தூத்துக்குடி அருகே கந்து வட்டி கொடுமை யால் விஷம் அருந்தி தற்கொலை!!! கந்துவட்டி கொலை மிரட்டல் விடுத்தவர் தஞ்சாவூர் தப்பி ஓட்டம்!!! தனிப்படை போலீசார்அதிரடி குண்டாஸில் ஒருவர் கைது !!! அவருடன் இருவர் கைது!!!

தூத்துக்குடி அருகே கந்து வட்டி கொடுமை யால் விஷம் அருந்தி தற்கொலை சம்பவம் அப்பகுதியில் பெரும் துயரத்தையும் பரபரப்பையும் ஏற்படுத்தியது. இதனால் தூத்துக்குடி காவல்துறைக்கு பயந்து கந்துவட்டி கொடுத்து வந்தவர்கள் அப்பகுதியில் தலை வாகிவிட்டார்கள். இந்நிலையில் தஞ்சாவூரில் தலைமறைவாக தப்பிய கந்துவட்டி மிரட்டல் நபரை தூத்துக்குடி தனிப்படை போலீசார் நேற்று 21 - 10 - 2021 கைது செய்துள்ளார்கள்.

இதுபற்றிய விவரமாவது:-

தூத்துக்குடி மாவட்டம் தட்டப்பாறை காவல் நிலைய  எல்லைக்குட்பட்ட திம்மராஜபுரம் பகுதியை சேர்ந்த பிரம்மராஜன் (55) என்பவர் கடந்த 7 வருடங்களுக்கு முன்பு ஸ்ரீவைகுண்டம் பகுதியை சேர்ந்த பிச்சாண்டி மகன் சிவசிதம்பரம் என்பவரிடம் வங்கி வட்டிக்கு கடன் ரூபாய் 3,50,000/- கடன் பெற்றுள்ளார். 

பின் சிவசிதம்பரம் அதை கந்துவட்டியாக மாற்றியுள்ளார். அதனால் அந்தக் கந்து வட்டி கடனை அடைப்பதற்கு கடன் பெற்ற பிரம்மராஜன் பேரூர் பகுதியை சேர்ந்த கணபதி மகன் அருணாசலம் (45) என்பவரிடமும் பத்மநாபமங்கலத்தை சேர்ந்த லட்சுமணன் மகன் பார்த்திபன் (31) என்பவரிடமும் அதிக வட்டிக்கு பணத்தை கடனாக வாங்கி மேற்படி சிவசிதம்பரத்திடம் கொடுத்து வந்துள்ளார். 

மேற்படி பிரம்மராஜன் வாங்கிய கடன் ரூபாய் 3,50,000/-க்கு சிவசிதம்பரத்திடம் இதுவரை ரூபாய் 10,00,000/- (பத்து லட்சம்) திருப்பி செலுத்தியுள்ளார். இருப்பினும் அசல் தொகையில் ரூபாய். 1,00,000/- (ஒரு லட்சம்) மட்டுமே கழிந்துள்ளதாக கூறி, மீதி பணம் ரூபாய 9,00,000/- த்தை (ஒன்பது லட்சம்) உடனே திருப்பித் தரவேண்டும் என்று கூறி கொலை மிரட்டல் விடுத்துள்ளார்.

இந்நிலையில் பார்த்திபன் மற்றும் அருணாசலம் ஆகிய இருவரும், தாங்கள் கொடுத்த கடனை திருப்பி தருமாறு கேட்டு பிரம்மராஜனுக்கு அவர்களும் நெருக்கடி கொடுத்து கொலை மிரட்டல் விடுத்துள்ளனர். 

இதனையடுத்து 13.09.2021 அன்று இரவு சிவசிதம்பரத்தால் அனுப்பி வைக்கப்பட்ட இருவர் பிரம்மாஜனின் வீட்டிற்கு வந்து அவரிடம் கடனை திருப்பி தராவிட்டால் கொலை செய்து விடுவோம் என்று கொலை மிரட்டல் விடுத்து சென்றதையடுத்து, மனமுடைந்த பிரம்மராஜன் வர்த்தகரெட்டிபட்டி பகுதியில் விஷம் அருந்தி தற்கொலை செய்து கொண்டார். இதுகுறித்து பிரம்மராஜனின் மனைவி ரேவதி (47) என்பவர் அளித்த புகாரின் பேரில்  தட்டாப்பாறை காவல் நிலைய போலீசார் வழக்குப்பதிவு செய்தனர்.

இச்சம்பவம் தொடர்பாக மாவட்ட காவல் கண்காணிப்பாளர் . ஜெயக்குமார் தூத்துக்குடி ஊரக உட்கோட்ட உதவி காவல் கண்காணிப்பாளர்  சந்தீஸ் இ.கா.ப அவர்கள் தலைமையில் உதவி ஆய்வாளர் பிரடரிக்ராஜன், நாலாட்டின்புதூர் காவல் நிலைய தலைமை காவலர்  மணிகண்டன், தட்டார்மடம் காவல் நிலைய தலைமை காவலர்  மணிகண்டன், செய்துங்கநல்லூர் காவல் நிலைய முதல் நிலை காவலர் காசி, புதூர் காவல் நிலைய காவலர்  பிரபு பாண்டியன் மற்றும் ஆயுதப்படை காவலர் கணேசன் ஆகியோர் அடங்கிய தனிப்படை போலீசாரை விசாரணை மேற்கொண்டு, இதில் சம்மந்தப்பட்டவர்களை விரைந்து கைது செய்து நடவடிக்கை எடுக்குமாறு உத்தரவிட்டார்.

 மேற்படி தனிப்படை போலீசார் தீவிர விசாரணை மேற்கொண்டு ஸ்ரீவைகுண்டம் கீழ கோட்டைவாசல் தெருவைச் சேர்ந்த கணபதி மகன் அருணாச்சலம் (45) என்பவரையும், ஸ்ரீவைகுண்டம் பத்மநாபமங்கலம் பகுதியைச் சேர்ந்த லட்சுமணன் மகன் பார்த்திபன் (31) என்பவரையும் போலீசார் கைது செய்துள்ளனர். இதில் அருணாச்சலம் என்பவர் குண்டர் சட்டத்தில் சிறையிலடைக்கப்பட்டுள்ளார்.

இந்நிலையில் இவ்வழக்கின் மற்றொரு எதிரியான ஸ்ரீவைகுண்டம் பகுதியை சேர்ந்த பிச்சாண்டி மகன் சிவசிதம்பரம் (45) என்பவரை மேற்படி தனிப்படை போலீசார் தஞ்சாவூரில் வைத்து நேற்று (21.10.2021) கைது செய்தனர்.

கந்து வட்டி வசூலிப்பவர்கள் யாராக இருந்தாலும் அவர்கள் மீது சட்டப்படியாக கடுமையான நடவடிக்கை எடுக்கப்பட்டு குண்டர் சட்டத்தில் சிறையிலடைக்கபடுவார்கள் என மாவட்ட காவல் கண்காணிப்பாளர் ஜெயக்குமார் எச்சரித்துள்ளார்.