திருவைகுண்டம் தொகுதியில் திமுக கூட்டணி சார்பில் எர்ணாவூர் நாராயணன் போட்டியிடுவது உறுதி சமத்துவ மக்கள் கழக மாவட்ட அலுவலகத்தில் கிறிஸ்துமஸ் புத்தாண்டு விழா வில் அறிவிப்பு

தூத்துக்குடி லீக்ஸ் நாளிதழ் செய்தி

தூத்துக்குடி: டிச 22

திருவைகுண்டம் சட்டமன்ற தொகுதியில் நடைபெற உள்ள 2026 சட்டமன்ற தேர்தலில், திமுக கூட்டணி சார்பில் சமத்துவ மக்கள் கழக நிறுவனத் தலைவர் எர்ணாவூர் நாராயணன் போட்டியிட சமத்துவ மக்கள் கழகம் முடிவு செய்துள்ளதாக அறிவிக்கப்பட்டுள்ளது.

இது பற்றிய செய்தியாவது:-

இதனை முன்னிட்டு தூத்துக்குடி மாவட்ட சமத்துவ மக்கள் கழகம் சார்பில், மாவட்ட அலுவலகத்தில் கிறிஸ்துமஸ் மற்றும் புத்தாண்டு–2026 விழா சிறப்பாக நடைபெற்றது. இந்த விழாவிற்கு மாவட்ட செயலாளர் மாலை சூடி அற்புதராஜ் தலைமை வகித்தார்.

தமிழ்நாடு பனைமரத் தொழிலாளர் நல வாரியத் தலைவரும், சமத்துவ மக்கள் கழக நிறுவனத் தலைவருமான எர்ணாவூர் நாராயணன் சிறப்பு அழைப்பாளராக கலந்து கொண்டு, கிறிஸ்துமஸ் கேக் வெட்டி, ஏழை எளிய மக்களுக்கு நலத்திட்ட உதவிகளை வழங்கினார்.

“திருவைகுண்டம் தொகுதியில் நானே போட்டி” – எர்ணாவூர் நாராயணன் உறுதி

விழாவில் பேசிய எர்ணாவூர் நாராயணன்,

“தூத்துக்குடி மாவட்ட சமத்துவ மக்கள் கழகம் சார்பில் நடைபெறும் இந்த நிகழ்ச்சியில் கலந்து கொள்வதில் பெருமை அடைகிறேன். அனைவருக்கும் இனிய கிறிஸ்துமஸ் மற்றும் புத்தாண்டு வாழ்த்துகளை தெரிவித்துக் கொள்கிறேன்.

அடுத்த ஆண்டு 2026-ல் நடைபெற உள்ள சட்டமன்ற தேர்தலில், சமத்துவ மக்கள் கழகம் சார்பில் திமுக கூட்டணி கட்சிகளுடன் பேச்சுவார்த்தை நடத்தி இரண்டு தொகுதிகளை கேட்க உள்ளோம். இதில் தூத்துக்குடி மாவட்டம் ஸ்ரீவைகுண்டம் (திருவைகுண்டம்) சட்டமன்ற தொகுதியில் போட்டியிட நாம் இப்போதே தயாராக உழைக்க வேண்டும்.

மாவட்ட செயலாளர் அற்புதராஜ் தலைமையில், நிர்வாகிகள் அனைவரும் திருவைகுண்டம் தொகுதி முழுவதும் வீடு வீடாக சென்று வாக்காளர் பட்டியலை சரிபார்க்க வேண்டும். பாகம் வாரியாக கணக்கெடுத்து, வெளியூரில் இருக்கும் வாக்காளர்களையும் அடையாளம் காண வேண்டும். இந்த பணிகளை முடித்து வாக்காளர் பட்டியலை என்னிடம் வழங்கினால், சீட் வாங்குவது எனது பொறுப்பு. அந்த தொகுதியில் நானே போட்டியிட உள்ளேன்” என உறுதியாக தெரிவித்தார்.

நிர்வாகிகள் பெருமளவில் பங்கேற்பு!!!

இந்த நிகழ்ச்சியில் மாநில பொருளாளர் வழக்கறிஞர் கண்ணன், தலைமைச் செயலக முன்னாள் அதிகாரி ரவீந்திரன், மாநில தொழிற்சங்க செயலாளர் ஜெபராஜ் டேவிட், மாநில கலை இலக்கிய அணி செயலாளர் அந்தோணிபிச்சை, மாவட்ட அவைத்தலைவர் கண்டிவேல், மாவட்ட பொருளாளர் பழனிவேல், மாவட்ட வழக்கறிஞர் அணி செயலாளர் சகாயராஜ், மாவட்ட துணை செயலாளர்கள் அருள்ராஜ், அந்தோணி சேவியர், பொதுக்குழு உறுப்பினர் ஜோசப், மாவட்ட இளைஞரணி செயலாளர் ஜெயகசமாடன், மாவட்ட தொண்டர் அணி செயலாளர் முத்துசெல்வம், மாவட்ட வர்த்தக அணி செயலாளர் முத்துக்குமார், மாவட்ட தொழிலாளர் அணி செயலாளர் சங்கர், மாவட்ட விவசாய அணி செயலாளர் கனகராஜ், மாவட்ட மகளிர் அணி செயலாளர்கள் குருவம்மாள், சந்திரா, ஜேசுச்செல்வி, ஜெபராணி, ராதா லட்சுமி, பனிமதி, சாந்தி, பிரம்மசக்தி, பாத்திமா உள்ளிட்டோர் கலந்து கொண்டனர்.

மேலும் ஸ்ரீவைகுண்டம் ஒன்றிய செயலாளர் சதீஷ் மூர்த்தி, உடன்குடி ஒன்றிய செயலாளர் பாலாஜி, கருங்குளம் ஒன்றிய செயலாளர் அமல்ராஜ், கயத்தார் ஒன்றிய செயலாளர் சவரி மிக்கேல், திருச்செந்தூர் வடக்கு ஒன்றிய செயலாளர் தர்மராஜ், திருச்செந்தூர் தெற்கு ஒன்றிய செயலாளர் ராஜ், மாநகர அவைத்தலைவர் மதியழகன் உள்ளிட்ட நிர்வாகிகள் பலர் கலந்து கொண்டு விழாவை சிறப்பித்தனர்.

— தூத்துக்குடி லீக்ஸ்