Tamil Nadu update

தூத்துக்குடி அரசு மருத்துவக் கல்லூரி மருத்துவமனையில் 41-வது தேசிய கண் தான இருவார விழா

தூத்துக்குடி, செப்.7:

தூத்துக்குடி அரசு மருத்துவக் கல்லூரி மருத்துவமனையில் 41-வது தேசிய கண் தான இருவார விழா சிறப்பாக நடைபெற்றது.

விழாவிற்கு தூத்துக்குடி மாவட்ட ஆட்சித் தலைவர் . விஷ்ணுசந்திரன், இ.ஆ.ப. தலைமை தாங்கினார். மருத்துவக் கல்லூரி மருத்துவமனை முதல்வர் மரு. E. எபினேசர் ஜோயல்குமார், M.D., DNB., துணை முதல்வர் மரு. V. கலைவாணி, M.D., கண்காணிப்பாளர் மரு. J. கைசெல்வ ஜெயமணி, MBBS., DMRT. உள்ளிட்ட மருத்துவர்கள், கண் மருத்துவத் துறை மருத்துவர்கள், செவிலியர்கள் மற்றும் பணியாளர்கள் கலந்து கொண்டனர்.

இம்மருத்துவமனை கண் தானப் பிரிவு மூலம் வருடத்திற்கு சுமார் 270 கண்கள் வீதம், இதுவரை மொத்தம் 1,486 கண்கள் தானமாக பெறப்பட்டுள்ளன என தெரிவிக்கப்பட்டது. மேலும், இம்மருத்துவமனையில் கருவிழி மாற்றுச் சிகிச்சை மூலம் இதுவரை 123 பயனாளிகள் பயனடைந்துள்ளனர்.

கண் தானம் வழங்கிய குடும்பத்தினரை சிறப்பிக்கும் வகையில், அவர்களை அழைத்து மாவட்ட ஆட்சித் தலைவர் சார்பில் பாராட்டு சான்று வழங்கப்பட்டது.

இம்மருத்துவமனையில் கருவிழி மாற்றுச் சிகிச்சை மூலம் பார்வை பெற்ற இராஜேந்திரன் என்பவர் தனது அனுபவத்தை பகிர்ந்து கொண்டு, அனைவரும் கண் தானம் செய்வோம் என்ற உறுதிமொழியை எடுத்துக் கொண்டார்.

மேலும், மரு. J. கைசெல்வ ஜெயமணி, MBBS., DMRT. தலைமையில் கண் தான விழிப்புணர்வு தொடர்பான பாடல் மற்றும் பல்வேறு நிகழ்ச்சிகள் நடைபெற்றன. கண் தான விழிப்புணர்வு போட்டிகளில் கலந்து கொண்டு வெற்றி பெற்ற மருத்துவ மாணவர்கள் மற்றும் செவிலியர் மாணவர்களுக்கு மாவட்ட ஆட்சித் தலைவர் பாராட்டு சான்றுகள் வழங்கினார்.

இறுதியில் மரு. R. ஜெயந்தி, M.S., D.O. உள்ளிட்ட மருத்துவர்கள் விழாவை சிறப்பாக நடத்தினர். விழா தேசிய கண் தான விழிப்புணர்வை ஏற்படுத்தும் வகையில் நடைபெற்றது.

Tamil Nadu updates, 

photo news by Arunan journalist 

தூத்துக்குடி: ஜுலை 1

தூத்துக்குடி அரசினர் மருத்துவக் கல்லூரி மருத்துவமனையில், பிறவியிலேயே இடது கண் குறைபாட்டுடன் பிறந்த 9 வயது சிறுமிக்கு அரிய வகை கண் குழி சீரமைப்பு மற்றும் செயற்கை கண் பொருத்தும் அறுவை சிகிச்சை வெற்றிகரமாகச் செய்யப்பட்டு மறுவாழ்வு அளிக்கப்பட்டுள்ளது.

 இதுதொடர்பான செய்தியாளர் சந்திப்பு இன்று காலை மருத்துவமனை வளாகத்தில் நடைபெற்றது.

பிறவிக்குறைபாட்டால் அவதிப்பட்ட சிறுமி!!!

கன்னியாகுமரி மாவட்டம் நாகர்கோவில், ஆரல்வாய்மொழி கிராமத்தில் வசித்து வரும் பொன்னு என்பவரின் 9 வயது மகள் முத்துசெல்வி. அச்சிறுமிக்குப் பிறவியிலேயே இடது கண் இல்லாததால், அவதிப்பட்டு வந்தார்.

தாயார் உடன் சிறுமி

மருத்துவக் குழுவின் அரிய சாதனை

கடந்த 20.06.2026 அன்று, தூத்துக்குடி அரசு மருத்துவக் கல்லூரி மருத்துவமனை முதல்வர் மரு. எபனேசர் ஜோயல் குமார், துணை முதல்வர் மரு. கலைவாணி, மற்றும் மருத்துவமனை கண்காணிப்பாளர் மரு. பத்மநாபன் ஆகியோரின் வழிகாட்டுதலின் பேரில் இந்த அரிய அறுவை சிகிச்சை நடைபெற்றது.

கண் பிரிவு துறைத் தலைவர் மற்றும் மாவட்ட பார்வை இழப்பு தடுப்பு சங்க திட்ட மேலாளருமான மரு. ம. ரீட்டா ஹெப்சிராணி  தலைமையில், பின்வரும் மருத்துவக் குழுவினர் இந்தச் சாதனையை நிகழ்த்தியுள்ளனர்:

 பிளாஸ்டிக் அறுவை சிகிச்சை நிபுணர்: மரு. அருணா தேவி

 மயக்கவியல் மருத்துவர்கள்: மரு. ஸ்ரீராம், மரு. அஜய் சந்தோஷ் டேவிட்

 உதவி மருத்துவர்கள்:  மரு. ஜெயந்தி, மரு. வின்சா, மரு. திவ்யா

 செவிலியர்கள்: சுரேகா,  ரத்னா

இந்த மருத்துவக் குழுவினர் இணைந்து சிறுமிக்குக் கண் குழி சீரமைப்பு அறுவை சிகிச்சை மற்றும் செயற்கை கண் பொருத்தும் அறுவை சிகிச்சையை மிக வெற்றிகரமாகச் செய்து முடித்தனர்.

செய்தியாளர் சந்திப்பில் பெற்றோர் நெகிழ்ச்சி!

தமிழக அரசுக்கு நன்றி!!!

இன்று காலை 10 மணியளவில் தூத்துக்குடி அரசு மருத்துவமனையில் செய்தியாளர் சந்திப்பு ஒன்று நடைபெற்றது. இதில் தங்களுக்குக் கிடைத்த முழுமையான கண் சிகிச்சை மற்றும் செயற்கை கண் பொருத்தப்பட்ட விவரங்கள் குறித்துச் சிறுமி முத்துசெல்வியும் அவரது தாயாரும் செய்தியாளர்களிடம் விவரித்தனர்.

அப்போது, தங்களது குழந்தைக்கு அதிநவீன முறையில் செயற்கை கண் பொருத்தி, புதிய வாழ்வையும் நம்பிக்கையையும் தந்து உதவிய தூத்துக்குடி அரசு மருத்துவமனை மருத்துவர்கள் அனைவருக்கும், ஏழை எளிய மக்களுக்குத் தரமான மருத்துவ சேவை கிடைக்கத் திறம்படச் செயல்பட்டு வரும் தமிழக அரசுக்கும் தங்களது மிகுந்த மகிழ்ச்சியையும், நெஞ்சார்ந்த நன்றியையும் கண்ணீர் மல்கத் தெரிவித்துக் கொண்டனர்.

 தூத்துக்குடி அரசு மருத்துவமனையில்..

அர்ப்பணிப்புடன் இயங்கும் கண் சிகிச்சை பிரிவு

தூத்துக்குடி அரசு மருத்துவமனை கண் சிகிச்சை பிரிவில் தினமும் சுமார் 200-க்கும் மேற்பட்ட புறநோயாளிகள் சிகிச்சை பெற்று வருகின்றனர். 

மேலும், மாதந்தோறும் 200-க்கும் மேற்பட்ட கண் புரை அறுவை சிகிச்சைகளும் (Cataract Surgery), கண் நீர் அழுத்த நோய் (Glaucoma), மாறுகண் (Squint), கருவிழி மாற்று அறுவை சிகிச்சை (Keratoplasty) போன்ற பல்வேறு அதிநவீன சிகிச்சைகளும் இங்கு முற்றிலும் இலவசமாக, அர்ப்பணிப்பு உணர்வோடு வழங்கப்பட்டு வருகின்றன.

பொதுமக்கள் தங்களுக்கு ஏற்படும் கண் தொடர்பான அனைத்துப் பாதிப்புகளுக்கும் எங்களைப் போன்ற அரசு மருத்துவர்களை அணுகிப் பயன்பெறுமாறு மருத்துவமனை நிர்வாகம் கேட்டுக் கொண்டுள்ளது.