முதல்வர் ஸ்டாலின் பொய் பிரச்சாரம் பீகார் மாநில தேர்தல் பிரச்சாரம் குறித்து திமுக திரித்து பிரதமர் மோடிக்கு எதிரான விமர்சனம் தவறு - பா.ஜ.க கண்டனம்

தூத்துக்குடி, நவம்பர் 1 - 

பீகார் மாநில தேர்தல் பிரச்சாரத்தில் பிரதமர் நரேந்திர மோடி ஆற்றிய உரையை திரித்து, முதல்வர் மு.க.ஸ்டாலின் அவதூறு பரப்புவதாக பாரதிய ஜனதா கட்சி செய்தித் தொடர்பாளர் ஏ.என்.எஸ்.பிரசாத் கடும் கண்டனம் தெரிவித்துள்ளார்.

இன்று வெளியிட்ட அறிக்கையில் அவர் கூறியதாவது:

"பிரதமர் மோடிக்கும் தமிழர்களுக்கும் இருக்கும் தொப்புள் கொடி உறவை யாராலும் பிரிக்க முடியாது. தமிழகத்தில் பீகார் மக்கள் தி.மு.க.வினரால் துன்புறுத்தப்படுகின்றனர் என்று பிரதமர் மோடி பேசிய உண்மையை திரித்து முதல்வர் ஸ்டாலின் பொய் பிரச்சாரம் செய்கிறார்.

கடந்த காலங்களில் தி.மு.க., காங்கிரஸ், விடுதலைச் சிறுத்தைகள் உள்ளிட்ட கட்சிகள், வட இந்திய தொழிலாளர்கள் மீது தாக்குதல் நடத்தி பிரிவினைவாதம் பேசியதை மக்கள் அறிவார்கள். இதை பிரதமர் சுட்டிக்காட்டியவுடன், தமிழர்களுக்கு எதிராக பிரதமர் பேசியதாக முதல்வர் அவதூறு கூறுகிறார்.

தமிழின் தொன்மையை, திருக்குறளின் மகத்துவத்தை, செங்கோலின் பெருமையை உலகெங்கும் கொண்டு சென்ற பிரதமர் மோடி தமிழர்களின் இல்லங்களிலும் உள்ளங்களிலும் வீற்றிருக்கிறார்.

தற்போது நகராட்சி நிர்வாகத் துறையில் ₹888 கோடி ஊழல் வெளியானவுடன், அதை மறைக்க தி.மு.க. இந்த நாடகத்தை அரங்கேற்றுகிறது. ஊழல், அரசியல் படுகொலைகள், விலைவாசி உயர்வு, போதை கலாச்சாரம் என சமூக விரோத செயல்கள் அதிகரித்து மக்கள் கோபப்படும் நேரத்தில், மக்களைத் திசை திருப்ப பிரிவினையைத் தூண்டுகிறது தி.மு.க.

மன்னிப்பு கேட்க வேண்டும்!!!

பிரதமர் மோடி மீது அவதூறு பேசியதற்கு முதல்வர் மன்னிப்பு கேட்க வேண்டும். தமிழக மக்களின் இல்லங்களிலும் உள்ளங்களிலும் பிரதமர் மோடி வீற்றிருப்பதை யாராலும் தடுக்கவும் பிரிக்கவும் முடியாது" என்றார்.

தொடர்புக்கு: ஏ.என்.எஸ்.பிரசாத், செய்தித் தொடர்பாளர், பாரதிய ஜனதா கட்சி