பேருந்து நிலையத்தில் மூதியவர் மயக்கம் – பெண் போலீஸ் விரைவான செயலால் உயிர் காப்பு போல் பேட்டை முக்கிய பிரமுகரின் உறவினர் என தகவல்

தூத்துக்குடி லீக்ஸ் – நாளிதழ் செய்தி

தூத்துக்குடி பேருந்து நிலையத்தில் முதியவர் மயக்கம் – போலீஸ் விரைவான செயலால் உயிர் காப்பு

தூத்துக்குடி: ஆகஸ்ட் 13
தூத்துக்குடி புதிய பேருந்து நிலையம் உள்ளே இன்று காலை 11 மணியளவில் சுமார் 60 வயது மதிக்கத்தக்க ஒருவர் திடீரென மயக்கம் ஏற்பட்டு கீழே விழுந்தார்.

அந்த நேரத்தில் அருகில் இருந்த பஸ் பயணிகள், அவர் வாயில் நுரை தள்ளி, கண்கள் சொருகி கிடப்பதை கவனித்து, விஷம் அருந்தியிருக்கலாமா என சந்தேகித்தனர்.

உடனே அங்கு டியூட்டியில் இருந்த பூத் காவல் துறை பெண் போலீஸ் இசக்கியம்மாள், தாமதிக்காமல் 108 அவசர ஆம்புலன்ஸ் எண்ணிற்கு தொடர்பு கொண்டு உதவி கோரினார்.

பத்து நிமிடங்களுக்குள் வந்த ஆம்புலன்ஸ், காவல்துறை உதவியுடன் அந்த நபரை தூக்கி அருகிலுள்ள மருத்துவமனைக்கு கொண்டு சென்றது.

அவரது பெயர் மதன் எனவும், தூத்துக்குடி போல் பேட்டை பகுதியைச் சேர்ந்த முக்கிய பிரமுகரின் ரொம்ப நெருங்கிய உறவினராம் என்றும் தகவல்கள் தெரிவிக்கின்றன.

இதுகுறித்து போலீசார் விசாரணை நடத்தி வருகின்றனர்.