தூத்துக்குடி: தாமிரபரணி ஆற்றுப்பால புனரமைப்பு கோரி மக்கள் கழகம் மனு

by thoothukudileaks on 12:45 AM in சமத்துவ மக்கள் கழகம், Tamil Nadu updates, thoothukudinews

# தூத்துக்குடி: தாமிரபரணி ஆற்றுப்பால புனரமைப்பு கோரி மக்கள் கழகம் மனு

தூத்துக்குடி, ஏப்ரல் 21: கடந்த 2023 டிசம்பர் மாதம் ஏற்பட்ட கனமழையின் காரணமாக தாமிரபரணி ஆற்றில் உண்டான பெரும் வெள்ளப்பெருக்கால் ஆத்தூரில் புதிதாக கட்டப்பட்ட ஆற்றுப்பாலத்தின் தூண் ஆற்றிற்குள் புதைந்து, பாலம் சேதமடைந்து போக்குவரத்து தடைப்பட்டு 18 மாதங்களாக மூடப்பட்டுள்ளது.

தற்போது, முன்பு கட்டப்பட்ட பழைய பாலத்தில் போக்குவரத்து திருப்பி விடப்பட்டுள்ளது.

இந்த பழைய பாலம் தடுப்பு சுவர் இன்றி பாதுகாப்பற்ற நிலையில் உள்ளதுடன், மிகவும் போக்குவரத்து நெரிசலையும் ஏற்படுத்துகிறது.

இந்நிலையில், மத்திய மாநில அரசுகள், நெடுஞ்சாலை துறை, பொதுப்பணித்துறை ஆகியவற்றைச் சேர்ந்த அதிகாரிகள் போர்க்கால அடிப்படையில் உடனடியாக பழுதடைந்த பாலத்தை சீரமைத்து பொதுமக்கள் பயன்பாட்டிற்கு வழங்க வேண்டும் என்று வலியுறுத்தி, தூத்துக்குடி மாவட்ட சமத்துவ மக்கள் கழகம் சார்பில் மாவட்ட ஆட்சித் தலைவரிடம் மனு அளிக்கப்பட்டுள்ளது.

மாவட்ட செயலாளர் மாலைசூடி அற்புதராஜ் தலைமையில் நடைபெற்ற இந்த மனு அளிப்பு நிகழ்வில், மாவட்ட அவைத்தலைவர் கண்டிவேல், மாவட்டத் துணைச் செயலாளர்கள் அருள்ராஜ், சூசைமுத்து, மாவட்ட தொண்டர் அணி செயலாளர் முத்து செல்வம், மாவட்ட வர்த்தக அணி செயலாளர் சிவசு முத்துக்குமார், மாவட்ட தொழிலாளர் அணி செயலாளர் சங்கர், மாவட்ட விவசாய அணி துணைச் செயலாளர் சின்னத்துரை, முருகன் உள்ளிட்ட பலர் கலந்து கொண்டனர்.

இந்த 18 மாத கால போக்குவரத்து இடையூறு தொடர்பாக பெரும் அவசர நடவடிக்கை தேவை என்று சமத்துவ மக்கள் கழகத்தினர் தங்கள் மனுவில் வலியுறுத்தியுள்ளனர்.

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.