செக்கிழுத்த செம்மல் வ.உ.சிதம்பரனார் 155வது பிறந்தநாள் விழா வ உ சி சிலை முன்பு மதுரா கோட்ஸ் அரசு நில மீட்பு குழு பரபரப்பு உறுதி மொழி

Tamil Nadu updates, 

photo news by Arunan Reporter 

மதுரா கோட்ஸ் அரசு நில மீட்பு குழு சார்பில் செக்கிழுத்த செம்மல் வ.உ.சிதம்பரனார் 155வது பிறந்தநாள் விழா மாலை அணிவித்து மரியாதை; பரபரப்பு உறுதிமொழி!

தூத்துக்குடி, செப்.5:

செக்கிழுத்த செம்மல், கப்பலோட்டிய தமிழன், சுதந்திரப் போராட்டத் தியாகி ஐயா வ.உ.சிதம்பரனாரின் 155வது பிறந்தநாளை முன்னிட்டு, மதுரா கோட்ஸ் அரசு நில மீட்பு குழு சார்பில் தூத்துக்குடி பழைய மாநகராட்சி அலுவலகம் முன்பு அமைந்துள்ள அவரது திருஉருவச் சிலைக்கு மாலை அணிவித்து மரியாதை செலுத்தப்பட்டது.

இன்று சனிக்கிழமை காலை 10 மணியளவில் நடைபெற்ற நிகழ்ச்சியில், ஏஐசிசிடியூ தேசிய செயற்குழு உறுப்பினர் மின்னல் அம்ஜத், புரட்சி பாரதம் கட்சியின் தூத்துக்குடி மாநகர் மாவட்ட செயலாளர் மா. மாரி செல்வம் உள்ளிட்டோர் வ.உ.சி. திருஉருவச் சிலைக்கு மாலை அணிவித்து மரியாதை செலுத்தினர்.

தொடர்ந்து நடைபெற்ற நிகழ்ச்சியில், மதுரா கோட்ஸ் அரசு நிலத்தை தமிழக அரசு உடனடியாக மீட்டெடுத்து பொதுமக்கள் பயன்பாட்டிற்கு கொண்டு வர வேண்டும் என்றும், அரசு நிலத்தை ஆக்கிரமித்துள்ளதாக கூறப்படும் நபர்கள் மீது சட்டப்படி உரிய நடவடிக்கை எடுக்க வேண்டும் என்றும் வலியுறுத்தி உறுதிமொழி எடுக்கப்பட்டது.

இந்த நிகழ்ச்சியில் தாயக மக்கள் கட்சி மாநில பொதுச் செயலாளர் எஸ்.ஆர். அகமது, தமிழ்நாடு இஸ்லாமிய கூட்டமைப்பு மாநிலத் தலைவர் தூத்துக்குடி சம்சுதீன், மக்கள் அதிகார கழக மாவட்ட செயலாளர் தோழர் தாளமுத்து செல்வா, தோழர் தமிழ் வேந்தன், இருதய நண்பர்கள் இயக்க மாநில செயலாளர் மா. தங்கையா, பொருளாளர் ஏ. பிரின்ஸ், முன்னாள் மாநகராட்சி உறுப்பினர், எஸ். முகமது ஷாஜகான், அமைப்பு சாரா தொழிலாளர்கள் கூட்டமைப்பு பொருளாளர் ஏ. நைனா முகமது, ஏஐசிசிடியூ மாநிலத் துணைத் தலைவர் சகாயம், அய்யாவழி கிருஷ்ணவேணி, அந்தோணியார் கோவில் மார்க்கெட் வியாபாரிகள் சங்க செயலாளர் செல்வராஜ் உள்ளிட்ட பலர் கலந்து கொண்டனர்.

வ.உ.சிதம்பரனாரின் தியாகத்தை நினைவுகூரும் வகையிலும், அரசு நிலத்தை மீட்டு மக்கள் பயன்பாட்டிற்கு கொண்டுவர வேண்டும் என்ற கோரிக்கையை வலியுறுத்தும் வகையிலும் இந்த நிகழ்ச்சி நடைபெற்றது.