வியாழன், 8 மே, 2025

Home / Tamil Nadu updates / thoothukudinews / தூத்துக்குடியில் ரேஷன் அரிசி கடத்தல் மாபியா? துறைமுகம் வழியாக கடத்தல்... புதியமுத்தூர், ஏரலில் பதுக்கல் சந்தேகம்

தூத்துக்குடியில் ரேஷன் அரிசி கடத்தல் மாபியா? துறைமுகம் வழியாக கடத்தல்... புதியமுத்தூர், ஏரலில் பதுக்கல் சந்தேகம்

by thoothukudileaks on 1:44 AM in Tamil Nadu updates, thoothukudinews

Tamil Nadu updates 8-5-2025

photo news by Arunan journalist

தூத்துக்குடியில் ரேஷன் அரிசி கடத்தல் மாபியா?

துறைமுகம் வழியாக கடத்தல்... புதியமுத்தூர், ஏரலில் பதுக்கல் சந்தேகம்
பொதுமக்களுக்கு உரிய நலத்திட்ட அரிசி கேரளாவிற்கு கடத்தப்படுகிறதா? அதிகாரிகள் கண் மூடலா?

தூத்துக்குடி, மே 8:
ரேஷன் அரிசி என்பது ஏழைகளின் உணவுப் பாதுகாப்பிற்காக மத்திய மற்றும் மாநில அரசுகள் ஆண்டுதோறும் ஆயிரக்கணக்கான கோடி ரூபாய்கள் செலவிடும் ஒரு முக்கிய நலத்திட்டம். ஆனால் அந்த அரிசி, தூத்துக்குடியில் மாபியா வலையமைப்பின் மூலம் கேரளாவிற்கு கடத்தப்படுவதாக தொடர்ந்து தகவல்கள் வெளியாகி வருகின்றன.

தூத்துக்குடி மாநகரப் பகுதிகளில் இருந்து தினமும் லாரிகள் மூலம் ரேஷன் அரிசி நகர்த்தப்படுவதாகவும், சில நேரங்களில் தூத்துக்குடி துறைமுகம் வழியாக கடத்தப்படுவதாகவும் கூறப்படுகிறது. இத்தகவல்களை மெய்ப்பிக்கவோ மறுக்கவோ அதிகாரிகள் இதுவரை எந்தத் தெளிவும் அளிக்கவில்லை.

புதியமுத்தூர் மற்றும் ஏரல் பகுதியில் சமீபகாலமாக சில நவீன அரிசி ஆலைகள் தொடங்கப்பட்டுள்ளன. அவை, அரிசி பதுக்கலுக்கும் பின்னர் கடத்தலுக்கும் பயன்படுத்தப்படுகிறதா என்ற சந்தேகம் ஏற்பட்டுள்ளது.

இந்த நிறுவனங்களை சம்பந்தப்பட்ட துறை அதிகாரிகள் முறையாக ஆய்வு செய்யாததின் காரணம் என்ன?

தமிழ்நாடு உணவுப்பொருள் வழங்கல் குற்றப்புலனாய்வு பிரிவு காவல்துறை இந்த செயல்பாடுகளை குறித்து எந்தவித நடவடிக்கையும் எடுக்காமல் உறங்கிக்கொண்டு இருக்கிறதா என்ற கேள்வி எழுகிறது.

மக்களுக்கான அரிசி, மதிப்பற்ற லாபத்திற்காக கடத்தப்படுவதை அரசு ஏன் தடுக்கவில்லை?

இதுகுறித்து வலியுறுத்தும் வகையில், வழக்கறிஞர் மற்றும் சமூக ஆர்வலர் மு.பேச்சிமுத்து கூறுகிறார்:

“ஒன்றிய, மாநில அரசின் ரேஷன் அரிசி திட்டங்கள், அதன் இலக்கு மக்களான பொதுமக்களுக்கு நேரடியாக சென்றடைய வேண்டும். மாபியாக்களின் லாபத்துக்கு இந்த நலத்திட்டத்தை சுரண்டிவிடக்கூடாது. ஏழைகள் வயிற்றில் அடிக்காதீர்கள்.”

அவர் தலைமையிலான தமிழ்நாடு உணவுப் பொருள் பாதுகாப்பு பேரவை பொதுமக்கள் ஆதரவில், அதிகாரிகள் தலையிட நடவடிக்கை எடுக்கக் கோருகிறது.

தொடர்புக்கு:

வழக்கறிஞர் மு.பேச்சிழுத்து
தமிழ்நாடு உணவுப் பொருள் பாதுகாப்பு பேரவை
📞 80123 44000 | 99432 63509

#ThoothukudiLeaks #RationRiceScam #StopRiceMafia #PublicWelfare #TamilNadu #SocialJustice

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.