செல்போன் திருடிய நான்கு இளைஞர்கள் கைது - ரூபாய் 15,500/- மதிப்புள்ள செல்போன் மற்றும் இருசக்கர வாகனம் பறிமுதல் காவல் துறை அதிரடி நடவடிக்கை.
இதுபற்றிய செய்தியாவது:-
ஜெஸ்பர் தாம்சன் (26) த/பெ. ராஜ்குமார், இடையற்காடு, தூத்துக்குடி என்பவர் நேற்று (26.01 2022) தூத்துக்குடி எட்டையாபுரம் சாலையில் உள்ள ஒரு கடையின் முன்பு தனது இருசக்கர வாகனத்தை நிறுத்திவிட்டு இயற்கை உபாதை கழிக்க சென்றுள்ளார். அப்போது அங்கு வந்த மர்ம நபர்கள் இருசக்கர வாகனத்தில் வைத்திருந்த செல்போனை திருடிச் சென்றுள்ளனர்.
இதுகுறித்து ஜெஸ்பர் தாம்சன் அளித்த புகாரின் பேரில் சிப்காட் காவல் நிலைய போலீசார் விசாரணை மேற்கொண்டதில் 1) ஜெயக்குமார் (21), த/பெ. ராஜன்பாபு, சவேரியார்புரம், தூத்துக்குடி, 2) ஜெயசூர்யா (21), த/பெ. சசிகுமார், சங்கரபேரி, தூத்துக்குடி, மற்றும் T. சவேரியார்புரம் பகுதியை சேர்ந்தவர்களான 3) தினேஷ் (19), த/பெ. ஜேம்ஸ், 4) எட்வின்ராஜ் (20), த/பெ. கனகராஜ் ஆகிய 4 பேரும் சேர்ந்து மேற்படி ஜெஸ்பர் தாம்சன் என்பவரது செல்போனை திருடிச் சென்றது தெரியவந்தது
இதுகுறித்து சிப்காட் காவல் நிலைய உதவி ஆய்வாளர் ராமகிருஷ்ணன் வழக்குபதிவு செய்து மேற்படி எதிரிகள் 4 பேரையும் கைது செய்து அவர்களிடமிருந்து ரூபாய் 15,500/- மதிப்புள்ள செல்போன் மற்றும் இருசக்கர வாகனத்தையும் பறிமுதல் செய்தார்.
கருத்துகள் இல்லை:
கருத்துரையிடுக