வியாழன், 19 ஜூன், 2025

Home / அதிமுக / ADMK news / Tamil Nadu updates / திமுக TRB ராஜா மீது தூத்துக்குடியில் அதிமுக முன்னாள் அமைச்சர் எஸ் பி சண்முகநாதன் மற்றும் முன்னாள் அமைச்சர் கடம்பூர் ராஜு தூத்துக்குடி மாவட்டம் காவல்துறை கண்காணிப்பாளர் அலுவலகத்தில் புகார் மனு அளித்தனர்

திமுக TRB ராஜா மீது தூத்துக்குடியில் அதிமுக முன்னாள் அமைச்சர் எஸ் பி சண்முகநாதன் மற்றும் முன்னாள் அமைச்சர் கடம்பூர் ராஜு தூத்துக்குடி மாவட்டம் காவல்துறை கண்காணிப்பாளர் அலுவலகத்தில் புகார் மனு அளித்தனர்

by thoothukudileaks on 11:48 PM in அதிமுக, ADMK news, Tamil Nadu updates

Tamil Nadu updates, photo news by Arunan journalist

தமிழகம் முழுவதும் அதிமுக மகா புகார்: TRB ராஜா மீது சட்ட நடவடிக்கை கோரிக்கை

தூத்துக்குடி, ஜூன் 20:
தூத்துக்குடி மாவட்டத்தில், திமுக தகவல் தொழில்நுட்பப் பிரிவு செயலாளர் T.R.B. ராஜா மீது தகவல் தொழில்நுட்பச் சட்டம் மற்றும் BNS சட்டத்தின் கீழ் நடவடிக்கை எடுக்குமாறு, முன்னாள் அமைச்சர்கள் எஸ்.பி. சண்முகநாதன் மற்றும் கடம்பூர் ராஜூ எம்.எல்.ஏ தலைமையில், மாவட்ட காவல் கண்காணிப்பாளர் அலுவலகத்தில் புகார் மனு வழங்கப்பட்டது.

இந்த புகார் மனுவின் விவரப்படி, கடந்த 17/06/2025 அன்று மாலை 5.57 மணியளவில், T.R.B. ராஜா தலைமையிலான திமுகவின் அதிகாரப்பூர்வ @DMKITwing X பக்கத்தில், அதிமுக பொதுச்செயலாளர் மற்றும் சட்டமன்ற எதிர்க்கட்சித் தலைவர் எடப்பாடி K. பழனிசாமி அவர்களை அவதூறாக சித்தரிக்கும் அரைநிர்வாண கேலிசித்திரம் மற்றும் பொய்யான தகவல்கள் பதிவுசெய்யப்பட்டுள்ளன.

இத்தகவல், எடப்பாடி பழனிசாமியின் நற்பெயரையும், கண்ணியத்தையும் களங்கப்படுத்தும் வகையிலும், அதிமுக தொண்டர்களின் மன உணர்வுகளை புண்படுத்தும் நோக்கத்திலும், திட்டமிட்டு பகைமை கொண்ட அரசியல் சதியாகவே அமைந்துள்ளதாக அதிமுக தரப்பு குற்றம்சாட்டியுள்ளது. மேலும், கேலிச்சித்திரத்தில் அதிமுகவின் அடையாளமான பசுமை நிறக் கொடியும், புரட்சித் தலைவர் எம்.ஜி.ஆர், அம்மா ஆகியோரின் பெருமையையும் தாழ்த்தும் வகையில் பயன்படுத்தப்பட்டுள்ளதாக புகார் மனுவில் குறிப்பிடப்பட்டுள்ளது.

இத்தகைய செயல்கள் அரசியல் அமைப்புகளுக்கிடையே மோதலை தூண்டும் வகையில் இருக்கக்கூடியது என்றும், சட்டம் ஒழுங்கு பிரச்னை ஏற்படக்கூடும் என்றும் அதிமுக தரப்பினர் எச்சரித்துள்ளனர்.

இதனைத் தொடர்ந்து, புகார் மனுவில் குறிப்பிடப்பட்டுள்ள சட்டப்பிரிவுகள்:

தகவல் தொழில்நுட்பச் சட்டம் 2000:
- பிரிவு 66 (Cyber Defamation)
- பிரிவு 67 (Publishing or transmitting obscene material)
- பிரிவு 69A (Blocking offensive content)
BNS Act 2023:
- பிரிவு 124 (Public mischief & incitement)
- பிரிவு 356 (Defamation using electronic means)
- பிரிவு 354E (Offensive portrayal of individuals via digital media)

மேற்கண்ட சட்டப்பிரிவுகளின் கீழ், T.R.B. ராஜா மற்றும் அவதூறு பதிவுகளை பகிர்ந்த மற்ற பயனர்கள் மீது உரிய சட்ட நடவடிக்கை எடுக்க வேண்டும் என்றும், அவதூறு செய்தியும் கேலிச்சித்திரமும் உடனடியாக நீக்கப்பட வேண்டும் என்றும் அதிமுக சார்பில் மாவட்ட காவல் கண்காணிப்பாளர் அலுவலகத்தில் மனு வழங்கப்பட்டுள்ளது.

தூத்துக்குடியில் கூடுதல் மாவட்ட காவல் 👮 துறை கண்காணிப்பாளர் ஆறுமுகம் புகார் மனுவை பெற்றார்.

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.