தூத்துக்குடி லீக்ஸ் 18.05.2022
எப்போதும்வென்றான் சுடுகாட்டு பகுதியில் வழிமறித்து தகராறு செய்து அரிவாளை காட்டி கொலை மிரட்டல் விடுத்த ரவுடி கைது செய்யப்பட்டார்.
 |
| மாரிசெல்வம் |
இதுபற்றிய செய்தியாவது:-
தூத்துக்குடி மாவட்ட காவல் கண்காணிப்பாளர் டாக்டர் பாலாஜி சரவணன் உத்தரவுபடி விளாத்திகுளம் காவல் துணை கண்காணிப்பாளர் பிரகாஷ் மேற்பார்வையில் எப்போதும்வென்றான் காவல் நிலைய ஆய்வாளர் ஜின்னா பீர் முகம்மது தலைமையில் உதவி ஆய்வாளர் செந்தில் வேல்முருகன் மற்றும் போலீசார் நேற்று (17.05.2022) ரோந்து பணியில் ஈடுபட்டார் கள்.
அப்போது ஒருவர் எப்போதும்வென்றான் செந்தூர் நகர் அருகே உள்ள சுடுகாட்டு பகுதியில் சந்தேகத்திற்க்கிடமான முறையில் நின்று கொண்டிருந்தார்.
அவரை பிடித்து விசாரணை செய்ததில் அவர் ஓட்டப்பிடாரம் காட்டுநாயக்கன்பட்டி பகுதியை சேர்ந்த கருப்பசாமி மகன் மாரிச்செல்வம் (26) என்பதும், அவர் அங்கு வந்து கொண்டிருந்த ஒருவரை வழிமறித்து தகராறு செய்து அரிவாளை காட்டி கொலை மிரட்டல் விடுத்ததும் தெரிய வந்தது.
உடனே மேற்படி போலீசார் எதிரி மாரிச்செல்வத்தை கைது செய்தனர்.
இதுகுறித்து எப்போதும்வென்றான் காவல் நிலைய போலீசார் வழக்கு பதிவு செய்து விசாரணை மேற்கொண்டு வருகின்றனர்.
மேலும் எதிரி மாரிச்செல்வம் மீது ஏற்கனவே எப்போதும்வென்றான், விளாத்திகுளம், தூத்துக்குடி மத்தியபாகம் மற்றும் கடம்பூர் ஆகிய காவல் நிலையங்களில் 18 வழக்குகள் உள்ளது குறிப்பிடத்தக்கது.
கருத்துகள் இல்லை:
கருத்துரையிடுக