செவ்வாய், 27 மே, 2025

Home / Tamil Nadu updates / thoothukudinews / திருமண்டல நிர்வாகி நீதிபதி ஜோதிமணி கடுமையான உத்தரவு பணியிடை நீக்கம் செய்யப்பட்ட 4 போதகர்கள் சபைப் பணி செய்ய தடை மெத்தனம் காட்டுகிறதா காவல்துறைவெறுத்து போனார்களா? புகார்தாரர் கள்!!!

திருமண்டல நிர்வாகி நீதிபதி ஜோதிமணி கடுமையான உத்தரவு பணியிடை நீக்கம் செய்யப்பட்ட 4 போதகர்கள் சபைப் பணி செய்ய தடை மெத்தனம் காட்டுகிறதா காவல்துறைவெறுத்து போனார்களா? புகார்தாரர் கள்!!!

by thoothukudileaks on 4:21 AM in Tamil Nadu updates, thoothukudinews

தூத்துக்குடி, மே 21:

தென்னிந்திய திருச்சபை தூத்துக்குடி நாசரேத் திருமண்டலத்தில் பணியிடை நீக்கம் செய்யப்பட்ட 4 போதகர்கள், திருமண்டலத்தில் உள்ள எந்த சபைகளிலும் சபைப் பணியோ வேறு எந்த இணை பணியோ செய்யக் கூடாது என திருமண்டல நிர்வாகி ஓய்வு பெற்ற நீதிபதி ஜோதிமணி தெரிவித்துள்ளார்.

### நீதிபதி நியமனம்

தென்னிந்திய திருச்சபை தூத்துக்குடி நாசரேத் திருமண்டல நிர்வாகியாக இருந்தவர்களின் பதவி காலம் முடிவடைந்ததால், இத்திருமண்டலத்தை நிர்வாகம் செய்யவும், தேர்தலை நடத்தவும் ஓய்வு பெற்ற உயர்நீதிமன்ற நீதிபதி ஜோதிமணியை உயர்நீதமன்றம் நியமித்துள்ளது. மேலும், ஆன்மிக பணிகளை கவனிக்க பொறுப்பு பேராயராக கன்னியாகுமரி சிஎஸ்ஐ பேராயர் செல்லையா நியமிக்கப்பட்டுள்ளார்.

### கார் வழிமறிப்பு சம்பவம்

கடந்த 8ஆம் தேதி தூத்துக்குடி கால்டுவெல் மேல்நிலைப் பள்ளி வளாகத்தில் உள்ள திருமண்டல அலுவலக வளாகத்தில் ஓய்வு பெற்ற நீதிபதி ஜோதிமணியின் காரை வழிமறித்து போதகர்கள் சிலர் தகராறு செய்து அவரை தாக்க முயற்சி செய்தனர்.

இந்த சம்பவத்தில் ஈடுபட்ட குடேவிட் ராஜ், லிவிங்ஸ்டன், ஹாரிஸ், ராபின் ஜெயபிரகாசம் ஆகிய 4 போதகர்கள் மீது காவல்துறையில் புகார் அளிக்கப்பட்டு, அவர்கள் பணியிடை நீக்கம் செய்யப்பட்டுள்ளனர்.

### தொடர் மீறல் குற்றச்சாட்டு

பணியிடை நீக்கம் செய்யப்பட்டாலும் இந்த போதகர்கள் சபைகளில் சபைப் பணி செய்துவருவதாக குற்றச்சாட்டு எழுந்தது. இதனைத் தொடர்ந்தே நீதிபதி ஜோதிமணி கடுமையான உத்தரவு பிறப்பித்துள்ளார்.

### நீதிபதியின் அறிவிப்பு

ஓய்வு பெற்ற நீதிபதி ஜோதிமணி வெளியிட்டுள்ள செய்திக் குறிப்பில், "காரை வழிமறித்து வாக்குவாதத்தில் ஈடுபட்ட மத போதகர்கள் டேவிட்ராஜ், லிவிங்ஸ்டன், ஹாரிஸ், ராபின் ஜெயபிரகாசம் ஆகியோர் நடத்தை விதிமீறலில் ஈடுபட்டது தொடர்பான விசாரணை நிலுவையில் உள்ளது. இதனால், அவர்கள் 4 பேரும் பணியிடை நீக்கம் செய்யப்பட்டுள்ளனர்" என்று தெரிவித்துள்ளார்.

### விசாரணைக் குழு அமைப்பு

இவர்கள் மீது சுமர்த்தப்பட்டுள்ள குற்றச்சாட்டுகள் குறித்து விசாரிக்க தனிக் குழு அமைக்கப்பட்டுள்ளது என்று நீதிபதி ஜோதிமணி தெரிவித்துள்ளார்.

"பணியிடை நீக்கம் செய்யப்பட்ட அந்த 4 போதகர்களும் மறு உத்தரவு வரும் வரை எந்த சபைகளிலும் சபைப் பணியோ அல்லது வேறு எந்த இணை பணியோ செய்யக் கூடாது" என்று அவர் கடுமையாக எச்சரித்துள்ளார்.

இந்த நடவடிக்கை தூத்துக்குடி நாசரேத் திருமண்டலத்தில் ஒழுங்கை நிலைநாட்டும் நோக்கில் எடுக்கப்பட்டுள்ளது என்று திருமண்டல வட்டாரங்கள் தெரிவிக்கின்றன.

"தூத்துக்குடி காவல் துறை யில் ஒவ்வொரு புகார்களாக குறிப்பாக தூத்துக்குடி வடபாகம் காவல்நிலையத்தில் கடந்த இரண்டு நாட்கள் முன்பு கூட திருமண்டல நிதி பொருளாதார ஆலோசகர் அன்பரசன் தனக்கு மிரட்டல் வருவதாக குற்றச்சாட்டு புகார் அளித்தார் "

வெறுத்து போனார்களா? புகார்தாரர் கள்!!!

இப்படி தொடர்ந்து புகார் வந்து கொண்டிருப்பதும் மாவட்ட காவல் துறை தரப்பில் துரித நடவடிக்கை எடுக்கிறார்களா ?

என்றால்

திருமண்டல புகார்கள் குறித்து தந்தவர்கள் காவல்துறை நடவடிக்கை பற்றி வெறுத்து போயுள்ளதும் தெரிய வருகிறது .

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.