செவ்வாய், 30 டிசம்பர், 2025

Home / தூத்துக்குடி மாநகராட்சி / Tamil Nadu updates / thoothukudinews / தூத்துக்குடி புதிய பேருந்து நிலையப் பகுதியில் கடைகளில் உணவு பாதுகாப்பு துறை திடீர் சோதனை காலாவதி உணவுப் பொருட்கள் பறிமுதல் தூத்துக்குடி புதிய பேருந்து நிலையம் சுற்றி அனுமதி இன்றி செயல் படும் ஆக்ரமிப்பு கடைகள் அகற்றப்பட வேண்டும் வியாபாரிகள் மாநகராட்சிக்கு வேண்டுகோள் .

தூத்துக்குடி புதிய பேருந்து நிலையப் பகுதியில் கடைகளில் உணவு பாதுகாப்பு துறை திடீர் சோதனை காலாவதி உணவுப் பொருட்கள் பறிமுதல் தூத்துக்குடி புதிய பேருந்து நிலையம் சுற்றி அனுமதி இன்றி செயல் படும் ஆக்ரமிப்பு கடைகள் அகற்றப்பட வேண்டும் வியாபாரிகள் மாநகராட்சிக்கு வேண்டுகோள் .

by thoothukudileaks on 5:49 AM in தூத்துக்குடி மாநகராட்சி, Tamil Nadu updates, thoothukudinews

தூத்துக்குடி லீக்ஸ் நாளிதழ் செய்தி

தூத்துக்குடி : டிச 30

தூத்துக்குடி புதிய பேருந்து நிலையம் உள்ளே மற்றும் அதன் சுற்றுப்புற பகுதிகளில் அனுமதி இன்றி ஆக்கிரமிப்பு செய்து சுகாதார கேடாக செயல்பட்டு வந்த உணவு கடைகள் தூத்துக்குடி புதிய பேருந்து நிலையம் டீ கடைகள் சாந்தி பேக்கரி கடைகளில், உணவு பாதுகாப்பு துறை அதிகாரி அருண் தலைமையில் 30-12-2025 ல் திடீர் சோதனை மேற்கொண்டனர்.

இந்த சோதனையின் போது, பல கடைகளில் காலாவதி ஆன உணவுப் பொருட்கள் விற்பனைக்காக வைத்திருப்பது கண்டறியப்பட்டது. மேலும், தடை செய்யப்பட்ட பிளாஸ்டிக் பைகள் பயன்படுத்தப்பட்டதும் அதிகாரிகளின் கவனத்திற்கு வந்தது.

இந்த ஆய்வில் மொத்தம் 14 கடைகள் ஆய்வு செய்யப்பட்டன. சுகாதார நெறிமுறைகளை பின்பற்றாத 8 கடைகளுக்கு நோட்டீஸ் வழங்கப்பட்டது. மேலும் சுகாதாரமற்ற முறையில் உணவு பொருட்கள் தயாரித்து விற்பனை செய்த ஒரு கடைக்கு 10 ஆயிரம் ரூபாய் அபராதம் விதிக்கப்பட்டது.

ஆய்வின்போது சுமார் 24 கிலோ சுகாதாரமற்ற உணவு பொருட்கள் பறிமுதல் செய்யப்பட்டன.

இதையடுத்து, காலாவதி ஆன உணவுப் பொருட்கள் மற்றும் பிளாஸ்டிக் பைகள் பறிமுதல் செய்யப்பட்டு, சம்பந்தப்பட்ட கடை உரிமையாளர்களுக்கு எச்சரிக்கை மற்றும் விதிமுறைகளின்படி நடவடிக்கை எடுக்கப்படுதாகவும் உணவு பாதுகாப்பு துறை அதிகாரி அருண் தெரிவித்துள்ளார்.

பொதுமக்களின் உடல்நலம் மற்றும் சுகாதார பாதுகாப்பை கருத்தில் கொண்டு, அனுமதி இன்றி செயல்படும் உணவு கடைகள் மீது தொடர்ந்து கண்காணிப்பு மற்றும் சோதனை நடவடிக்கைகள் மேற்கொள்ளப்படும் என அதிகாரிகள் எச்சரிக்கை விடுத்துள்ளனர்.

ஆய்வின் போது...

புதிய பேருந்து நிலையம் பகுதியில் ஆய்வு மேற்கொண்ட அதிகாரிகளிடம் கேள்வி கேட்டு ஆய்வை தடுக்க முயன்றனர் .

அரசியல் பிரபலங்களை பற்றி கூறினார்கள்.

இதனால் அங்கு சிறிது நேரம் பரபரப்பு ஏற்பட்டது. இருப்பினும், உணவு பாதுகாப்பு அதிகாரிகள் தகுந்த விளக்கம் அளித்து ஆய்வை தொடர்ந்தனர்.

நாளுக்கு நாள் அதிகரித்து வரும் ஆக்ரமிப்பு கடைகளை அகற்றப்படுமா தூத்துக்குடி புதிய பேருந்து நிலையம் வியாபாரிகள் மாநகராட்சிக்கு நடவடிக்கை எடுக்க வேண்டுகோள்!!!

தூத்துக்குடி புதிய பேருந்து நிலையம் உள்ளே மற்றும் அதன் சுற்றுப்புற பகுதிகளில் அனுமதி இன்றி ஆக்கிரமிப்பு செய்து சுகாதார கேடாக செயல்பட்டு வரும் கடைகள் நாளுக்கு நாள் அதிகரித்து வருகிறது

இதனால் தூத்துக்குடி மாநகராட்சிக்கு வாடகை செலுத்தி கடை நடத்தி வரும் வியாபாரிகள் தங்களது வியாபாரம் பெரிதும் பாதிக்கப்படுவதாகவும் தூத்துக்குடி மாநகராட்சி தூத்துக்குடி புதிய பேருந்து நிலையம் அருகே சுற்றி உள்ள ஆக்ரமிப்பு கடைகளை அகற்ற நடவடிக்கை எடுக்க வேண்டும் என தூத்துக்குடி புதிய பேருந்து நிலையம் வியாபாரிகள் வேண்டுகோள் விடுத்துள்ளார்கள்.

புகைப்படங்கள் அனைத்தும் ஆய்வின் போது எடுக்கப்பட்டது

— செய்தி புகைப்படங்களில் செயற்கை தொழில்நுட்பம் பயன்படுத்தப்பட்டுள்ளது

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.