Tamil Nadu updates, photo news by Arunan journalist தூத்துக்குடி லீக்ஸ்
தூத்துக்குடியில்..அமைச்சர் பொன்முடியின் சர்ச்சைக்குரிய கருத்துக்கு எதிராக அதிமுக ஆர்ப்பாட்டம்
தூத்துக்குடி, ஏப்ரல் 22:
தமிழக வனத்துறை அமைச்சர் பொன்முடி பெண்கள் மற்றும் சமயம் தொடர்பாக உரையாற்றிய சர்ச்சைக்குரிய கருத்துக்கு எதிராக அதிமுக சார்பில் இன்று22-4-2025 தூத்துக்குடியில் கண்டன ஆர்ப்பாட்டம் நடைபெற்றது.
தூத்துக்குடி அண்ணா நகர் 7 தெருவில் மாலை 5.00 மணியளவில் தூத்துக்குடி தெற்கு மாவட்ட கழக செயலாளரும் முன்னாள் அமைச்சருமான எஸ்.பி. சண்முகநாதன் தலைமையில் இந்த ஆர்ப்பாட்டம் நடைபெற்றது.
அண்ணா திராவிட முன்னேற்றக் கழக பொதுச் செயலாளரும், சட்டமன்ற எதிர்க்கட்சித் தலைவருமான எடப்பாடி கே. பழனிசாமியின் ஆணையின் பேரில் இந்த ஆர்ப்பாட்டம் நடைபெற்றது.
நூற்றுக்கணக்கான அதிமுக தொண்டர்களும் மகளிர் அணியினரும் இந்த ஆர்ப்பாட்டத்தில் பங்கேற்று, அமைச்சர் பொன்முடியின் கருத்துக்களை வன்மையாகக் கண்டித்து முழக்கங்களை எழுப்பினர்.
அமைச்சர் பதவியில் இருந்து முதல்வர் ஸ்டாலின் நீக்கம் செய்ய வேண்டும்
அமைச்சரை அமைச்சரவையிலிருந்து உடனடியாக நீக்க வேண்டும் என்ற கோரிக்கையையும் அவர்கள் முன்வைத்தனர்.
சர்ச்சைக்குரிய கருத்துக்கு எதிராக நடவடிக்கை எடுக்காமல் இருப்பதற்காக முதலமைச்சர் மு.க. ஸ்டாலின் தலைமையிலான திமுக அரசையும் ஆர்ப்பாட்டக்காரர்கள் கண்டித்தனர்.
இந்த விவகாரத்தில் திமுக அரசின் செயல்பாடு பெண்களின் கண்ணியத்தை மதிக்கத் தவறியதாக அவர்கள் குற்றம் சாட்டினர்.
"பெண்களை இழிவுபடுத்தும் கருத்துக்களுக்கு எதிராக குரல் எழுப்புவது நமது கடமை. இந்த விவகாரத்தில் திமுக அரசு எந்த நடவடிக்கையும் எடுக்காமல் இருப்பது ஜனநாயகத்தை நிராகரிப்பதாகும்," என்று ஆர்ப்பாட்டத்தில் தெரிவிக்கப்பட்டது.
தமிழகம் முழுவதும் இந்த விவகாரம் கடும் விமர்சனங்களை எழுப்பியுள்ள நிலையில், அமைச்சர் பொன்முடி மீது நடவடிக்கை எடுக்கும் அழுத்தம் அதிகரித்து வருகிறது.
கருத்துகள் இல்லை:
கருத்துரையிடுக