முதிய பெண்ணை மயக்கமருந்து கொடுத்து கடத்திய தம்பதிக்கு கடும் சிறைதண்டனை!

 தூத்துக்குடி லீக்ஸ் நாளிதழ் செய்தி

முதிய பெண்ணை மயக்கமருந்து கொடுத்து கடத்திய தம்பதிக்கு கடும் சிறைதண்டனை!

தூத்துக்குடி மாவட்டம் – 05.06.2025:
ஏரல் காவல் நிலைய எல்லைக்குட்பட்ட பகுதியில், முதிய பெண்ணை காரில் கடத்தி, பழ ஜூஸில் மயக்கமருந்து கலந்து கொடுத்து நகைகளை திருடிய குற்றவாளிகள் இருவருக்கும், மாவட்ட 2வது கூடுதல் அமர்வு நீதிமன்றம் கடும் சிறைத் தண்டனையை வழங்கியுள்ளது.

இந்தக் கொடூரம் கடந்த 18.04.2015 அன்று நடந்தது. தூத்துக்குடி மாவட்டம் செபத்தையாபுரத்தைச் சேர்ந்த முதிய பெண் ஒருவர் சேர்மன் கோவில் சாமி தரிசனத்திற்கு வந்திருந்த போது, விழுப்புரம் மாவட்டத்தைச் சேர்ந்த தம்பதிகளான வாசுதேவன் (70) மற்றும் சங்கரி (58) ஆகியோர், “திருச்செந்தூர் கோவிலுக்கும் அழைத்துச் செல்வோம்” என்று கூறி அவரை தங்களது காரில் ஏற்றி எடுத்துச் சென்றனர். 

பின்னர் பழ ஜூஸில் மயக்க மருந்து கலந்து குடிக்கவைத்து, அவர் அணிந்திருந்த நகைகளை திருடினர்.

இந்த சம்பவம் குறித்து ஏரல் போலீசார் நடவடிக்கை எடுத்து, குற்றவாளிகள் இருவரையும் கைது செய்து, கடத்தல், மயக்க மருந்து கொடுத்தல், திருட்டு ஆகிய மூன்று பிரிவுகளின் கீழ் வழக்கு பதிவு செய்தனர்.

இந்த வழக்கு, மாவட்ட 2வது கூடுதல் அமர்வு நீதிமன்றத்தில் நடைபெற்று வந்தது. இன்றைய தினம் (05.06.2025), வழக்கை விசாரித்த நீதிபதி ப்ரீத்தா அவர்கள்,

• கடத்தல் குற்றப்பிரிவில் 5 ஆண்டு கடுங்கால் சிறை மற்றும் ₹1000 அபராதம்
• மயக்க மருந்து கொடுத்த குற்றப்பிரிவில் 5 ஆண்டு கடுங்கால் சிறை மற்றும் ₹1000 அபராதம்
• திருட்டு குற்றப்பிரிவில் 3 ஆண்டு கடுங்காவல் சிறை மற்றும் ₹1000 அபராதம்
  என மொத்தமாக 13 ஆண்டு சிறைத் தண்டனை விதித்து, அனைத்தையும் ஏக காலமாக அனுபவிக்க உத்தரவிட்டார்.
• 
  

இந்த வழக்கை திறம்பட விசாரித்து குற்றவாளிகளை தண்டிக்க வழி வகுத்ததற்காக,

• அப்போது புலனாய்வில் ஈடுபட்ட ஏரல் காவல் நிலைய ஆய்வாளர் . விஜயகுமார்,
• அரசு தரப்பில் வாதிட்ட வழக்கறிஞர். சேவியர் ஞானப்பிரகாசம்,
• விசாரணைக்கு உதவிய முதல்நிலை காவலர்  அரவிந்த் ஆகியோரையும்,
  மாவட்ட காவல் கண்காணிப்பாளர் ஆல்பர்ட் ஜான் இ.கா.ப  பாராட்டினார்.

–