மகாத்மா காந்தி பிறந்த தின விழா காமராஜர் நினைவு நாள் அனுசரிப்பு!!!
தூத்துக்குடி: செப் 2
தேசப்பிதா மகாத்மா காந்தியின் பிறந்த தின விழாவும், கர்மவீரர் பெருந்தலைவர் காமராஜரின் நினைவு தினமும் தூத்துக்குடி மாவட்ட சமத்துவ மக்கள் கழகம் மற்றும் நாடார் பேரவை சார்பில் அனுசரிக்கப்பட்டது.
நிகழ்ச்சிக்கு மாவட்டச் செயலாளர் மாலைசூடி அற்புதராஜ், நாடார் பேரவை மாவட்டத் தலைவர் அருண் சுரேஷ்குமார் ஆகியோர் தலைமை வகித்தனர். மாநில தொழிற்சங்கச் செயலாளர் ஜெபராஜ் டேவிட், மாநில கலை இலக்கிய அணி செயலாளர் வழக்கறிஞர் அந்தோணி பிச்சை ஆகியோர் தூத்துக்குடி பழைய மாநகராட்சி அலுவலக வளாகத்தில் அமைந்துள்ள மகாத்மா காந்தி மற்றும் பெருந்தலைவர் காமராஜர் சிலைகளுக்கு மாலை அணிவித்து, மலர் தூவி மரியாதை செலுத்தினர்.
தொடர்ந்து சமத்துவ மக்கள் கழக மாவட்ட தலைமை அலுவலகத்தில் அலங்கரித்து வைக்கப்பட்டிருந்த பெருந்தலைவர் காமராஜரின் உருவப்படத்திற்கும் மாலை அணிவித்து மலர் தூவி மரியாதை செலுத்தப்பட்டது.
நிகழ்ச்சியில் மாவட்ட அவைத் தலைவர் கண்டிவேல், மாவட்ட பொருளாளர் லயன் பழனிவேல், மாவட்டத் துணைச் செயலாளர் அருள்ராஜ், தலைமை பொதுக்குழு உறுப்பினர் உதயசூரியன், மாவட்ட வர்த்தக அணி செயலாளர் சிவசு முத்துக்குமார், மாவட்ட தொழிலாளர் அணி செயலாளர் சங்கர், மாவட்ட தொண்டர் அணி செயலாளர் முத்துசெல்வம், மாவட்ட மகளிர் அணி செயலாளர் குருவம்மாள், மாநகரச் செயலாளர் முத்துசெல்வம், நாடார் பேரவை மாவட்டச் செயலாளர் டேனியல் ராஜ், மாவட்ட பொருளாளர் சுப்பையா, மாவட்ட மகளிர் அணி தலைவி சந்திரா, மகளிர் அணி நிர்வாகிகள் சாந்தி, ராஜாத்தி, கலை ஸ்வீட்டி, ரமணி மற்றும் காமராஜ், முருகன், டேனியல் உள்ளிட்ட பலர் கலந்து கொண்டனர்.
