிவித்தனர்.

தந்தை வழியில் தனயன்!

முன்னாள் தூத்துக்குடி மாவட்ட திமுக செயலாளரும் சட்டமன்ற உறுப்பினருமான மறைந்த பெரியசாமி, தீபாவளி, தமிழ் புத்தாண்டு, பொங்கல் உள்ளிட்ட பண்டிகைக் காலங்களில் கட்சியினருக்கும் பத்திரிகைத் துறை நண்பர்களுக்கும் அன்பளிப்புகள் வழங்கி மகிழ்விப்பதை வழக்கமாகக் கொண்டிருந்தார். அவர் கடைப்பிடித்து வந்த அந்தப் பழக்கத்தை நினைவூட்டும் வகையில், அவரது மகனும் தூத்துக்குடி மாநகராட்சி மேயருமான ஜெகன் பெரியசாமியும் இந்த ஆண்டு கட்சி ஆதரவாளர்கள் மற்றும் பத்திரிகை நிருபர்களுக்கு தீபாவளி அன்பளிப்புகளை வழங்கி மகிழ்வித்துள்ளார்.

தீபாவளி என்பது வெறும் பட்டாசு, புத்தாடை, இனிப்பு கொண்டாட்டம் மட்டுமல்ல; ஒருவருக்கொருவர் அன்பையும் மகிழ்ச்சியையும் பகிர்ந்து கொள்ளும் திருநாள் என்பதை இந்த நிகழ்வுகள் மீண்டும் உணர்த்தியுள்ளன.

செய்தி கட்டுரை 

ரோஜா அருணன் செய்தியாளர் 

தூத்துக்குடி: நவ 9

தமிழ்நாடு அரசு சார்பில் தமிழ் வளர்த்த இத்தாலியப் பேரறிஞர் வீரமாமுனிவரின் 346-வது பிறந்தநாள் விழா தூத்துக்குடி மாவட்டம், காமநாயக்கன்பட்டியில் நடைபெற்றது.

இதையொட்டி, அங்குள்ள வீரமாமுனிவர் மணிமண்டபத்தில் அமைந்துள்ள அவரது திருவுருவச் சிலைக்கு மாவட்ட ஆட்சியர் விஷு மகாஜன், கருணாநிதி எம்.எல்.ஏ. முன்னிலையில் மாலை அணிவித்து மரியாதை செலுத்தினார்.

வீரமாமுனிவரின் தமிழ்ப்பணியை நினைவுகூரும் வகையில் நடைபெற்ற இந்நிகழ்ச்சியில், அவர் தமிழ் மொழிக்கு ஆற்றிய இலக்கியத் தொண்டுகள் குறித்து எடுத்துரைக்கப்பட்டது.

இத்தாலி நாட்டில் பிறந்த கான்ஸ்டன்டைன் ஜோசப் பெஸ்கி என்பவரே பின்னாளில் வீரமாமுனிவர் என்று அழைக்கப்பட்டார். கிறித்தவ சமயப் பணிக்காகத் தமிழகத்திற்கு வந்த அவர், தமிழ் மொழியின் சிறப்பால் ஈர்க்கப்பட்டு தமிழைக் கற்று, தமிழறிஞராகவும் சிறந்த இலக்கியப் படைப்பாளராகவும் திகழ்ந்தார்.

தமிழில் புகழ்பெற்ற காப்பியங்களில் ஒன்றான **தேம்பாவணி**யை இயற்றியதுடன், திருக்காவலூர்க் கலம்பகம், அடைக்கல மாலை, கித்தேரியம்மாள் அம்மானை உள்ளிட்ட சிற்றிலக்கியங்களையும் படைத்துள்ளார்.

மேலும், தமிழ் இலக்கண வளர்ச்சிக்கு தொன்னூல் விளக்கம், கொடுந்தமிழ் இலக்கணம் போன்ற நூல்களையும், தமிழ் அகராதி வளர்ச்சிக்கு சதுரகராதி என்ற நூலையும் வழங்கியுள்ளார். தமிழில் உரைநடை இலக்கிய வளர்ச்சிக்கும் குறிப்பிடத்தக்க பங்களிப்பைச் செய்துள்ளார். குறிப்பாக, பரமார்த்த குரு கதை தமிழ் இலக்கியத்தில் நகைச்சுவை உரைநடைப் படைப்பாகத் தனிச்சிறப்புப் பெற்றுள்ளது.

தமிழைத் தாய்மொழியாகக் கொண்டிராத போதிலும், அதன் இலக்கியம், இலக்கணம், உரைநடை, அகராதி உள்ளிட்ட பல்வேறு துறைகளில் ஆழ்ந்த புலமை பெற்று அரிய நூல்களைப் படைத்த வீரமாமுனிவரின் தமிழ்த்தொண்டு என்றும் போற்றத்தக்கது.

இந்த நிகழ்ச்சியில் செய்தி மக்கள் தொடர்பு அலுவலர் கருப்பணராஜவேல், கயத்தாறு வட்டாட்சியர் அப்பனசாமி உள்ளிட்ட அரசு அலுவலர்கள் மற்றும் பலர் கலந்து கொண்டனர்.

Tamil Nadu updates 6-11-2026

 thoothukudileaks daily news 

photo news by Arunan Reporter 

தூத்துக்குடிக்கு நவம்பர் 11-ல் வருகை தருகிறார் துணைக் குடியரசுத் தலைவர் சி.பி. ராதாகிருஷ்ணன்!

தூத்துக்குடி விமான நிலையம், வ.உ.சி. கல்லூரியில் பாதுகாப்பு ஏற்பாடுகள் குறித்து காவல்துறை உயர் அதிகாரிகள் நேரில் ஆய்வு!

தூத்துக்குடி:நவ 6

இந்திய துணைக் குடியரசுத் தலைவர் சி.பி. ராதாகிருஷ்ணன்  வரும் 11.11.2026 அன்று தூத்துக்குடி மாவட்டத்திற்கு வருகை தர உள்ளார். இதையொட்டி, தூத்துக்குடி வ.உ.சி. கல்லூரியில் நடைபெறவுள்ள விழாவில் அவர் பங்கேற்க உள்ளார்.

துணைக் குடியரசுத் தலைவரின் வருகையை முன்னிட்டு, பாதுகாப்பு ஏற்பாடுகள் குறித்து திருநெல்வேலி சரக காவல்துறை துணைத் தலைவர் முனைவர் இரா. திருநாவுக்கரசு, இ.கா.ப.,  தூத்துக்குடி வாகைகுளம் விமான நிலையம் மற்றும் வ.உ.சி. கல்லூரி ஆகிய இடங்களை நேரில் பார்வையிட்டு ஆய்வு மேற்கொண்டார்.

அப்போது, துணைக் குடியரசுத் தலைவரின் வருகையின்போது மேற்கொள்ளப்பட வேண்டிய பாதுகாப்பு நடவடிக்கைகள், பாதுகாப்புப் பணிகள் மற்றும் முன்னெச்சரிக்கை ஏற்பாடுகள் குறித்து காவல்துறை அதிகாரிகளுக்கு உரிய அறிவுரைகளை வழங்கினார்.

இந்த ஆய்வின்போது தூத்துக்குடி மாவட்ட காவல் கண்காணிப்பாளர் சிவபிரசாத், இ.கா.ப., மற்றும் காவல்துறை அதிகாரிகள் உடனிருந்தனர்.

 Tamil Nadu updates 

thoothukudileaks daily news 

photo news by Arunan Reporter 

திருச்செந்தூர் கந்த சஷ்டி திருவிழா: பாதுகாப்பு ஏற்பாடுகள் குறித்து காவல்துறை உயர் அதிகாரி நேரில் ஆய்வு!

பக்தர்களின் பாதுகாப்பு, போக்குவரத்து நெரிசலைத் தவிர்க்க அதிகாரிகளுக்கு அறிவுறுத்தல்

தூத்துக்குடி நவ6

தூத்துக்குடி மாவட்டம், திருச்செந்தூர் அருள்மிகு சுப்பிரமணிய சுவாமி திருக்கோவிலில் நடைபெறவுள்ள கந்த சஷ்டி திருவிழாவை முன்னிட்டு, பாதுகாப்பு மற்றும் போக்குவரத்து ஏற்பாடுகள் குறித்து திருநெல்வேலி சரக காவல்துறை துணைத் தலைவர் முனைவர் இரா. திருநாவுக்கரசு, இ.கா.ப., நேரில் ஆய்வு மேற்கொண்டார்.

இந்த ஆய்வின்போது கோவில் வளாகம், வாகன நிறுத்துமிடங்கள் உள்ளிட்ட முக்கிய பகுதிகளைப் பார்வையிட்டார். திருவிழாவிற்கு வருகை தரும் பக்தர்களின் பாதுகாப்பை உறுதி செய்வதுடன், போக்குவரத்து நெரிசல் ஏற்படாமல் பக்தர்கள் எளிதாக சுவாமி தரிசனம் செய்து திரும்புவதற்குத் தேவையான முன்னெச்சரிக்கை நடவடிக்கைகளைச் சிறப்பாக மேற்கொள்ள வேண்டும் என காவல்துறை அதிகாரிகளுக்கு அறிவுறுத்தினார்.

மேலும், திருவிழா காலத்தில் பக்தர்களுக்கு எவ்வித சிரமமும் ஏற்படாத வகையில் பாதுகாப்புப் பணிகளைத் திட்டமிட்டு செயல்படுத்துவதற்கான ஆலோசனைகளையும் வழங்கினார்.

இந்த ஆய்வில் தூத்துக்குடி மாவட்ட காவல் கண்காணிப்பாளர் சிவபிரசாத், இ.கா.ப., தூத்துக்குடி, தென்காசி, கன்னியாகுமரி மாவட்ட கூடுதல் காவல் கண்காணிப்பாளர்கள் மற்றும் திருச்செந்தூர் உட்கோட்ட துணைக் காவல் கண்காணிப்பாளர் உள்ளிட்ட காவல்துறை அதிகாரிகள் கலந்து கொண்டனர்.

 Tamil Nadu updates, 

thoothukudileaks daily news 

photo news by Arunan Reporter 

டாஸ்மாக் காலி மது பாட்டில்களுக்கு இனி ரொக்கம் கிடையாது!

ஒரு பாட்டிலுக்கு ரூ.10 வங்கிக் கணக்கில் வரவு  கியூஆர் குறியீடு, தானியங்கி இயந்திரம் மூலம் புதிய திட்டம்!

தூத்துக்குடி: நவ 6

தமிழகத்தில் டாஸ்மாக் கடைகளில் விற்பனை செய்யப்படும் மதுபானங்களின் காலி பாட்டில்களைத் திரும்பப் பெறும் நடைமுறையில் தமிழக அரசு புதிய மாற்றத்தைக் கொண்டு வந்துள்ளது. இனி காலி மது பாட்டில்களைத் திரும்ப ஒப்படைப்பவர்களுக்கு வழங்கப்படும் ரூ.10 ஊக்கத்தொகை ரொக்கமாக வழங்கப்படாமல், வங்கிக் கணக்கில் நேரடியாகச் செலுத்தும் வகையில் புதிய தொழில்நுட்பத் திட்டம் அறிமுகப்படுத்தப்பட உள்ளது.

இதற்கான அரசாணையை தமிழக அரசின் உள்துறை, மதுவிலக்கு மற்றும் ஆயத்தீர்வைத் துறை 29.10.2026 அன்று அரசாணை எண் 63-ன் கீழ் வெளியிட்டுள்ளது.

புதிய திட்டம் ஏன்?

நீதிமன்ற உத்தரவின்படி, மலைப்பகுதிகள், நீர்நிலைகள், வனப்பகுதிகள், சுற்றுலாத் தலங்கள் மற்றும் பொது இடங்களில் காலி மதுபானப் பாட்டில்கள் வீசப்படுவதைத் தடுக்கும் நோக்கில் பழைய காலி பாட்டில் திரும்பப் பெறும் திட்டம் அறிமுகப்படுத்தப்பட்டது.

இத்திட்டத்தின்படி, மதுபானத்தின் அதிகபட்ச சில்லறை விலையுடன் கூடுதலாக ரூ.10 வசூலிக்கப்பட்டு, காலி பாட்டிலைத் திரும்ப ஒப்படைக்கும்போது அந்தத் தொகை நுகர்வோருக்குத் திருப்பி வழங்கப்பட்டு வந்தது.

கடந்த 15.05.2022 அன்று நீலகிரி மாவட்டத்தில் தொடங்கப்பட்ட இத்திட்டம் பின்னர் தமிழகத்தின் பல்வேறு மாவட்டங்களுக்கும் விரிவுபடுத்தப்பட்டது.

ஆனால், பழைய நடைமுறையில் டாஸ்மாக் கடை ஊழியர்களுக்குக் கூடுதல் பணிச்சுமை, பாட்டில்களைச் சேமிப்பதற்கான இடப்பற்றாக்குறை, சுகாதாரப் பிரச்சினைகள், பாதுகாப்பு சிக்கல்கள், பணத்தைத் திருப்பி வழங்குவதில் ஏற்படும் தகராறுகள் உள்ளிட்ட பல்வேறு நடைமுறைச் சிக்கல்கள் ஏற்பட்டன. இதையடுத்து பழைய முறைக்குப் பதிலாகத் தொழில்நுட்ப அடிப்படையிலான புதிய திட்டத்தை அரசு அறிவித்துள்ளது.

புதிய திட்டம் எப்படி செயல்படும்?

இனி காலி மதுபானப் பாட்டில்களைத் திரும்பப் பெறுவதற்கு ஆங்கிலத்தில் 'Reverse Vending Machine' (RVM) எனப்படும் தானியங்கி பாட்டில் சேகரிப்பு இயந்திரங்கள் பயன்படுத்தப்பட உள்ளன.

• ஒரு தகுதியான காலி பாட்டிலுக்கு ரூ.10 ஊக்கத்தொகை வழங்கப்படும்.
• ஒவ்வொரு பாட்டிலிலும் தனித்துவமான கியூஆர் குறியீடு இடம்பெறும்.
• பாட்டிலை அங்கீகரிக்கப்பட்ட இயந்திரத்தில் செலுத்தி ஸ்கேன் செய்தால் அதன் உண்மைத்தன்மை சரிபார்க்கப்படும்.
• எந்தக் கடையில் பாட்டில் வாங்கப்பட்டிருந்தாலும், அங்கீகரிக்கப்பட்ட சேகரிப்பு மையத்தில் திரும்ப ஒப்படைக்கலாம்.

இனி பணம் வங்கிக் கணக்கில் மட்டுமே!

புதிய திட்டத்தின் முக்கிய மாற்றமாக, காலி பாட்டில்களைத் திரும்ப ஒப்படைப்பவர்களுக்கு வழங்கப்படும் ரூ.10 தொகை, அவர்களின் கைப்பேசி எண்ணுடன் இணைக்கப்பட்ட வங்கிக் கணக்கில் நேரடியாகச் செலுத்தப்படும்.

இதனால் சேகரிப்பு மையங்களில் ரொக்கப் பணம் வழங்கும் நடைமுறை இருக்காது. டாஸ்மாக் கடை ஊழியர்கள் பாட்டில்களை எண்ணுவது, சரிபார்ப்பது, பணம் திருப்பி வழங்குவது, கணக்குப் பராமரிப்பது போன்ற பணிகளில் ஈடுபடக்கூடாது என்றும் அரசு உத்தரவிட்டுள்ளது.

இந்தப் பணிகளை மேற்கொள்வதற்காகத் தனியாகத் திட்டச் செயல்பாட்டு நிறுவனம் (System Operator) தேர்வு செய்யப்பட உள்ளது.

எந்தப் பாட்டில்களுக்கு ரூ.10 கிடைக்காது?

கியூஆர் குறியீடு இல்லாத, சேதமடைந்த அல்லது குறியீட்டைத் தெளிவாகப் படிக்க முடியாத பாட்டில்கள், ஏற்கெனவே ஊக்கத்தொகை பெற்ற பாட்டில்கள், உடைந்த பாட்டில்கள் மற்றும் விதிமுறைகளுக்கு உட்படாத பாட்டில்களுக்கு ஊக்கத்தொகை கிடைக்காது. போலியான அல்லது பொருந்தாத குறியீடுகள் மூலம் பணம் பெறுவதையும் புதிய தொழில்நுட்பம் தடுக்கும்.

பழைய ஒப்பந்தங்கள் என்னவாகும்?

ஏற்கெனவே காலி பாட்டில்களைச் சேகரிப்பதற்காக வழங்கப்பட்டுள்ள ஒப்பந்தங்கள், புதிய தானியங்கி இயந்திரங்கள் ஒவ்வொரு பகுதியிலும் செயல்படத் தொடங்கிய பின்னர் படிப்படியாக முடிவுக்குக் கொண்டுவரப்படும் என அரசாணையில் தெரிவிக்கப்பட்டுள்ளது.

எப்போது நடைமுறைக்கு வரும்?

சுற்றுச்சூழல் மற்றும் சமூக நலச் செஸ் அமலுக்கு வரும் நாளிலிருந்து புதிய திட்டம் செயல்படுத்தப்பட உள்ளது. அதுவரை இடைக்கால ஏற்பாடாகக் கியூஆர் குறியீட்டை ஸ்கேன் செய்து பாட்டில்களைச் சேகரிப்பதற்கான நடவடிக்கைகளை மேற்கொள்ள டாஸ்மாக் நிர்வாக இயக்குநருக்கு அதிகாரம் வழங்கப்பட்டுள்ளது.

காலி மது பாட்டில்களைத் திரும்பப் பெறுவதில் வெளிப்படைத்தன்மையை ஏற்படுத்தவும், சுற்றுச்சூழல் மாசுபாட்டைக் குறைக்கவும், டாஸ்மாக் ஊழியர்களின் பணிச்சுமையைக் குறைக்கவும் இந்தப் புதிய நடைமுறை கொண்டு வரப்படுவதாக அரசின் அரசாணையில் தெரிவிக்கப்பட்டுள்ளது.

ரூ.10 பெற இனி காலி பாட்டிலுடன் ரொக்கப் பணம் வாங்கும் கவலை இல்லை; தொழில்நுட்பத்தின் மூலம் வங்கிக் கணக்கில் பணம் பெறும் புதிய நடைமுறை தமிழகத்தில் அறிமுகமாகிறது.

ஒரு பிரம்மாண்டமான Syndicate க்கு எதிரா சண்ட போட்டுட்டு இருக்காரு அமைச்சர் விக்னேஷ்.

TASMAC ஊழியர்கள், அவங்களோட ஒரே Demand, இப்ப இருக்குற சிஸ்டத்தை மாத்த Try பண்ணாத. நீயும் வந்து எங்க ஜோதியில ஐக்கியம் ஆகு, இருக்குற வரை எவ்ளோ வேணாலும் சம்பாதிச்சிட்டு போ. ஆனா பழைய Structure அப்படியே இருக்கணும் என்பது மட்டுமே..

அமைச்சர் விக்னேஷ் செய்யும் செயல், பெரிய கட்சிகளோட லோக்கல் கட்டமைப்பின் life line யயே கட் பண்றதுக்கு சமம்.

வருசத்துக்கு 1500 கோடி ன்னு பேசுறாங்க அதற்கும் மேலேயும் ....?

பகுதி, கிளை, வட்டம், மாவட்டம் ணு அவங்களோட Political Survival ல அந்தப் பணத்தோட Role ரொம்பப் பெருசு.

அந்த Chain யை கட் பண்ணப்போறாரு விக்னேஷ். 

அதனால்தான் இவ்வளவு நெருக்கடி. ஒத்துழையாமை போராட்டம் ?

Tamil Nadu updates, 5-11-2026

thoothukudileaks daily news 

photo news by Arunan Reporter 

தூத்துக்குடி:நவ5

தூத்துக்குடி மாநகராட்சி சார்பில் குழந்தைகள் தினத்தை முன்னிட்டு, வரும் நவம்பர் 14ஆம் தேதி சனிக்கிழமை மாலை 5 மணிக்கு முத்துநகர் கடற்கரை பூங்காவில் ‘Chutties for Cities – 2026’ என்ற தலைப்பில் சிறப்பு விழா நடைபெற உள்ளது.

பசுமையான, தூய்மையான தூத்துக்குடியை உருவாக்குவதில் மாணவர்களின் கருத்துக்கள் மற்றும் பங்களிப்பை ஊக்குவிக்கும் நோக்கில் இவ்விழா ஏற்பாடு செய்யப்பட்டுள்ளது.

இதையொட்டி மாணவர்களுக்குக் கட்டுரை, ஓவியம், வாக்கியம், சுவர் ஓவியம், கருத்துப் பதிவு, மாறுவேடப் போட்டி மற்றும் வழக்காடு மன்றம் உள்ளிட்ட பல்வேறு போட்டிகள் நடத்தப்பட உள்ளன.

கட்டுரை மற்றும் ஓவியப் போட்டிகள் 2026நவம்பர் 11ஆம் தேதி மாநகராட்சி மைய அலுவலகத்தில் நடைபெறும். மாறுவேடப் போட்டி, வழக்காடு மன்றத்தின் இறுதிச்சுற்று மற்றும் பரிசளிப்பு விழா ஆகியவை நவம்பர் 14ஆம் தேதி முத்துநகர் கடற்கரை பூங்காவில் நடைபெற உள்ளன.

ஒவ்வொரு போட்டியிலும் முதல் மூன்று இடங்களைப் பெறும் மாணவர்களுக்கு ‘Chutties for Cities – 2026’ விருதுகளும் பரிசுகளும் வழங்கப்பட உள்ளன.

இந்த விழாவில் பள்ளி, கல்லூரி மாணவர்கள் அனைவரும் ஆர்வத்துடன் பங்கேற்று தங்களது திறமைகளையும் படைப்பாற்றலையும் வெளிப்படுத்த வேண்டும் என தூத்துக்குடி மாநகராட்சி சார்பில் கேட்டுக்கொள்ளப்பட்டுள்ளது.

போட்டிகள் தொடர்பான விவரங்களுக்கு:

கிழக்கு மண்டலம்: 98425 30292

தெற்கு மண்டலம்: 94435 28621

வடக்கு மண்டலம்: 80563 47075

மேற்கு மண்டலம்: 94436 10511

 Tamil Nadu updates, thoothukudileaks 

photo news by Arunan Reporter 

தூத்துக்குடியில் பாலமுருகன் படுகொலை: சாதிய முன்விரோதமே பின்னணி! எவிடென்ஸ் அமைப்பு களஆய்வில் அதிர்ச்சித் தகவல்

சுடுகாட்டுப் பாதை ஆக்கிரமிப்பு விவகாரம், மகனுக்கு கொலை மிரட்டல் உள்ளிட்ட பல்வேறு காரணங்கள்; குடும்பத்துக்கு ரூ.12 லட்சம் நிவாரணம், அரசு வேலை வழங்க கோரிக்கை!

தூத்துக்குடி:நவ5

தூத்துக்குடி சோட்டையன்தோப்பு காந்திநகர் பகுதியைச் சேர்ந்த விடுதலைச் சிறுத்தைகள் கட்சியின் ஒட்டப்பிடாரம் ஒன்றிய துணைச் செயலாளர் பாலமுருகன் (42), கடந்த நவம்பர் 1-ஆம் தேதி காலை நான்கு பேர் கொண்ட கும்பலால் அரிவாளால் வெட்டிப் படுகொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது.

இந்தப் படுகொலைக்கு பேனர் வைப்பது தொடர்பான மோதல் மட்டுமே காரணமா அல்லது அதன் பின்னணியில் சாதிய ரீதியிலான முன்விரோதம் உள்ளதா என்பது குறித்து எவிடென்ஸ் அமைப்பின் உண்மையறியும் குழுவினர் நவம்பர் 2-ஆம் தேதி சம்பவ இடத்தில் நேரடியாகக் களஆய்வு மேற்கொண்டனர். அந்த ஆய்வின் அடிப்படையில் வெளியிடப்பட்ட அறிக்கையில் பல்வேறு அதிர்ச்சித் தகவல்கள் தெரிவிக்கப்பட்டுள்ளன.

கொலை செய்யப்பட்ட பாலமுருகனுக்கு சுதா (40) என்ற மனைவியும், இசக்கிராஜா (22) என்ற மகனும், மாசான அனுசியா (20) என்ற மகளும் உள்ளனர். இவர் காய்கறிக் கடை நடத்தி வந்ததுடன், குட்டியானை வாகன ஓட்டுநராகவும் பணியாற்றி வந்துள்ளார்.

மகனைக் கொல்ல முயன்ற சம்பவம்:

கடந்த இரண்டு ஆண்டுகளுக்கு முன்பு பாலமுருகனின் மகன் இசக்கிராஜாவை மூன்று பேர் கொண்ட கும்பல் அரிவாளால் வெட்டிக் கொலை செய்ய முயன்றதாகவும், இதுகுறித்து வடபாகம் காவல் நிலையத்தில் வழக்குப் பதிவு செய்யப்பட்டதாகவும் எவிடென்ஸ் அமைப்பின் அறிக்கையில் தெரிவிக்கப்பட்டுள்ளது. இந்தச் சம்பவத்தில் தொடர்புடையவர்கள் பொன்பாண்டி என்ற ரவியின் ஆதரவாளர்கள் என்றும், இதன் காரணமாக பாலமுருகனுக்கும் ரவிக்கும் இடையே முன்விரோதம் இருந்து வந்ததாகவும் கூறப்பட்டுள்ளது.

சுடுகாட்டுப் பாதை விவகாரத்தில் மோதல்:

பொன்பாண்டி என்ற ரவியின் தேநீர்க் கடைக்கு அருகில் தலித் மக்களுக்கான சுடுகாடு அமைந்துள்ளது. அந்தச் சுடுகாட்டிற்குச் செல்லும் பாதை குறுகலாக இருப்பதால், அதற்குச் சுற்றுச்சுவர் அமைக்க தலித் மக்கள் முயன்றபோது, அந்த இடத்தில் தனக்கும் உரிமை இருப்பதாகக் கூறி ரவி எதிர்ப்பு தெரிவித்ததாகக் கூறப்படுகிறது.

மேலும், கட்டிடப் பகுதி ஆக்கிரமிப்பு மற்றும் சுடுகாட்டுப் பாதையை ஆக்கிரமிக்க முயற்சிப்பதாகக் கூறி தலித் மக்கள் போராட்டத்தில் ஈடுபட்டதாகவும், இந்தப் போராட்டத்தின் பின்னணியில் பாலமுருகன் இருப்பதாக ரவி சந்தேகித்ததாகவும் அறிக்கையில் குறிப்பிடப்பட்டுள்ளது.

கொலைச் சம்பவத்திற்கு ஒரு வாரத்திற்கு முன்பு பாலமுருகனின் மகனுக்கு கொலை மிரட்டல் விடுக்கப்பட்டதாகவும் தெரிவிக்கப்பட்டுள்ளது.

பேனர் வைப்பதில் தொடங்கிய வாக்குவாதம்:

பாலமுருகனின் மனைவியின் சகோதரி சுமதியின் மகளுக்கு நவம்பர் 1-ஆம் தேதி பூப்புனித நீராட்டு விழா நடத்த ஏற்பாடு செய்யப்பட்டிருந்தது. இதற்காக குடியிருப்புப் பகுதியில் பேனர் வைக்கும் பணியில் பாலமுருகனின் உறவினர்கள் ஈடுபட்டிருந்தபோது, அங்கு வந்த சிலர் பேனர் வைப்பது தொடர்பாக பாலமுருகனிடம் வாக்குவாதத்தில் ஈடுபட்டதுடன், சாதிய ரீதியாக இழிவாகப் பேசி அவதூறாகத் திட்டியதாக எவிடென்ஸ் அமைப்பின் களஆய்வு அறிக்கையில் கூறப்பட்டுள்ளது.

இதனைத் தொடர்ந்து, தனது இருசக்கர வாகனத்தில் பெட்ரோல் இல்லாததால் அருகிலுள்ள பெட்ரோல் விற்பனை நிலையத்திற்குப் பெட்ரோல் நிரப்ப வாகனத்தை உருட்டிச் சென்ற பாலமுருகனை, இரண்டு இருசக்கர வாகனங்களில் அரிவாள்களுடன் வந்த நான்கு பேர் கொண்ட கும்பல் வெட்டிப் படுகொலை செய்ததாகத் தெரிவிக்கப்பட்டுள்ளது.

6 பேர் மீது வழக்கு; 5 பேர் கைது:

இந்தச் சம்பவம் தொடர்பாக தாளமுத்துநகர் காவல் நிலையத்தில் குற்ற எண் 701/2026-ன் கீழ் பாரதிய நியாயச் சட்டம் மற்றும் வன்கொடுமைத் தடுப்புச் சட்டத்தின் தொடர்புடைய பிரிவுகளில் வழக்குப் பதிவு செய்யப்பட்டுள்ளதாக அறிக்கையில் தெரிவிக்கப்பட்டுள்ளது.

மேலும், இந்தக் கொலையில் நேரடியாக ஈடுபட்டவர்கள் மற்றும் தூண்டுதலில் ஈடுபட்டவர்கள் என மொத்தம் 6 பேர் மீது வழக்குப் பதிவு செய்யப்பட்டு, அவர்களில் 5 பேர் கைது செய்யப்பட்டு நீதிமன்றக் காவலுக்கு அனுப்பப்பட்டுள்ளதாகக் கூறப்பட்டுள்ளது.

முக்கியக் குற்றவாளியாகக் குறிப்பிடப்படும் பொன்பாண்டி என்ற ரவி திமுக நிர்வாகி என்றும் எவிடென்ஸ் அமைப்பின் அறிக்கையில் தெரிவிக்கப்பட்டுள்ளது.

தலித் அரசியல் செயல்பாட்டாளர்கள் படுகொலை அதிகரிப்பு:

பேனர் வைப்பது தொடர்பான மோதல் மட்டுமே இந்தப் படுகொலைக்குக் காரணமாக இருக்க முடியாது என்றும், அதன் பின்னணியில் சாதிய ரீதியிலான முன்விரோதம் மற்றும் சமூகப் பிரச்சினைகள் இருப்பதாகவும் எவிடென்ஸ் அமைப்பு சுட்டிக்காட்டியுள்ளது.

மேலும், பாலமுருகனைப் போன்ற தலித் அரசியல் செயல்பாட்டாளர்கள் ஆண்டுதோறும் 10 முதல் 12 பேர் வரை படுகொலை செய்யப்படுவதாகவும் அந்த அமைப்பு தனது அறிக்கையில் குறிப்பிட்டுள்ளது.

எவிடென்ஸ் அமைப்பின் பரிந்துரைகள்:

1. தலித் பெண்களை இழிவாகப் பேசியது மற்றும் தலித் மக்களின் சுடுகாட்டுப் பயன்பாட்டுக்குத் தடை ஏற்படுத்தியது உள்ளிட்ட குற்றச்சாட்டுகள் தொடர்பாக வன்கொடுமைத் தடுப்புச் சட்டத் திருத்தம் 2015-ன் கூடுதல் பிரிவுகளிலும் வழக்குப் பதிவு செய்ய வேண்டும்.

2. கொலை செய்யப்பட்ட பாலமுருகனின் குடும்பத்தினருக்கு ரூ.12 லட்சம் நிவாரணம் வழங்க வேண்டும்.

3. குடும்பத்தில் ஒருவருக்கு அரசு வேலை வழங்குவதுடன், மாதம் ரூ.18 ஆயிரம் ஓய்வூதியம் வழங்க வேண்டும்.

4. குடும்பத்தினருக்கு விவசாய நிலம் வழங்க வேண்டும்.

5. தலித் மக்களின் சுடுகாட்டிற்கு முறையான சுற்றுச்சுவர் கட்டிக் கொடுக்க வேண்டும்.

6. தலித் மக்கள் வசிக்கும் ஹவுசிங் போர்டு காலனியைப் புதுப்பித்து, தரமான வீடுகள் கட்டிக் கொடுக்க நடவடிக்கை எடுக்க வேண்டும்.

7. பாதிக்கப்பட்ட குடும்பம்

   
   
   

தூத்துக்குடியில் நிகழ்ந்துள்ள இந்தப் படுகொலை தொடர்பாக முழுமையான விசாரணை நடத்தி, சாதியப் பாகுபாடு மற்றும் முன்விரோதம் தொடர்பான குற்றச்சாட்டுகள் மீதும் உரிய நடவடிக்கை எடுக்க வேண்டும் என்ற கோரிக்கையை எவிடென்ஸ் அமைப்பு முன்வைத்துள்ளது.

Tamil Nadu updates,4-11-2026 thoothukudileaks 

தூத்துக்குடி, நவ.4:

தூத்துக்குடி ஆரோக்கியபுரம் வி.வி.டி. நினைவு மேல்நிலைப் பள்ளியில், தூத்துக்குடி மாவட்ட ஆட்சியருக்கு மாணவ, மாணவிகள் தீபாவளி வாழ்த்துக் கடிதம் எழுதும் நிகழ்ச்சியும், தமிழ் செம்மல் விருது பெற்ற அன்பழகனுக்கு பாராட்டு விழாவும் நடைபெற்றது.

4.11.2026 புதன்கிழமை காலை நடைபெற்ற இந்நிகழ்ச்சிக்கு பள்ளித் தலைமை ஆசிரியர் கணகரத்தின மணி தலைமை தாங்கினார். தூத்துக்குடி பத்திரிகையாளர் மன்றத் தலைவர் சண்முகசுந்தரம் முன்னிலை வகித்தார். சிறப்பு அழைப்பாளராகக் கலந்து கொண்ட தமிழ் செம்மல் விருது பெற்ற மோ. அன்பழகனுக்கு பள்ளியின் சார்பில் பொன்னாடை அணிவித்து பாராட்டுத் தெரிவிக்கப்பட்டது.

தொடர்ந்து, பள்ளியின் 10, 11 மற்றும் 12ஆம் வகுப்பு மாணவ, மாணவிகள் தூத்துக்குடி மாவட்ட ஆட்சியருக்கு தீபாவளி வாழ்த்துகளைத் தெரிவித்து கடிதங்கள் எழுதினர்.

தமிழ் செம்மல் விருது பெற்ற அன்பழகனைப் பாராட்டி நெடுஞ்சாலை கவிஞர் செல்வராஜ் வாழ்த்துக் கவிதை வாசித்தார். பத்திரிகையாளர் மன்றத் தலைவர் சண்முகசுந்தரம், லாரன்ஸ் ஆகியோர் வாழ்த்துரை வழங்கினர்.

நிகழ்ச்சியின் நிறைவாக தூத்துக்குடி மாவட்ட புத்தக வாசிப்பு மன்றத் தலைவர் எழுத்தாளர் ஆ. மாரிமுத்து நன்றியுரை வழங்கினார். நிகழ்ச்சியைப் பள்ளியின் விளையாட்டு ஆசிரியர் ஜீசஸ் ஆல்பன் தொகுத்து வழங்கினார்.

இதில் பள்ளி ஆசிரியர்கள் மற்றும் மாணவ, மாணவிகள் கலந்து கொண்டு சிறப்பித்தனர். விழாவிற்கான ஏற்பாடுகளை தூத்துக்குடி மாவட்ட புத்தக வாசிப்பு மன்றத்தினர் செய்திருந்தனர்.

Tamil Nadu updates, photo news by Arunan journalist 4-11-2026

தூய்மைப் பணியாளர்கள், ஆட்டோ ஓட்டுநர்களுக்கு தீபாவளி பரிசுகள் வழங்கிய மேயர் ஜெகன் பெரியசாமி!

தூத்துக்குடி, நவ. 4:

தீபாவளி பண்டிகையை முன்னிட்டு தூத்துக்குடி மாநகராட்சி 3-வது வார்டு பகுதியில் பணியாற்றும் தூய்மைப் பணியாளர்கள் மற்றும் ஹவுசிங் போர்டு காலனி ஆட்டோ ஓட்டுநர்களுக்கு தீபாவளி பரிசுகள் வழங்கும் நிகழ்ச்சி இன்று (நவம்பர் 4) காலை 11 மணியளவில் ஹவுசிங் போர்டு காலனியில் நடைபெற்றது.

தூத்துக்குடி மாநகராட்சி மேயர் ஜெகன் பெரியசாமி தலைமையில் நடைபெற்ற இந்நிகழ்ச்சிக்கு, 3-வது வார்டு மாமன்ற உறுப்பினர் ரெங்கசாமி ஏற்பாடு செய்திருந்தார்.

நிகழ்ச்சியில் தூய்மைப் பணியாளர்கள் மற்றும் ஆட்டோ ஓட்டுநர்களுக்கு மேயர் ஜெகன் பெரியசாமி தீபாவளி பரிசுகளை வழங்கி வாழ்த்துகளைத் தெரிவித்தார்.

அப்போது மேயர்,ஜெகன் பெரியசாமி பேசியதாவது 

 தூத்துக்குடி மாநகரைத் தூய்மையாகவும் சுகாதாரமாகவும் வைத்திருக்க தூய்மைப் பணியாளர்களின் பங்கு மிகவும் முக்கியமானது. அவர்களின் அர்ப்பணிப்பான உழைப்பும் சேவையும் பாராட்டுக்குரியது.

அதேபோல், பொதுமக்களின் போக்குவரத்துத் தேவையை நிறைவேற்றும் ஆட்டோ ஓட்டுநர்களின் சேவையும் பாராட்டுக்குரியது. 

சமூகத்தின் அன்றாடத் தேவைகளில் முக்கியப் பங்காற்றும் அனைவருக்கும் தீபாவளி வாழ்த்துகளைத் தெரிவித்துக் கொள்கிறேன் என்று கூறினார்.

இதனையடுத்துமேயர் ஜெகன் பெரியசாமி தூய்மைப் பணியாளர்களுக்கும் ஆட்டோ  ஓட்டுநர்களுக்கும் தீபாவளி பரிசுகள் வழங்கினார் . 

இந்நிகழ்ச்சியில் தூத்துக்குடி மாநகராட்சி 3-வது வார்டு பகுதியைச் சேர்ந்த தூய்மைப் பணியாளர்கள், ஆட்டோ ஓட்டுநர்கள் மற்றும் உள்ளூர் நிர்வாகிகள் கலந்து கொண்டனர்.

தூய்மைப் பணியாளர்களின் சேவையைப் பாராட்டி, அவர்களுடன் மகிழ்ச்சியைப் பகிர்ந்து கொள்ளும் வகையில் இந்நிகழ்ச்சி நடைபெற்றது.

தூத்துக்குடி தாளமுத்துநகர் கொலை வழக்கில் 5 பேர் கைது!

தூத்துக்குடி: தூத்துக்குடி தாளமுத்துநகர் பகுதியில்  பேனர் வைப்பது தொடர்பாக ஏற்பட்ட வாய்த்தகராறு கொலையில் முடிந்த சம்பவம் பரபரப்பை ஏற்படுத்தியுள்ளது.

தனிப்பட்ட விரோதம் காரணமாக பேனர் வைப்பது தொடர்பாக இரு தரப்பினரிடையே ஏற்பட்ட வாக்குவாதம் தொடர்ந்து கொலைச் சம்பவம் நிகழ்ந்தது.

இதுகுறித்து தகவல் அறிந்த காவல்துறையினர் வழக்குப் பதிவு செய்து தீவிர விசாரணை மேற்கொண்டனர். 

கொலை சம்பவம் ஆறு பேர் உடனடி கைது !!!

இதில் கொலைச் சம்பவத்தில் தொடர்புடையதாகக் கூறப்படும் சிவச்சந்திரன், சிவகுமார், மணிகண்டன் மற்றும் ரவி ஆகிய நான்கு பேரையும் சம்பவம் நிகழ்ந்த ஆறு மணி நேரத்திற்குள் துரிதமாகச் செயல்பட்டு கைது செய்தனர்.

இவ்வழக்கு தொடர்பாக காவல்துறையினர் தொடர்ந்து புலன் விசாரணை மேற்கொண்டு வருகின்றனர்.

 

தூத்துக்குடி மாவட்டம்: 01.11.2026

தாளமுத்துநகர் காவல் நிலைய கொலை வழக்கில் 5 குற்றவாளிகள் கைது - சம்பவம் நடந்த 6 மணி நேரத்திற்குள் காவல்துறையினர் நடவடிக்கை.

தூத்துக்குடி மாவட்டம், தாளமுத்துநகர் காவல் நிலைய எல்லை பகுதியில்,   பேனர் வைப்பது தொடர்பாக இருதரப்பினரிடையே ஏற்பட்ட தகராறில் பாலமுருகன் (41) என்பவர் தாக்கப்பட்டு உயிரிழந்தார்.

01.11.2026 அன்று அதிகாலை விழா ஒன்றிற்காக பாலமுருகன்  வீட்டின் அருகே  பேனர் அமைத்துக் கொண்டிருந்தபோது, மற்றொரு தரப்பினருடன் வாய்த்தகராறு ஏற்பட்டது. இதனைத் தொடர்ந்து இருதரப்பினருக்கும் இடையே மோதல் ஏற்பட்டது.

இந்நிலையில், அன்று காலை சுமார் 06.00 மணியளவில், இருசக்கர வாகனத்திற்கு பெட்ரோல் நிரப்பச் சென்ற பாலமுருகனை எதிர்தரப்பினர் அரிவாளால் தாக்கியதில், அவர் சம்பவ இடத்திலேயே உயிரிழந்தார்.

இதுகுறித்து உயிரிழந்தவரின் மனைவி சுதா அளித்த புகாரின் பேரில், தாளமுத்துநகர் காவல் நிலையத்தில் குற்ற எண் 701/2026, பிரிவுகள் 296(b), 103(1), 351(3) BNS மற்றும் SC/ST (POA) Act, 1989-ன் கீழ் வழக்குப் பதிவு செய்யப்பட்டது.

இவ்வழக்கில் தொடர்புடைய ஐந்து குற்றவாளிகளான:

1. சிவா @ சிவச்சந்திரன் (22), த/பெ. லட்சுமணன், பாலா தண்டாயுதம் நகர், தாளமுத்துநகர்.

2. சிவகுமார் (22), த/பெ. பரமசிவன், கே.வி.கே. நகர், தூத்துக்குடி.

3. கோகுல்நாத் (24), த/பெ. தினகரன், லூர்தம்மாள்புரம்.

4. மணிகண்டன் (20), த/பெ. மாரிமுத்து, சொட்டையன் தோப்பு, தூத்துக்குடி.

5. பொன்பாண்டி @ ரவி (44), த/பெ. பொய்யாமொழி, மாதா நகர் 5-வது தெரு, தாளமுத்துநகர்.

ஆகிய 5 பேரையும் காவல்துறையினர் கைது செய்துள்ளனர்.

இவ்வழக்கு தொடர்பாக காவல்துறையினர் தொடர்ந்து விசாரணை மேற்கொண்டு வருகின்றனர்.

Tamil Nadu updates 31-10-2026

photo news by Arunan Reporter 

தவெக அரசைக் கண்டித்து தூத்துக்குடியில் திமுக மகளிரணி பிரம்மாண்ட கண்டன ஆர்ப்பாட்டம்: முன்னாள் அமைச்சர் கீதா ஜீவன் தலைமையில் திரண்ட  திமுக யினர்!

​தூத்துக்குடி, அக்.31:

​தமிழக வெற்றிக் கழக (தவெக) அரசின் சீர்கேடுகளைக் கண்டித்தும், சட்டம் ஒழுங்கை பாதுகாக்க வலியுறுத்தியும் தூத்துக்குடியில் திமுக சார்பில் இன்று (அக்.31) தூத்துக்குடி மையவாடி அருகே உள்ள மைதானத்தில் பிரம்மாண்ட மகளிரணி கண்டன ஆர்ப்பாட்டம் நடைபெற்றது.

​திமுக வடக்கு மாவட்டச் செயலாளரும், முன்னாள் அமைச்சருமான கீதா ஜீவன் தலைமையில் நடைபெற்ற இந்த ஆர்ப்பாட்டத்தில், தூத்துக்குடி வடக்கு மாவட்ட திமுக மகளிரணி நிர்வாகிகள், கட்சி பொறுப்பாளர்கள் மற்றும் தொண்டர்கள் திரளாகக் கலந்துகொண்டு தவெக அரசுக்கு எதிராகக் கண்டனக் குரல் எழுப்பினர்.

​சீர்கெட்ட சட்டம் ஒழுங்கு:

ஆர்ப்பாட்டத்தில் கலந்துகொண்ட திமுகவினர், தமிழகத்தில் நாளுக்கு நாள் சீர்கெட்டு வரும் சட்டம் ஒழுங்கு சீர்கேட்டைக் கண்டித்தும், கொலை, கொள்ளை மற்றும் போதைப்பொருள் விற்பனை கட்டுக்கடங்காமல் அதிகரித்து வருவதைச் சுட்டிக்காட்டியும் கண்டனப் பதாகைகளைக் கையில் ஏந்தியவாறு முழக்கமிட்டனர்.

​பெண்கள், குழந்தைகளுக்குப் பாதுகாப்பில்லை:

மாநிலத்தில் பெண்கள் மற்றும் குழந்தைகளுக்கு எதிரான குற்றச் செயல்கள் தொடர் கதையாகி வருவதாகவும், பெண்கள் மீதான வன்முறைகள் மற்றும் குழந்தைகள் கடத்தல் போன்ற கொடூர சம்பவங்களைத் தடுக்க அரசு முற்றிலுமாகத் தவறிவிட்டது என்றும் ஆர்ப்பாட்டத்தின்போது சுட்டிக்காட்டப்பட்டது.

​வெறும் அறிக்கையோடு நிற்கும் விஜய்:

மாநிலத்தில் இதுபோன்ற சட்டம் ஒழுங்கு பிரச்சினைகள் தீவிரமடைந்து வரும் நிலையில், ஆளும் தமிழக வெற்றிக் கழகத்தின் தலைவர் விஜய், எந்தவிதக் கள நடவடிக்கையும் எடுக்காமல் வெறும் அறிக்கைகளை மட்டுமே வெளியிட்டு மக்களை ஏமாற்றி வருகிறார் என்றும் திமுகவினர் குற்றம்சாட்டினர்.

​தமிழகத்தில் சீர்குலைந்துள்ள சட்டம் ஒழுங்கை உடனடியாகச் சீரமைக்க வேண்டும், பெண்கள் மற்றும் குழந்தைகளின் பாதுகாப்பை உறுதி செய்ய வேண்டும், உயர்ந்து வரும் விலைவாசி உயர்வை உடனடியாகக் கட்டுப்படுத்த வேண்டும் போன்ற கோரிக்கைகளை வலியுறுத்தி இந்த ஆர்ப்பாட்டம் வீரியத்துடன் நடைபெற்றது.

​இதில் திமுக மகளிரணி நிர்வாகிகளும், கட்சித் தொண்டர்களும் கலந்து கொண்டதால் அப்பகுதியே பரபரப்பாகக் காணப்பட்டது.

 Tamil Nadu updates

தூத்துக்குடியில் முத்துராமலிங்க தேவர் 119வது ஜெயந்தி விழா தேமுதிக சார்பில்  மாலை அணிவிப்பு!

தூத்துக்குடி, அக்.30:

பசும்பொன் முத்துராமலிங்க தேவரின் 119வது ஜெயந்தி விழாவை முன்னிட்டு, தூத்துக்குடியில் தேமுதிக சார்பில் அவரது திருவுருவச் சிலைக்கு மாலை அணிவித்து மரியாதை செலுத்தப்பட்டது.

தூத்துக்குடி 3ஆம் மைல் பகுதியில் அமைந்துள்ள பசும்பொன் முத்துராமலிங்க தேவரின் திருவுருவச் சிலைக்கு, தேமுதிக மாநகர் மாவட்டச் செயலாளர் தயாளாலிங்கம் தலைமையில் கட்சி நிர்வாகிகள் மாலை அணிவித்தனர்.

இந்நிகழ்ச்சியில் மாவட்ட துணைச் செயலாளர்கள் ராமகிருஷ்ணன், மாலதி நாராயணமூர்த்தி, செயற்குழு உறுப்பினர்கள் ராஜபொம்மு, மந்திரமூர்த்தி, பொதுக்குழு உறுப்பினர்கள் செல்வம், கோபாலகிருஷ்ணன், ஒன்றியச் செயலாளர்கள் ஜெயக்குமார், கணேசமுருகன், விக்னேஷ் ராஜ் ஆகியோர் கலந்து கொண்டனர்.

மேலும், பகுதிச் செயலாளர்கள் வல்லரசுதுரை, நாராயணமூர்த்தி, அரசமுத்து, அந்தோணி ராஜ், சார்பு அணி நிர்வாகிகள் ராதாகிருஷ்ணன், மணிகண்டன், முருகன், அரசமுத்து, சபரி மற்றும் ஒன்றிய, பகுதி நிர்வாகிகள் மாரியப்பன், அனவர்தம், ஆதிலிங்கம், ஆனந்தகிருஷ்ணன், சுப்பு, முத்து, சரவணன், குமாரசாமி, பாலசுப்பிரமணியன், மாரித்துரை, ராமசாமி, மாடசாமி உள்ளிட்ட தேமுதிக நிர்வாகிகள் பலர் கலந்து கொண்டு முத்துராமலிங்க தேவருக்கு மரியாதை செலுத்தினர்.

 Tamil Nadu updates

photo news by Arunan Reporter 

தூத்துக்குடி, அக்.30:

தூத்துக்குடி மாநகராட்சி எல்லைக்குட்பட்ட பகுதிகளில் செப்டிக் டேங்க் மற்றும் பாதாள சாக்கடைகளுக்குள் மனிதர்கள் நேரடியாக இறங்கி துப்புரவுப் பணிகளை மேற்கொள்வதற்கு முற்றிலும் தடை விதிக்கப்பட்டுள்ளதாக மாநகராட்சி ஆணையர் பிரியங்கா தெரிவித்துள்ளார்.

தூத்துக்குடி மாநகராட்சி அலுவலகத்தில் ஆணையர் பிரியங்கா தலைமையில் அவசரகால துப்புரவுப் பணி பொறுப்பு ஆணையம் (ERSA) குறித்த விளக்கக் கூட்டம் நடைபெற்றது.

கூட்டத்தில் நகர நல அலுவலர் அனைவரையும் வரவேற்று, அவசரகால துப்புரவுப் பணி பொறுப்பு ஆணையத்தின் செயல்பாடுகள் மற்றும் பொறுப்புகள் குறித்து விரிவாக எடுத்துரைத்தார்.

இதில் மாநகராட்சி எல்லைக்குட்பட்ட பகுதிகளில் பணியாற்றும் தனியார் கழிவுநீர் அகற்றும் வாகன உரிமையாளர்கள், பாதாள சாக்கடை பராமரிப்பு ஒப்பந்தப் பணியாளர்கள், தூய்மைப் பணியாளர்கள், மாநகராட்சி பொறியாளர்கள் மற்றும் சுகாதார ஆய்வாளர்கள் கலந்து கொண்டனர்.

உயிரிழப்பில்லா துப்புரவுப் பணியே இலக்கு!

கூட்டத்தில் ஆணையர் பிரியங்கா பேசுகையில், தமிழக அரசின் வழிகாட்டுதலின்படி துப்புரவுப் பணிகளின்போது ஏற்படும் உயிரிழப்புகளை முற்றிலும் தடுத்து, உயிரிழப்பில்லா நிலையை உருவாக்கும் நோக்கில் இந்த அமைப்பு செயல்படுவதாகத் தெரிவித்தார்.

மாநகராட்சி எல்லைக்குள் உள்ள செப்டிக் டேங்க் மற்றும் பாதாள சாக்கடைகளில் மனிதர்கள் நேரடியாக இறங்குவது முற்றிலும் தடை செய்யப்பட்டுள்ளது. கழிவுநீர் அகற்றுதல் உள்ளிட்ட அனைத்துப் பணிகளும் மாநகராட்சியால் அங்கீகரிக்கப்பட்ட வாகனங்கள் மற்றும் நவீன இயந்திரங்கள் மூலமாக மட்டுமே மேற்கொள்ளப்பட வேண்டும் என அறிவுறுத்தினார்.

24 மணி நேரக் கண்காணிப்பு!

தனியார் கழிவுநீர் அகற்றும் லாரிகளுக்கு முறையான உரிமம் வழங்கப்பட்டு, அவற்றின் செயல்பாடுகள் ஜி.பி.எஸ். தொழில்நுட்பம் மூலம் கண்காணிக்கப்படும். அவசரகால தேவைகளுக்காக 24 மணி நேரமும் செயல்படும் கட்டுப்பாட்டு அறை அமைக்கப்படும் என்றும் தெரிவிக்கப்பட்டது.

தவிர்க்க முடியாத விதிவிலக்கான சூழ்நிலைகளில் பணியாளர்களை ஈடுபடுத்த வேண்டிய அவசியம் ஏற்பட்டால், முழு உடல் பாதுகாப்பு உடை, முகக்கவசம், கையுறை உள்ளிட்ட பாதுகாப்பு உபகரணங்கள் வழங்கப்பட வேண்டும். மேலும், நச்சு வாயுவைக் கண்டறியும் கருவி மூலம் உரிய பரிசோதனைகள் மேற்கொள்வதும் கட்டாயமாகும் என அறிவுறுத்தப்பட்டது.

தூய்மைப் பணியாளர்களுக்கு காப்பீடு, வாழ்வாதார உதவி!

பாரம்பரியமாக இத்தொழிலில் ஈடுபட்டு வரும் தூய்மைப் பணியாளர்களுக்கு முறையான பயிற்சி அளித்து, பாதாள சாக்கடை நுழைவுப் பணிகளில் தேர்ச்சி பெற்ற வல்லுநர்களாக உருவாக்க நடவடிக்கை எடுக்கப்படும்.

மேலும், மத்திய அரசின் நமஸ்தே திட்டத்தின் கீழ் அவர்களுக்குக் காப்பீடு மற்றும் வாழ்வாதார உதவிகள் வழங்கப்படும் என்றும் கூட்டத்தில் தெரிவிக்கப்பட்டது.

விதிகளை மீறினால் சிறை தண்டனை!

பாதுகாப்பு விதிமுறைகளை மீறி, நச்சு வாயு நிறைந்த கழிவுநீர்த் தொட்டிகளில் மனிதர்களை இறக்கிப் பணியில் ஈடுபடுத்தும் நபர்கள் மீது சட்டப்படி கடுமையான நடவடிக்கை எடுக்கப்படும். சிறை தண்டனை மற்றும் அபராதம் விதிக்கப்படும் என்றும் கூட்டத்தில் எச்சரிக்கை விடுக்கப்பட்டது.

துப்புரவுப் பணியாளர்களின் உயிர்ப் பாதுகாப்பை உறுதி செய்வதில் மாநகராட்சி நிர்வாகம் உறுதியுடன் செயல்படும் என ஆணையர் பிரியங்கா தெரிவித்தார்.

செப்டிக் டேங்கில் மனிதர்களை இறக்கினால் கடும் நடவடிக்கை!

தூத்துக்குடி மாநகராட்சி ஆணையர் பிரியங்கா அறிவுறுத்தல்:

 செப்டிக் டேங்க், பாதாள சாக்கடைகளில் மனிதர்கள் நேரடியாக இறங்கத் தடை.

அங்கீகரிக்கப்பட்ட வாகனங்கள், நவீன இயந்திரங்கள் மூலம் மட்டுமே துப்புரவுப் பணி.

தனியார் கழிவுநீர் லாரிகளுக்கு ஜி.பி.எஸ். கண்காணிப்பு.

 அவசரகால தேவைகளுக்கு 24 மணி நேரக் கட்டுப்பாட்டு அறை.

விதிகளை மீறுவோர் மீது சிறை தண்டனை, அபராதம் உள்ளிட்ட சட்ட நடவடிக்கை.

தூய்மைப் பணியாளர்களின் உயிர் பாதுகாப்பே முதன்மை!

தூத்துக்குடி, அக்டோபர் 30:

தூத்துக்குடி மாநகராட்சி அலுவலகக் கட்டிடத்திலுள்ள மாமன்றக் கூட்ட அரங்கத்தில், மேயர் ஜெகன் பெரியசாமி தலைமையில் ஆணையர் பிரியங்கா மற்றும் துனை மேயர் ஜெனிட்டா முன்னிலையில் சாதாரண மாமன்றக் கூட்டம்  நடைபெற்றது. 

இக்கூட்டத்தில் தூத்துக்குடி மாநகராட்சியின் வளர்ச்சிப் பணிகள், பொதுச் சுகாதாரம் மற்றும் பொதுமக்கள் நலன் சார்ந்த பல்வேறு முக்கியமான பொருள்கள் விவாதிக்கப்பட்டு ஒப்புதல் பெறப்பட்டன.

கூட்டத்தில் நிறைவேற்றப்பட்ட முக்கிய அம்சங்கள்:

  டெக்ஸ்கோ பணியாளர்களுக்கு அகவிலைப்படி உயர்வு:

   மாநகராட்சி கட்டிடங்கள் மற்றும் பாதுகாப்புப் பணிக்காக டெக்ஸ்கோ (TEXCO) நிறுவனம் மூலம் ஒப்பந்த அடிப்படையில் பணிபுரியும் 2 மேற்பார்வையாளர்கள் மற்றும் 8 பாதுகாவலர்களுக்கு அகவிலைப்படி உயர்த்தப்பட்டுள்ளது. இதன்படி, காவலாளி ஒருவரின் மாத ஊதியம் ரூ.24,603-ல் இருந்து ரூ.27,646-ஆகவும், தலைமைக் காவலாளி ஊதியம் ரூ.27,498-ல் இருந்து ரூ.30,540-ஆகவும் உயர்த்தப்பட்டுள்ளது. இதனால் ஆண்டிற்கு கூடுதலாக ஏற்படும் ரூ.4,65,336 செலவினத்திற்கு மாநகராட்சி பொது நிதியிலிருந்து அனுமதி வழங்கப்பட்டுள்ளது.

 * பேருந்து நிலைய நுழைவுக் கட்டணம் மற்றும் தினக்கூலி உயர்வு:

   வடக்கு மண்டலம் புதிய பேருந்து நிலையம் மற்றும் பேரறிஞர் அண்ணா பேருந்து நிலையம் (பழைய பேருந்து நிலையம்) ஆகியவற்றில் ஆம்னி, நகர மற்றும் சிற்றுந்துகள் வந்து செல்வதற்கான நுழைவுக் கட்டணம் வசூலிக்கும் பணியில் ஈடுபட்டுள்ள தினக்கூலிப் பணியாளர்களுக்கு, மாவட்ட ஆட்சியரின் உத்தரவுபடி நாள் ஒன்றுக்கு ரூ.595 வீதம் ஊதியம் வழங்கத் தீர்மானிக்கվելளது.

 * டெங்கு தடுப்பு மற்றும் கொசு ஒழிப்பு பணிகள் தீவிரம்:

   எதிர்வரும் வடகிழக்கு பருவமழையை முன்னிட்டு, பொதுமக்களை டெங்கு மற்றும் சிக்குன்குனியா போன்ற நோய்களிலிருந்து காக்கும் பொருட்டு, கூடுதல் களப் பணியாளர்களை (DBC) முழு நேரமாக ஈடுபடுத்த முடிவு செய்யப்பட்டுள்ளது. இதற்காக வடக்கு, கிழக்கு, மேற்கு மற்றும் தெற்கு மண்டலங்களில் கூடுதலாக 294 பணியாளர்கள் நியமிக்கப்பட உள்ளனர்.

  தெருநாய்கள் கருத்தடை மற்றும் புதிய உதவி எண்:

   மாநகராட்சிப் பகுதியில் சமூக நாய்களின் இனப்பெருக்கத்தைக் கட்டுப்படுத்தவும், வெறிநோய் பரவலைத் தடுக்கவும் 'Rescuing Animals In Need' தொண்டு நிறுவனம் மூலம் மேலும் 1000 நாய்களுக்கு கருத்தடைச் சிகிச்சை செய்ய ரூ.20 லட்சம் ஒதுக்கீடு செய்யப்பட்டுள்ளது. 

மேலும், பொதுமக்கள் நாய்கள் தொடர்பான புகார்களை எளிதில் தெரிவிக்க வசதியாக 9443204030 என்ற புதிய BSNL கைப்பேசி எண் பயன்பாட்டுக்குக் கொண்டுவரப்படுகிறது.

  குடிநீர் மற்றும் உள்கட்டமைப்பு பணிகள்:

   கிழக்கு மற்றும் வடக்கு மண்டலங்களில் குடிநீர் விநியோகத்தை சீரமைத்தல், பைப்லைன் நீட்டிப்பு மற்றும் கசிவு சரி செய்யும் பணிகளுக்காக குடிநீர் மற்றும் வடிகால் நிதி மூலம் பல லட்சம் மதிப்பிலான புதிய பணிகளுக்கு நிர்வாக அனுமதி வழங்கப்பட்ட விவரங்கள் மாமன்றத்தில் பதிவே செய்யப்பட்டன.

 அம்மா உணவுக் வாகன வாடகை உயர்வு:

   தூத்துக்குடி மாநகராட்சியிலுள்ள அம்மா உணவகங்களுக்கு காய்கறி ஏற்றிச் செல்லும் சரக்கு வாகனத்தின் வாடகை, உதிரிபாகங்கள் மற்றும் டீசல் விலை உயர்வு காரணமாக நாள் ஒன்றுக்கு ரூ.700-ல் இருந்து 30 சதவீதம் உயர்த்தப்பட்டு ரூ.910-ஆக வழங்க அனுமதி அளிக்கப்பட்டது.

மாநகராட்சி கூட்டத்தில் ஆப்சென்ட் ஆன  52.வது வார்டு கவுன்சிலர் மந்திரமூர்த்தி

தூத்துக்குடி மாநகராட்சி கூட்டங்களில் கலந்து கொண்டு எப்போதும் பல்வேறு விவாதங்கள் எழுப்பி வருபவரும் ...

தற்போது தவெக கட்சி இனைந்து இருப்பவருமான  52வது வார்டு  கவுன்சிலர் மந்திர மூர்த்தி 

ஏனோ இந்த கூட்டத்தில் மாமன்றத்திற்கு உள்ளே வராமல் ஆப்சென்ட் 

அவர் தொடர்ந்து வெளிநடப்பு செய்யும் பரபரப்பு இல்லாததால் பத்திரிகையாளர்கள் ஏமாற்றமாயினர்

இக்கூட்டத்தில் மாநகராட்சி அதிகாரிகள் மற்றும் மாமன்ற உறுப்பினர்கள் பலர் கலந்து கொண்டனர்.

தூத்துக்குடி மாநகராட்சி கிழக்கு மண்டல அதிகாரி சுற்றி வளைப்பு 

தூத்துக்குடி மாநகராட்சி வளாகத்தில் கிழக்கு மண்டல ஏ சி வெங்கட்ராமன் வந்த போது முத்து நகர் கடற்கரை பூங்கா கடை வைத்து உள்ளவர்கள் தங்களுக்கு நியாயம் வேண்டும் என அவரிடம் வாக்குவாதத்தில் ஈடுபட்டு சுற்றி வளைத்தனர் 

அவரோ கோர்ட் ஆர்டர் இருக்கிறது தான் ஒன்றும் செய்யல என கூறி அங்கு இருந்து  சமாளித்து விட்டு மாமன்ற கூட்டம் நடக்கும் சென்றார் 

இதனால் 

கூட்டம் ஆரம்பிக்கும் முன்.. மாநகராட்சி வளாகத்தில் முன் சிறிது நேரம் பரபரப்பு  தொற்றிக் கொண்டது 

Tamil Nadu updates

தூத்துக்குடி | அக்டோபர் 29, 2026: தூத்துக்குடி மாவட்டம் தாளமுத்துநகர் காவல் நிலைய எல்லைக்குட்பட்ட பகுதிகளில் சட்டவிரோத போதைப்பொருள் விற்பனையைத் தடுக்க காவல் துறையினர் தீவிர கண்காணிப்பு பணியில் ஈடுபட்டு வருகின்றனர்.

இந்நிலையில், தாளமுத்துநகர் பகுதியில் உள்ள மொட்ட கோபுரம் அருகே சிலர் ரகசியமாக கஞ்சா விற்பனையில் ஈடுபடுவதாக காவல்துறையினருக்குத் தகவல் கிடைத்தது. அதன்பேரில், தாளமுத்துநகர் காவல் நிலைய ஆய்வாளர் பாலமுருகன் தலைமையிலான காவல்துறையினர் சம்பவ இடத்திற்குச் சென்று தீவிர சோதனை மேற்கொண்டனர்.

அப்போது, அங்கு சட்டவிரோதமாக கஞ்சா விற்பனையில் ஈடுபட்டுக் கொண்டிருந்த 3 நபர்களைக் காவல்துறையினர் மடக்கிப் பிடித்தனர். அவர்களிடம் நடத்திய விசாரணையில், அவர்கள்:

1. பிரகாஷ் (24), த/பெ. பத்மநாதன் (ஆரோக்கியபுரம், தூத்துக்குடி)
2. மாயகணபதி (24), த/பெ. மாயாண்டி (சேரன்மகாதேவி, திருநெல்வேலி)
3. முகிலரசன் (19), த/பெ. சந்தனசேகர் (குளத்தூர், தூத்துக்குடி)

என்பது தெரியவந்தது. இதில் கைதான பிரகாஷ் மற்றும் மாயகணபதி ஆகியோர் காவல் நிலைய சரித்திர பதிவேடு குற்றவாளிகள் (Rowdy History Sheeters) என்பது குறிப்பிடத்தக்கது.

இதையடுத்து, ஆய்வாளர் பாலமுருகன் வழக்குப்பதிவு செய்து, கைது செய்யப்பட்ட 3 நபர்களிடமிருந்தும் 5 கிலோ 750 கிராம் கஞ்சாவை பறிமுதல் செய்தார். மேலும், இச்சம்பவம் தொடர்பாகக் கைதான மூவரிடமும் தீவிர விசாரணை மேற்கொள்ளப்பட்டு நீதிமன்ற காவலுக்கு அனுப்பி வைக்கப்பட்டனர்.

Tamil Nadu updates

Photo News by Arunan Reporter

மாற்றுத்திறனாளிகளுக்கு அரசுப் பேருந்துகளில் கட்டணமில்லாப் பயணம் புதிய விரிவுபடுத்தப்பட்ட ஆணை வெளியீடு!

சென்னை அக் 29

மாற்றுத்திறனாளிகள் நலத் துறையின் சார்பில், மாற்றுத்திறனாளிகள் தாங்கள் தனித்துவம் வாய்ந்த அடையாள அட்டையைப் (UDID) பயன்படுத்தி அரசுப் பேருந்துகளில் கட்டணமில்லாமல் பயணம் செய்யும் திட்டம் மேலும் விரிவுபடுத்தப்பட்டு அரசாணை வெளியிடப்பட்டுள்ளது.

செய்தியின் முக்கிய அம்சங்கள்:

• கட்டணமில்லாப் பயணத் திட்டம் விரிவாக்கம்: 
• 
  
• 40 சதவீதம் மற்றும் அதற்கு மேல் மாற்றுத்திறன் பாதிப்பு தன்மை கொண்ட அனைத்து வகை மாற்றுத்திறனாளிகளும் (Benchmark Disability) தங்களது தனித்துவம் வாய்ந்த அடையாள அட்டையைப் (UDID) பயன்படுத்தி அரசுப் பேருந்துகளில் கட்டணமில்லாமல் பயணம் செய்யலாம்.
• பயன்படுத்தக்கூடிய பேருந்து வகைகள்: மாநகர மற்றும் நகர தாழ்தளப் பேருந்துகள், விரைவுப் பேருந்துகள் (Express), LSS, டீலக்ஸ் (Deluxe), புறநகர் (Mofussil) மற்றும் மலைப்பகுதிகளில் இயக்கப்படும் சாதாரண கட்டணப் பேருந்துகள் (குளிர்சாதனப் பேருந்து நீங்கலாக) ஆகியவற்றில் இத்திட்டம் பொருந்தும்.
• துணையாளர் சலுகை: 
• 
  
• தனியாக செல்ல இயலாத மாற்றுத்திறனாளிகள் ஒரு துணையாளருடன் (Escort) கட்டணமில்லாமல் பயணம் மேற்கொள்ளலாம்.
• நிதி ஒதுக்கீடு: இத்திட்டத்தினைச் செயல்படுத்தும் விதமாக, நடப்பாண்டு நிதியாண்டிற்கு கூடுதல் நிதி ஒதுக்கீடு செய்யப்பட்டு மொத்தம் ரூ.114.00 கோடி நிதி ஒதுக்கீடு செய்யப்பட்டுள்ளது.
• முக்கிய நிபந்தனைகள்:
• பேருந்தில் பயணம் செய்யும் போது 40% மற்றும் அதற்கு மேல் மாற்றுத்திறன் கொண்டதற்கான தனித்துவம் வாய்ந்த அடையாள அட்டையை (UDID) தவறாமல் நடத்துநரிடம் காண்பிக்க வேண்டும்.
• பயணத்தின் போது மாற்றுத்திறனாளிகள் மற்றும் அவர்களது துணையாளர்களுக்கு நடத்துநர் இலவச பயணசீட்டினை வழங்குவது கட்டாயமாக்கப்பட்டுள்ளது.
• இந்த புதிய கட்டணச் சலுகை அரசாணை வெளியிடப்பட்ட நாளிலிருந்து (27.10.2026) நடைமுறைப்படுத்தப்படுகிறது.
• தூத்துக்குடி புதிய நிலையத்திலிருந்து கிளம்பும் பெண்கள் வெற்றி பயணம் பேரூந்து நேர விவரம்
  

  தூத்துக்குடி புதிய நிலையத்திலிருந்து கிளம்பும் பெண்கள் வெற்றி பயணம் பேரூந்து நேர விபரம்

  
  
  

Tamil Nadu updates 

photo news by Arunan Reporter 

தூத்துக்குடி மறைமாவட்டம் சார்பில் அகில உலக தேசிய ஒற்றுமை தின சிறப்புப் போட்டிகள்: மாணவர்களின் கண்கவர் திறமைகள் வெளிப்பாடு!

தூத்துக்குடி, அக்டோபர் 29:

தூத்துக்குடி மறைமாவட்ட பல்சமய உரையாடல் பணிக்குழுவின் சார்பாக, அகில உலக தேசிய ஒற்றுமை தினத்தை முன்னிட்டு தூத்துக்குடி நகரப் பள்ளிகளில் பயிலும் மாணவ, மாணவியருக்கான சிறப்புப் போட்டிகள் கடந்த புதன்கிழமை (28.10.2026) அன்று கோலாகலமாக நடத்தப்பட்டன.

தூத்துக்குடி பத்திநாதபுரத்தில் உள்ள நற்செய்தி நடுவத்தில் நடைபெற்ற இந்நிகழ்ச்சி, பிற்பகல் 2.00 மணிக்கு வருகைப்பதிவுடன் தொடங்கியது.

 இறைவணக்கப் பாடலைத் தொடர்ந்து, பல்வேறு சமயங்களின் திருநூல்களும் திருக்குறளும் மாணவ, மாணவியர்களால் வாசிக்கப்பட்டது 

மத நல்லிணக்கத்திற்குச் சிறந்த எடுத்துக்காட்டாக அமைந்தது.

சிறப்பான வரவேற்பும் நடுவர் அறிமுகமும்:

நிகழ்ச்சிக்கு  மா.தங்கையா  வரவேற்புரை நிகழ்த்தினார். 

பல்சமய உரையாடல் பணிக்குழுச் செயலர் தந்தை அருள்பணி. பென்சிகர் லூசன்  வாழ்த்துரை வழங்கி, வருகைதந்த நடுவர்களை அறிமுகம் செய்து வைத்தார்.

இந்நிகழ்ச்சியில்,

• அருள்சகோ. ஜெஸி (மேனாள் பேராசிரியர், மரியன்னைக் கல்லூரி)
• பர்வீன் சுல்தானா (பேராசிரியர், மரியன்னை கல்லூரி)
•  சம்சுதீன் ரியாஜி (ஏ.கே. மகளிர் அரபிக் கல்லூரி) ஆகியோர் நடுவர்களாகப் பங்கேற்றனர். அவர்களுக்கு பொன்னாடை அணிவித்து, அன்பளிப்பு வழங்கிச் சிறப்பிக்கப்பட்டது.

பல்வேறு பள்ளிகளைச் சேர்ந்த மாணவர்கள் ஆர்வம்: 

பிற்பகல் 2.45 மணிக்கு பேச்சுப் போட்டி, கட்டுரைப் போட்டி மற்றும் ஓவியப் போட்டிகள் தொடங்கின. 

இந்து, கிறிஸ்தவம் மற்றும் இஸ்லாம் பள்ளிகளைச் சேர்ந்த மாணவ, மாணவியர்கள் மிகுந்த உற்சாகத்துடனும் ஆர்வத்துடனும் கலந்துகொண்டு தங்களது திறமைகளை வெளிப்படுத்தினர். 

14 பள்ளிகளைச் சேர்ந்த மாணவ-மாணவிகள், ஆசிரியர்கள் மற்றும் பல்சமய தோழர்கள் என மொத்தம் 110 பேர் இந்நிகழ்ச்சியில் பங்கேற்றனர். 

சுதந்திரராஜ்  நிகழ்ச்சியைத் தொகுத்து வழங்கினார்.

பரிசுகள் மற்றும் சான்றிதழ்கள் வழங்குதல்: 

மாலை 3.45 மணிக்கு மதிப்பீடுகள் செய்யப்பட்டு, பொது அமர்வு மற்றும் பரிசு வழங்கும் விழா நடைபெற்றது. 

ஒவ்வொரு போட்டியிலும் வெற்றி பெற்ற முதல் மூன்று மாணவர்களுக்குப் பரிசுகளும் கேடயங்களும் வழங்கப்பட்டன. 

மேலும், போட்டிகளில் கலந்துகொண்ட அனைத்து மாணவ, மாணவியருக்கும் சான்றிதழ்களும் புத்தகங்களும் வழங்கப்பட்டன. இப்போட்டிக்கான பரிசுகளை நல்உள்ளம் கொண்ட தன்னார்வலர்கள் அன்பளிப்பாக வழங்கினர்.

நிகழ்ச்சியின் நிறைவில் ...

 மின்னல் அம்ஜத்  நன்றியுரை கூறினார். அதனைத் தொடர்ந்து அனைவருக்கும் தேநீர் மற்றும் சிற்றுண்டி வழங்கப்பட்டது.

நிகழ்ச்சிக்கான ஏற்பாடுகளை அருள்பணி. பென்சிகர் லூசன் அவர்களுடன் இணைந்து நற்செய்தி நடுவப் பணியாளர்களும், பல்சமய உரையாடல் பணிக்குழுத் தோழர்களும் மிகச் சிறப்பாகச் செய்திருந்தனர்.

வெற்றி பெற்ற மாணவ, மாணவியர் விவரம்:

1. பேச்சுப் போட்டி:

• முதல் பரிசு: அல்பியா (சுப்பையா வித்யாலயம் மேல்நிலைப்பள்ளி, தூத்துக்குடி)
• இரண்டாம் பரிசு: சரண்யா (புனித வளன் மெட்ரிக். பள்ளி, மங்களகிரி)
• மூன்றாம் பரிசு: நிதிஷ் (எஸ்.ஏ.வி. மேல்நிலைப்பள்ளி, தூத்துக்குடி)

2. கட்டுரைப் போட்டி:

• முதல் பரிசு: தர்ஷினி (டி.எம்.என்.எஸ். டாக்டர் சிவந்தி ஆதித்தனர் பள்ளி, தூத்துக்குடி)
• இரண்டாம் பரிசு: ஐஃபீனா (கிரஸண்ட் மெட்ரிக் மேல்நிலைப்பள்ளி, தூத்துக்குடி)
• மூன்றாம் பரிசு: யுவஸ்ரீ (சுப்பையா வித்யாலயம் மேல்நிலைப்பள்ளி, தூத்துக்குடி)

3. ஓவியப் போட்டி:

• முதல் பரிசு: நிரஞ்சனா (சுப்பையா வித்யாலயம் மேல்நிலைப்பள்ளி, தூத்துக்குடி)
• இரண்டாம் பரிசு: வர்ஷினி ஓவியா (கிரஸண்ட் மெட்ரிக். மேல்நிலைப்பள்ளி, தூத்துக்குடி)
• மூன்றாம் பரிசு: சாதனாஸ்ரீ (டி.எம்.என்.எஸ். டாக்டர் சிவந்தி ஆதித்தனர் பள்ளி, தூத்துக்குடி)

அறிக்கை தயாரிப்பு:

• திருமதி. மைக்லின் மேரி (ஒருங்கிணைப்பாளர், பல்சமய உரையாடல் மன்றம், தூத்துக்குடி மறைமாவட்டம்)
• அருள்பணி. பென்சிகர் லூசன் (மறைமாவட்ட செயலர், பல்சமய உரையாடல் பணிக்குழு & நற்செய்தி நடுவம், தூத்துக்குடி மறைமாவட்டம்)