தூத்துக்குடி மாவட்ட மகளீர் பூப்பந்தாட்ட போட்டி புனித மரியன்னை கல்லூரி மாணவியர் முதல் பரிசு

தூத்துக்குடி, ஜனவரி :

தூத்துக்குடி தபால் தந்தி காலனி மக்கள் நல மன்றம், ராயல் ஸ்போர்ட்ஸ் கிளப் மற்றும் தூத்துக்குடி மாவட்ட பூப்பந்தாட்ட கழகம் ஆகிய அமைப்புகள் இணைந்து நடத்திய தூத்துக்குடி மாவட்ட மகளீர் பூப்பந்தாட்ட போட்டி தூத்துக்குடி தபால் தந்தி காலனி மைதானத்தில் சிறப்பாக நடைபெற்றது.

லீக் முறையில் நடைபெற்ற இந்தப் போட்டிகளில் அனைத்து அணிகளையும் வென்று கூடுதல் புள்ளிகளுடன் புனித மரியன்னை (St. Mary’s College) கல்லூரி மாணவியர் அணி முதல் பரிசை தட்டி சென்றது.

இரண்டாம் பரிசு – ஹோலி கிராஸ் பெண்கள் மேல் நிலை பள்ளி மாணவியர் அணியும்,

மூன்றாம் பரிசு – APCV மகாலட்சுமி கல்லூரி மாணவியர் அணியும் பெற்றனர்.

முதல் பரிசிற்கான கோப்பையை தூத்துக்குடி மாவட்ட செயலாளர் கண்ணன் அவர்கள் வழங்கினார். அப்போது அவர் பேசுகையில், இதுபோன்ற விளையாட்டுப் போட்டிகளை தொடர்ந்து நடத்தி பூப்பந்தாட்ட வீராங்கனைகளை ஊக்குவித்து வரும் ராயல் ஸ்போர்ட்ஸ் கிளப் தூத்துக்குடியில் முன்னணி அமைப்பாக செயல்படுகிறது என பாராட்டினார்.

முதல் பரிசு பெற்ற புனித மரியன்னை கல்லூரி அணியின் கேப்டன் மாளவிகா பேசுகையில்,

“எங்கள் கல்லூரி முதல்வர் அருட் சகோதரி ஜெசி பர்ணாந்து அவர்கள் வழங்கிய ஊக்கமும், பயிற்சியாளர் பாலசிங் அவர்கள் கொடுத்த பயிற்சியும் தான் இந்த வெற்றிக்குக் காரணம். 2026ஆம் ஆண்டின் முதல் மாதத்திலேயே இது எங்களது இரண்டாவது வெற்றி. இதற்கு முன்பு மனோன்மணியம் சுந்தரனார் பல்கலைக்கழகத்தின் கீழ் உள்ள கல்லூரிகளுக்கிடையே நடைபெற்ற போட்டியிலும் நாங்கள் சாம்பியன் பட்டம் பெற்றோம்” என தெரிவித்தார்.

மேலும் தன்னுடன் சிறப்பாக விளையாடிய சந்தியா, அனி, உமா மகேஸ்வரி, ஸ்ரீமாரி தங்கம், மாலதி ஆகியோருக்கு தனது பாராட்டுகளையும் வாழ்த்துகளையும் தெரிவித்தார்.