புதன், 21 மே, 2025

Home / Tamil Nadu updates / thoothukudinews / தூத்துக்குடியில் நீண்ட நாள் கோரிக்கையான தெப்பக்குளத்தில் படகு சவாரி புதிய விளையாட்டு மைதானம் - மேயர் ஜெகன் பெரியசாமி அறிவிப்பு

தூத்துக்குடியில் நீண்ட நாள் கோரிக்கையான தெப்பக்குளத்தில் படகு சவாரி புதிய விளையாட்டு மைதானம் - மேயர் ஜெகன் பெரியசாமி அறிவிப்பு

by thoothukudileaks on 2:03 AM in Tamil Nadu updates, thoothukudinews

#தூத்துக்குடி லீக்ஸ்

Tamil Nadu updates, photo news by sunmugasuthram press club president

தூத்துக்குடி, மே 21:

தூத்துக்குடி வஉசி கல்லூரி அருகில் அமைக்கப்பட்டுள்ள புதிய விளையாட்டு மைதானம் இன்னும் பத்து நாட்களில் பொதுமக்கள் இலவசமாகப் பயன்படுத்திக்கொள்ளலாம் என மாநகராட்சி மேயர் ஜெகன் பெரியசாமி தெரிவித்துள்ளார்.

பழைய நகராட்சி கிழக்கு மண்டல அலுவலகத்தில் இன்று 21-5-2025 நடைபெற்ற பொதுமக்கள் குறை தீர்க்கும் முகாமில் மேயர் ஜெகன் பெரியசாமி தலைமை வகித்தார். இந்நிகழ்வில் இணை ஆணையர் சரவணக்குமார், துணை மேயர் ஜெனிட்டா ஆகியோர் முன்னிலை வகித்தனர். மண்டலத்தலைவர் கலைச்செல்வி வரவேற்புரை ஆற்றினார்.

முகாமை தொடங்கி வைத்து பேசிய மேயர், "தமிழக முதலமைச்சர் மு.க.ஸ்டாலின் உத்தரவின்படி இந்த குறை தீர்க்கும் முகாம் தொடர்ந்து 11 மாதங்களாக நான்கு மண்டலங்களிலும் வெற்றிகரமாக நடைபெற்று வருகிறது. இதுவரை கிழக்கு மண்டலத்தில் 611 மனுக்கள் பெறப்பட்டு 592 மனுக்களுக்கு தீர்வு காணப்பட்டுள்ளது. வெறும் 19 மனுக்கள் மட்டுமே நிலுவையில் உள்ளன," என்றார்.

மேலும் தொடர்ந்து பேசிய அவர், "பெரிய மாநகராட்சிகளில் தூத்துக்குடி மாநகராட்சி மட்டுமே வஉசி கல்லூரி அருகில் புதிய விளையாட்டு அரங்கம் அமைத்துள்ளது. இதை பொதுமக்கள் இலவசமாகப் பயன்படுத்த இன்னும் பத்து நாட்களில் திறந்து விடப்படும்," என அறிவித்தார்.

நகர மேம்பாட்டுப் பணிகள் குறித்து பேசிய மேயர், "பீச் ரோடு முத்து நகர் கடற்கரையில் தினசரி 2000 பேர் வருகை தருகின்றனர். அங்கு ஓய்வு அறை அமைக்கும் பணி நடைபெற்று வருகிறது. ரோச் பூங்காவில் புதிய விளையாட்டு உபகரணங்கள் கொண்டு வரப்பட்டு மேம்படுத்தப்படும். பீச் ரோட்டில் மற்றொரு புறமும் நடைபாதை அமைக்கப்படும்," எனக் குறிப்பிட்டார்.

படகுகள் சவாரி வசதி !!!

தூத்துக்குடி மக்களின் நீண்ட நாள் கோரிக்கையான தெப்பக்குளம் அமைக்க அரசு அனுமதி வழங்கியுள்ளதாகவும், அங்கு நீரை அகற்றி, மின் விளக்குகள் அமைத்து, 24 மணி நேரமும் மக்கள் கண்டுகளிக்கும் வகையில் போட் சிறு படகு சவாரி வசதியுடன் தெப்பக்குளம் அமைக்கப்படும் என்றும் மேயர் தெரிவித்தார்.

நிகழ்ச்சியில் உதவி ஆணையர் வெங்கட்ராமன், உதவி பொறியாளர் சரவணன், நகர அமைப்பு திட்ட உதவி செயற்பொறியாளர் ராமசந்திரன், நகர்நல அலுவலர் சரோஜா, சுகாதார ஆய்வாளர் நெடுமாறன், சுகாதார குழு தலைவர் சுரேஷ்குமார், பல்வேறு வார்டு கவுன்சிலர்கள் மற்றும் பொதுமக்கள் கலந்து கொண்டனர்.

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.