பெண்களை இழிவுபடுத்திய வேல்முருகன் மீது தமிழக வெற்றிக் கழகத்தின் கடும் கண்டனம் – மாவட்ட பொறுப்பாளர் அஜிதா ஆக்னல் வெளிப்படையான பதிலடி!

தூத்துக்குடி லீக்ஸ் – நாளிதழ் செய்தி

06.06.2025, தூத்துக்குடி

பெண்களை இழிவுபடுத்திய வேல்முருகன் மீது தமிழக வெற்றிக் கழகத்தின் கடும் கண்டனம் – மாவட்ட பொறுப்பாளர் அஜிதா ஆக்னல் வெளிப்படையான பதிலடி!

தமிழக வாழ்வுரிமை கட்சித் தலைவர் வேல்முருகன் வெளியிட்ட நாகரிகமற்ற மற்றும் பெண்களை இழிவுப்படுத்தும் வகையிலான கருத்துகள் தொடர்பாக, தமிழக வெற்றிக் கழகத்தின் தூத்துக்குடி மாவட்ட பொறுப்பாளர் அ. அஜிதா ஆக்னல் கடும் கண்டனங்களை வெளியிட்டுள்ளார்.

அவருடைய கண்டனத்தில்,

“பெண்களுக்கு முக்கியத்துவம் அளிக்கும் வகையில், பெண் தலைவர்களை கொள்கை தலைவர்களாக வைக்கும் ஒரே இயக்கம் தமிழக வெற்றிக் கழகம்தான். பெண்களின் பாதுகாப்பில் எங்கள் தலைவர்  தளபதியார் அன்பு அண்ணன் விஜய் அரணாக இருப்பதை, மக்கள் மன்றமே  பார்த்திருக்கிறது.

 அவரை, இன்று ஒவ்வொரு பெண்களும் தங்கள் குடும்ப உறுப்பினராகவே காண்கிறார்கள்,” என உறுதியுடன் தெரிவித்தார்.

 

மேலும்,

“பெண்குழந்தைகளை இழிவுப்படுத்தும் வார்த்தைகள் மூலம் பெண் குலத்திற்கே அவமரியாதை ஏற்படுத்தியுள்ளார் 

 

வேல்முருகன். இவ்வாறு பேசியதன் மூலம், தங்களை உயர்த்திய தமிழ்மக்களையே தரக்குறைவாக ஏளனம் செய்துள்ளீர்கள். இது குறித்து பொதுமக்களில் கடும் அதிருப்தி எழுந்துள்ளது,” எனவும் கூறினார்.

அத்துடன்,

“எங்கள் தலைவர் தளபதியின் பெயரையும் புகழையும் களங்கப்படுத்த முயலும் எந்த சூழ்ச்சியும் வெற்றிபெறாது. 2026 சட்டமன்றத் தேர்தலிலேயே, சூழ்ச்சியாளர்களின் முகத்திரையை கிழித்து, மக்கள் தங்கள் தீர்ப்பை சொல்ல தயாராக இருக்கிறார்கள்,” எனவும் அவர் வலியுறுத்தினார்.

 

“தமிழக வெற்றிக் கழகம் – பெண்களின் குரலுக்கு துணை நிற்கும் இயக்கம்” என்ற உறுதியோடு,  வேல்முருகனின் பேச்சுக்கு கடும் கண்டனம் தெரிவித்தார் மாவட்ட பொறுப்பாளர் அ. அஜிதா ஆக்னல்.