தூத்துக்குடி லீக்ஸ் | நாளிதழ் செய்தி
2026-27 கல்வியாண்டு பள்ளி வேலைநாட்கள் விவரம் வெளியீடு
210 வேலைநாட்கள் – 155 விடுமுறை நாட்கள்; ஏப்ரல் 24-ல் பள்ளிகள் நிறைவு
சென்னை, ஜூலை 9:
2026–2027 கல்வியாண்டிற்கான அரசு மற்றும் அரசு உதவி பெறும் பள்ளிகளின் வேலைநாட்கள் மற்றும் விடுமுறை நாட்கள் விவரத்தை பள்ளிக் கல்வித்துறை வெளியிட்டுள்ளது.
அதன்படி, புதிய கல்வியாண்டு ஜூன் 1, 2026 அன்று தொடங்கி ஏப்ரல் 24, 2027 வரை நடைபெற உள்ளது. இந்த கல்வியாண்டில் மொத்தம் 210 வேலைநாட்களும், 155 விடுமுறை நாட்களும் இடம்பெற்றுள்ளன. மொத்த நாட்கள் 365 ஆகும்.
வெளியிடப்பட்ட கால அட்டவணையின்படி:
- முதல் பருவத் தேர்வு செப்டம்பர் 17 முதல் 25 வரை நடைபெறும். தொடர்ந்து செப்டம்பர் 26 முதல் அக்டோபர் 4 வரை (9 நாட்கள்) பருவ விடுமுறை அறிவிக்கப்பட்டுள்ளது.
- இரண்டாம் பருவத் தேர்வு டிசம்பர் 15 முதல் 23 வரை நடைபெறும். இதையடுத்து டிசம்பர் 24 முதல் ஜனவரி 3 வரை (11 நாட்கள்) விடுமுறை வழங்கப்பட்டுள்ளது.
- மூன்றாம் பருவத் தேர்வு ஏப்ரல் 12 முதல் 24 வரை நடைபெற உள்ளது.
- 2026–27 கல்வியாண்டின் இறுதி வேலைநாள் ஏப்ரல் 24, 2027 என அறிவிக்கப்பட்டுள்ளது. அதன்பின் கோடை விடுமுறை ஏப்ரல் 25 முதல் மே 31 வரை (37 நாட்கள்) அமையும்.
இந்த கால அட்டவணையின்படி மாணவர்கள், பெற்றோர் மற்றும் ஆசிரியர்கள் கல்வி நடவடிக்கைகள், தேர்வுகள் மற்றும் விடுமுறைகளை முன்கூட்டியே திட்டமிட வசதியாக இருக்கும் என பள்ளிக் கல்வித்துறை தெரிவித்துள்ளது.
கருத்துகள் இல்லை:
கருத்துரையிடுக