Tamil Nadu updates
photo news by Arunan Reporter
தூத்துக்குடி:செப் 30.
தூத்துக்குடி மாநகராட்சி மாமன்றத்தின் சாதாரணக் கூட்டம் இன்று (30.09.2026) காலை 11.15 மணிக்கு மாநகராட்சி அலுவலகக் கட்டிடத்தில் உள்ள மாமன்றக் கூட்ட அரங்கில் நடைபெற்றது.
தூத்துக்குடி மாநகராட்சி மேயர் ஜெகன் பெரியசாமி தலைமையில் ஆணையர் பிரியங்கா துனை மேயர் ஜெனிட்டா முன்னிலையில் கவுன்சிலர் கலந்து கொண்ட மாமன்ற கூட்டத்தில்....
மாநகராட்சியின் 60 வார்டுகளுக்குட்பட்ட பல்வேறு பகுதிகளில் மேற்கொள்ளப்பட வேண்டிய சாலை சீரமைப்பு, குடிநீர் மற்றும் பாதாளச் சாக்கடை பணிகள், தெருவிளக்கு பராமரிப்பு உள்ளிட்ட பொதுமக்கள் நலன் சார்ந்த பல்வேறு பணிகள் குறித்து மன்றத்தின் பரிசீலனைக்கு எடுத்துக்கொள்ளப்பட்டன.
குறிப்பாக, வடக்கு மண்டலத்திற்குட்பட்ட 15 வார்டு பகுதிகளில் சேதமடைந்த சாலைகளை சீரமைக்க ரூ.44.50 லட்சம் மதிப்பீட்டில் தார் மற்றும் சிமெண்டு சாலைப் பணிகளை மேற்கொள்ள முன்மொழியப்பட்டது.
மேலும் மாநகராட்சிக்குட்பட்ட பகுதிகளில் தெருவிளக்குகள் பராமரிப்பு பணிகளுக்காக மின்கம்பியாளர்கள், உதவியாளர்கள் மற்றும் ஏணி வாகன ஓட்டுநர் உள்ளிட்ட 26 பணியாளர்களை தற்காலிக அடிப்படையில் பணியில் ஈடுபடுத்துவது தொடர்பான விவாதமும் இடம்பெற்றது.
குடிநீர் விநியோகம் மற்றும் கழிவுநீர் தொடர்பான பணிகள், மழைக்கால முன்னெச்சரிக்கை நடவடிக்கைகள், பொதுசுகாதாரப் பணிகள், கொசு ஒழிப்பு நடவடிக்கைகள் உள்ளிட்ட பல்வேறு பணிகளுக்கான நிர்வாக அனுமதிகள் மற்றும் நிதி ஒதுக்கீடுகள் குறித்தும் மன்றத்தின் கவனத்திற்கு கொண்டு வரப்பட்டது.
மாநகராட்சியின் பல்வேறு பகுதிகளில் மேற்கொள்ளப்பட்டு வரும் உள்கட்டமைப்பு பணிகள் மற்றும் பொதுமக்கள் பயன்பாட்டிற்கான வசதிகளை மேம்படுத்துவது தொடர்பான பல்வேறு பொருட்கள் கூட்டத்தில் பரிசீலனைக்கு எடுத்துக்கொள்ளப்பட்டன.
இதுதவிர, தெற்கு மண்டலத்தில் அமைக்கப்பட்டு வரும் நவீன எரிவாயு தகன மயானத்தை பொதுமக்கள் பயன்பாட்டிற்கு கொண்டு வருவது தொடர்பாகவும், அதனை ஆறு மாத காலம் சோதனை அடிப்படையில் பராமரித்து இயக்குவதற்கான நடவடிக்கைகள் குறித்தும் ஆலோசிக்கப்பட்டது.
மேலும் வடக்கு மண்டலத்தில் அமைக்கப்பட்டு வரும் தினசரி சந்தையில் உள்ள 47 கடைகளை இணையவழி ஏலம் மற்றும் ஒப்பந்தப்புள்ளி மூலம் வாடகைக்கு வழங்குவது தொடர்பான நடவடிக்கைகளும் கூட்டத்தில் பரிசீலிக்கப்பட்டன.
"பத்திரப்பதிவு குறித்து கவுன்சிலர் கனகராஜ் கேள்வி எழுப்பி போது...
கடந்த 2026 பெப்ரவரி மாதத்திலிருந்து தூத்துக்குடி மாநகராட்சி இருந்து LR copy கொடுக்கவில்லை ... ஆனால்?
போலி L R copy வைத்து பத்திர பதிவு நடந்து வருது பொதுமக்கள் உஷாராக இருக்க வேண்டும் என மேயர் தரப்பில் தெரிவித்தார் .
மாமன்ற கூட்டத்தில் ...
தூய்மை பணியாளர்கள் குறித்து கவுன்சிலர்கள் குற்றச்சாட்டு வைத்தனர் அதற்கு ஆணையர் பிரியங்கா பொதுமக்கள் தான் பிரித்து கொடுக்க வேண்டும் தெரிவித்தார் இதனால் கவுன்சிலர்கள் மற்றும் ஆணையர் பிரியங்கா வுடன் கடும் வாக்கு வாதம் செய்தனர் மேயர் ஜெகன் பெரியசாமி இஃது பற்றி பெண் கவுன்சிலர் பேச்சுக்கு பதில் தெரிவித்தார்.மேலும் மாநகராட்சி அதிகாரிகளும் விளக்கம் கொடுத்தனர்.
மாநகராட்சி நிர்வாகம் தொடர்பான பல்வேறு வளர்ச்சிப் பணிகள், பொதுமக்கள் நலத்திட்டங்கள் மற்றும் நிர்வாக நடவடிக்கைகள் குறித்து மாமன்றக் கூட்டத்தில் தொடர்ந்து ஆலோசனை மேற்கொள்ளப்பட்டது.
தூத்துக்குடியில் ரூ.90 கோடி திட்டம்!
தூத்துக்குடி மாநகராட்சியில் உள்ள புதிய பேருந்து நிலையத்தை ரூ.90 கோடி மதிப்பில் மறுமேம்படுத்தும் திட்டத்திற்கு டெண்டர் கோரப்பட்டுள்ளது.
நகரின் முக்கிய மேம்பாட்டுத் திட்டங்களில் ஒன்றாகக் கருதப்படும் இந்தப் பணிகள் பொது-தனியார் கூட்டுமுறையில் மேற்கொள்ளப்பட உள்ளன.
📌 டெண்டர் விண்ணப்பிக்க கடைசி நாள்: அக்.15, 2026
⏰ நேரம்: காலை 11 மணி வரை
📂 டெண்டர் திறப்பு: அக்.15 பிற்பகல் 12.30 மணி
புதிய பேருந்து நிலையம் நவீனமயமாகும் இந்தத் திட்டம் தூத்துக்குடி நகரின் போக்குவரத்து மற்றும் நகர்ப்புற வசதிகளில் முக்கிய மாற்றத்தை ஏற்படுத்தும் என எதிர்பார்க்கப்படுகிறது.
கருத்துகள் இல்லை:
கருத்துரையிடுக