அருணன் செய்தியாளர்
தூத்துக்குடி லீக்ஸ் – நாளிதழ் செய்திகள் | 22.11.2025
தூத்துக்குடி: நவ 22
தூத்துக்குடி மாவட்ட காவல்துறையில் தொழில்நுட்ப முன்னேற்றத்தை மேம்படுத்தும் நோக்கில், குற்றச்சம்பவங்களைத் துல்லியமாக பதிவேற்றும் E-Shaksha செயலி மற்றும் நீதிமன்ற அழைப்பானைகளை மின்னணு முறையில் சார்பு செய்யும் E-Summon செயலி பற்றிய பயிற்சி வகுப்பு நேற்று (21.11.2025) நடைபெற்றது.
மாவட்ட காவல் கண்காணிப்பாளர் ஆல்பர்ட் ஜான், இ.கா.ப தலைமையில் நடைபெற்ற இப்பயிற்சியில், மாவட்டத்திலுள்ள அனைத்து காவல் நிலையங்களின் சார்பு ஆய்வாளர்கள் பங்கேற்றனர்.
குற்றச்சம்பவ இடங்களுக்கு சென்று அங்குள்ள புகைப்படங்கள், வீடியோக்கள் போன்ற ஆதாரங்களை உடனுக்குடன் E-Shaksha தளத்தில் பதிவேற்றும் நடைமுறைகள்,
மேலும் நீதிமன்றத்திலிருந்து வழங்கப்படும் அழைப்பானைகளை தொடர்புடைய நபர்களுக்கு
E-Summon செயலி மூலம் சரியாக சார்பு செய்து, பின்னர் அதனை நீதிமன்றத்திற்கு மின்னணு முறையில் அனுப்பும் விதமான செயல்முறைகள் குறித்து விரிவான விளக்கங்கள் வழங்கப்பட்டன.
இத்தொடர்பான பயிற்சியில் தூத்துக்குடி கூடுதல் காவல் கண்காணிப்பாளர்கள் ஆறுமுகம், மற்றும் தீபு, தூத்துக்குடி பயிற்சி காவல் துணை கண்காணிப்பாளர் சுரேஷ், மாநில குற்ற ஆவண காப்பகம் தென் மண்டல காவல் ஆய்வாளர் வெர்ஜின் சாவியோ உள்ளிட்டோர் கலந்து கொண்டனர்.
தூத்துக்குடி காவல்துறையின் சேவைத்திறனை உயர்த்தும் நோக்கில் நடத்தப்பட்ட இந்த பயிற்சி, காவல்துறையின் தொழில்நுட்ப மேம்பாட்டில் மேலும் ஒரு முன்னேற்றக் கட்டமாக அமைகிறது.
கருத்துகள் இல்லை:
கருத்துரையிடுக