திங்கள், 23 பிப்ரவரி, 2026

Home / முன்னாள் அமைச்சர் / ADMK news / Tamil Nadu updates / thoothukudinews / தூத்துக்குடியில் புரட்சித் தலைவி ஜெயலலிதா 78-வது பிறந்த நாள் விழா முன்னாள் அமைச்சர் சி.த.செல்லப்பாண்டியன் தலைமையில் என்னென்ன செய்தார் முழு விவரம்

தூத்துக்குடியில் புரட்சித் தலைவி ஜெயலலிதா 78-வது பிறந்த நாள் விழா முன்னாள் அமைச்சர் சி.த.செல்லப்பாண்டியன் தலைமையில் என்னென்ன செய்தார் முழு விவரம்

by thoothukudileaks on 10:52 PM in முன்னாள் அமைச்சர், ADMK news, Tamil Nadu updates, thoothukudinews

Tamil Nadu updates, 24-2-2026

photo news by Arunan journalist

தூத்துக்குடி பெ 24

தூத்துக்குடியில் மறைந்த முன்னாள் தமிழக முதல்வரும், ஜெ. ஜெயலலிதா அவர்களின் 78-வது பிறந்த நாள் விழா இன்று (24.02.2026 – செவ்வாய்க்கிழமை) அதிமுக வர்த்தக அணி சார்பில் விமர்சையாகக் கொண்டாடப்பட்டது.

நள்ளிரவு 12 மணியளவில் பழைய பேருந்து நிலையம் முன்பு கேக் வெட்டி விழா தொடங்கப்பட்டது. பட்டாசுகள் வெடித்து கொண்டாட்டம் நடைபெற்றது. பொதுமக்களுக்கு இனிப்பு லட்டு வழங்கப்பட்டதுடன், விழா சிறப்பாக தொடங்கியது.

இதனைத் தொடர்ந்து இன்று 24-2-2026 காலை 9.30 மணியளவில் அண்ணா நகர் மெயின் ரோடு, டூவிபுரம் 5-வது தெரு சந்திப்பில் அலங்கரித்து வைக்கப்பட்டிருந்த ஜெயலலிதா திருவுருவப் படத்திற்கு மலர் தூவி மரியாதை செலுத்தப்பட்டது. பின்னர் பொதுமக்களுக்கு இனிப்புகள் வழங்கப்பட்டன.

பிறந்த நாள் விழாவை முன்னிட்டு நகரின் பல்வேறு பகுதிகளில் பிரம்மாண்ட ஏற்பாடுகள் செய்யப்பட்டிருந்தன.

தூத்துக்குடி பழைய பேருந்து நிலையம், திரேஸ்புரம் பஜார், மட்டகடை பஜார், வட்ட கோயில், 2-ம் கேட் வடபத்திரகாளி அம்மன் கோயில் தெரு, லூசியா மாற்றுத்திறனாளிகள் மறுவாழ்வு இல்லம், அண்ணா நகர் மெயின் ரோடு, 3-வது மைல் திருவிக நகர், பிரையன்ட் நகர் 12-வது தெரு, சுமங்கலி திருமண மண்டபம் அருகே, சத்யா நகர், எம்ஜிஆர் நகர், முத்தையாபுரம் தோப்பு தெரு உள்ளிட்ட இடங்களில் அம்மா அவர்களின் திருவுருவப் படத்திற்கு மலர் தூவி மரியாதை செலுத்தப்பட்டது.

பிரியாணி விருந்து -குழந்தைகளுக்கு தங்க மோதிரம்!!!

மேலும், 10 ஆயிரம் பொதுமக்களுக்கு பிரியாணி வழங்கப்பட்டதுடன், இன்று தூத்துக்குடி அரசு மருத்துவமனையில் பிறந்த குழந்தைக்கு தங்க மோதிரம் வழங்கி விழா சிறப்பிக்கப்பட்டது. பல்வேறு இடங்களில் அசைவ உணவு வழங்கப்பட்டு மக்களுக்கு அன்பளிப்பு செய்யப்பட்டது.

இந்த நிகழ்ச்சியில் தலைமைக் கழக நிர்வாகிகள், கழக சார்பு அணி நிர்வாகிகள், மாவட்ட, ஒன்றிய, நகர, பேரூராட்சி, பகுதி, கிளை, வார்டு, வட்ட, தொழிற்சங்க நிர்வாகிகள், முன்னாள் மற்றும் இன்னாள் உள்ளாட்சி பிரதிநிதிகள் கலந்து கொண்டு சிறப்பித்தனர்.

இவ்விழா அனைத்தும் அதிமுக வர்த்தக அணி செயலாளரும் முன்னாள் அமைச்சருமான சி.த.செல்லப்பாண்டியன் தலைமையில் நடைபெற்றது.

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.