அதிமுக பொதுச் செயலாளர் எடப்பாடியாரின் பிறந்தநாளை முன்னிட்டு தூத்துக்குடியில் இலவச மருத்துவ முகாம்

 # அதிமுக பொதுச் செயலாளர் எடப்பாடியாரின் பிறந்தநாளை முன்னிட்டு தூத்துக்குடியில் இலவச மருத்துவ முகாம்

தூத்துக்குடி, மே 15:

அதிமுக பொதுச் செயலாளரும், சட்டமன்ற எதிர்க்கட்சித் தலைவரும், முன்னாள் முதலமைச்சருமான எடப்பாடி கே. பழனிசாமியின் 71வது பிறந்தநாளை முன்னிட்டு தூத்துக்குடியில் இன்று (15.05.2025) சிறப்பு மருத்துவ முகாம் மற்றும் நலத்திட்ட உதவிகள் நடைபெற்றது.

நலத்திட்ட உதவிகள் 

மருத்துவ முகாம் 

தூத்துக்குடி தெற்கு மாவட்ட அஇஅதிமுக சார்பில், மாவட்ட இளைஞர் மற்றும் இளம்பெண்கள் பாசறை ஏற்பாட்டில் இந்த முகாம் நடைபெற்றது. பிரையன்ட் நகர் 2வது தெரு ஓம் மஹாலில் காலை 10.30 மணிக்கு தொடங்கிய இந்த நிகழ்ச்சியில் பொது சிகிச்சை, கண் பரிசோதனை மற்றும் பல் சிகிச்சை ஆகியவை இலவசமாக வழங்கப்பட்டன.

நிகழ்ச்சிக்கு தூத்துக்குடி தெற்கு மாவட்ட கழக செயலாளரும், முன்னாள் அமைச்சருமான எஸ்.பி. சண்முகநாதன் தலைமை வகித்தார். 

இளைஞர் இளம்பெண்கள் பாசறை மாவட்ட செயலாளர் தன்ராஜ் இந்த நிகழ்ச்சியை ஒருங்கிணைத்திருந்தார்.

பொதுமக்கள் பெரும் எண்ணிக்கையில் கலந்து கொண்டு மருத்துவ சேவைகளை பெற்றுக் கொண்டனர்.