திங்கள், 5 மே, 2025

Home / அதிமுக / Tamil Nadu updates / தமிழ்நாடு அனைத்து வணிக சங்கங்களின் பேரமைப்பு சார்பில் 42வது வணிகர் தின மாநாடுஅதிமுக பொதுச் செயலாளரும் சட்டமன்ற எதிர்க்கட்சித் தலைவருமான எடப்பாடி பழனிசாமி சிறப்பு விருந்தினராக கலந்து கொண்டு எழுச்சியுரையாற்றினார்.

தமிழ்நாடு அனைத்து வணிக சங்கங்களின் பேரமைப்பு சார்பில் 42வது வணிகர் தின மாநாடுஅதிமுக பொதுச் செயலாளரும் சட்டமன்ற எதிர்க்கட்சித் தலைவருமான எடப்பாடி பழனிசாமி சிறப்பு விருந்தினராக கலந்து கொண்டு எழுச்சியுரையாற்றினார்.

by thoothukudileaks on 7:02 AM in அதிமுக, Tamil Nadu updates

#தமிழ்நாடு அனைத்து வணிக சங்கங்களின் பேரமைப்பு சார்பில் 42வது வணிகர் தின மாநாடு

தூத்துக்குடி, மே 5:

வணிகர் தினமான நேற்று (05.05.2025) சென்னை மறைமலைநகரில் தமிழ்நாடு அனைத்து வணிக சங்கங்களின் பேரமைப்பு சார்பில் மாபெரும் வணிகர் சங்க மாநாடு நடைபெற்றது

பேரமைப்பின் நிறுவனத் தலைவர் கொளத்தூர் ரவி தலைமையில் நடைபெற்ற இம்மாநாட்டில் அதிமுக பொதுச் செயலாளரும் சட்டமன்ற எதிர்க்கட்சித் தலைவருமான எடப்பாடி பழனிசாமி சிறப்பு விருந்தினராக கலந்து கொண்டு எழுச்சியுரையாற்றினார்.

மாநாட்டில் தூத்துக்குடி தெற்கு மாவட்ட அதிமுக செயலாளரும் முன்னாள் அமைச்சருமான எஸ்.பி. சண்முகநாதன், முன்னாள் அமைச்சர்கள் பெஞ்சமின், டி.கே.எம். சின்னையா, முன்னாள் எம்பி சிட்லபாக்கம் ராஜேந்திரன் ஆகியோர் முன்னிலை வகித்தனர்.

தமிழகம் முழுவதிலிருந்தும் ஏராளமான வணிகர்கள், வியாபாரிகள், தொழில் முனைவோர்கள் மற்றும் சென்னை சுற்றுவட்டாரத்தைச் சேர்ந்த அதிமுக மாவட்ட கழக செயலாளர்கள், தலைமைக் கழக நிர்வாகிகள் திரளாக கலந்து கொண்டு நிகழ்ச்சியை சிறப்பித்தனர்.

மாநாட்டில் எடப்பாடி பழனிசாமி தனது உரையில், ....

வணிகர்கள் எதிர்கொள்ளும் சவால்கள் குறித்தும், இன்றைய அரசின் கொள்கைகளால் வணிகர் சமூகம் எதிர்நோக்கும் பிரச்சனைகள் குறித்தும் விரிவாக எடுத்துரைத்தார். குறிப்பாக ஜிஎஸ்டி விகிதங்கள், ஆன்லைன் வர்த்தகத்தின் தாக்கம், வணிகர்களுக்கான பாதுகாப்பு போன்ற பல்வேறு அம்சங்களை தனது உரையில் சுட்டிக்காட்டினார்.

வணிகர்களின் வாழ்வாதாரத்தை மேம்படுத்துவதற்கான பல்வேறு திட்டங்களை அதிமுக ஆட்சிக் காலத்தில் செயல்படுத்தியதையும், எதிர்காலத்தில் அவர்களின் நலனுக்காக செயல்படுத்தப்படவிருக்கும் திட்டங்கள் குறித்தும் அவர் விளக்கமாக எடுத்துரைத்தார்.

நிகழ்ச்சியில் வணிகர்கள் நலன் தொடர்பான பல்வேறு தீர்மானங்கள் நிறைவேற்றப்பட்டன. குறிப்பாக வணிகர்களுக்கான பாதுகாப்பு நலச்சட்டம், GST விகிதக் குறைப்பு, வணிகர்களின் குழந்தைகளுக்கான கல்வி உதவி, மாற்றுத்திறனாளி வணிகர்களுக்கான சலுகைகள் உள்ளிட்ட கோரிக்கைகள் தொடர்பான தீர்மானங்கள் நிறைவேற்றப்பட்டன.

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.