ஞாயிறு, 4 ஜனவரி, 2026

Home / Tamil Nadu updates / thoothukudinews / தூத்துக்குடியில் திமுக துணைப் பொதுச்செயலாளர் கனிமொழி எம்பி இன்று 58-வது பிறந்தநாள்

தூத்துக்குடியில் திமுக துணைப் பொதுச்செயலாளர் கனிமொழி எம்பி இன்று 58-வது பிறந்தநாள்

by thoothukudileaks on 8:32 PM in Tamil Nadu updates, thoothukudinews

தூத்துக்குடி லீக்ஸ் – நாளிதழ் செய்தி

photo news by Arunan journalist

திமுக துணைப் பொதுச்செயலாளர் கனிமொழி எம்பி இன்று 58-வது பிறந்தநாள்

தூத்துக்குடி ஜன 5

திமுக துணைப் பொதுச்செயலாளரும், தூத்துக்குடி நாடாளுமன்ற உறுப்பினருமான கனிமொழி கருணாநிதி அவர்கள் இன்று (ஜனவரி 5, 2026) தனது 58-வது பிறந்தநாளைக் கொண்டாடுகிறார். ஜனவரி 5, 1968-ல் பிறந்த கனிமொழி, முன்னாள் முதல்வர் மு. கருணாநிதி – ராஜாத்தி அம்மாள் தம்பதியரின் மகளாவார். இன்று அவர் 57 ஆண்டுகளை நிறைவு செய்து 58-வது வயதில் அடியெடுத்து வைத்துள்ளார்.

இதனை முன்னிட்டு தமிழகம் முழுவதும் திமுக தொண்டர்கள் மற்றும் நிர்வாகிகள் உற்சாகமாக பிறந்தநாள் விழாவை கொண்டாடி வருகின்றனர். பல்வேறு இடங்களில் கேக் வெட்டியும், இனிப்புகள் வழங்கியும் மகிழ்ச்சியை வெளிப்படுத்தி வருகின்றனர்.

தூத்துக்குடியில், தூத்துக்குடி மாநகராட்சி மேயர் ஜெகன் பெரியசாமி தலைமையில், ஸ்மார்ட் சிட்டி அண்ணா பேருந்து நிலையம் முன்பு கனிமொழி எம்பியின் பிறந்தநாளை முன்னிட்டு கேக் வெட்டப்பட்டு, பொதுமக்கள் மற்றும் பயணிகளுக்கு இனிப்புகள் வழங்கப்பட்டன. இந்நிகழ்ச்சியில் திமுக நிர்வாகிகள், தொண்டர்கள் மற்றும் பொதுமக்கள் கலந்துகொண்டு வாழ்த்துகளை தெரிவித்தனர்.

தற்போது தூத்துக்குடி நாடாளுமன்ற உறுப்பினராக பணியாற்றி வரும் கனிமொழி கருணாநிதி, மக்கள் நலன் சார்ந்த பல்வேறு முயற்சிகளிலும், சமூக நீதி, பெண்கள் உரிமை உள்ளிட்ட விவகாரங்களிலும் தொடர்ந்து செயல்பட்டு வருகிறார் என்பது குறிப்பிடத்தக்கது.

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.