மகளிர் நலனில் தமிழகம் முன்னணி – தோழி விடுதி திறப்பு விழாவில் கனிமொழி எம்.பி உரை

Tamil Nadu updates, Arunan journalist 

news by sunmugasuthram 

press club president 

---

மகளிர் நலனில் தமிழகம் முன்னணி – தோழி விடுதி திறப்பு விழாவில் கனிமொழி எம்.பி உரை

தூத்துக்குடி: மே14
தமிழகத்தில் பெண்களுக்கு விடுதலை மற்றும் வளர்ச்சி வாய்ப்புகள் உறுதி செய்யப்பட்டுள்ளன என்று எம்.பி. கனிமொழி தெரிவித்துள்ளார்.

 தூத்துக்குடி சமூகநலன் மற்றும் மகளிர் உரிமைத்துறை சார்பில், பணிபுரியும் மகளிர் பயன்பெறும் வகையில் மேம்படுத்தப்பட்ட வசதிகளுடன் ‘தோழி’ மகளிர் விடுதி திறப்பு விழா ஆசிரியர் காலணியில் நடைபெற்றது.

விழாவிற்கு தூத்துக்குடி மாவட்ட கலெக்டர்  இளம்பகவத் தலைமை வகித்தார். வடக்கு மாவட்ட திமுக செயலாளரும் சமூகநலன் மற்றும் மகளிர் உரிமைத்துறை அமைச்சருமான  கீதா ஜீவன், சமூகநல ஆணையர் . மதுபாலன், தூத்துக்குடி மாநகர மேயர்  ஜெகன்பொியசாமி உள்ளிட்டோர் முன்னிலை வகித்தனர். சமூகநல அலுவலர்  பிரேமலதா வரவேற்புரையாற்றினார்.

கனிமொழி எம்பி 

தூத்துக்குடி மாவட்ட எம்.பி.  கனிமொழி, விடுதியை திறந்து வைத்து, சத்யவாணி முத்து அம்மையார் நினைவு திட்டத்தின் கீழ் 50 பயனாளிகளுக்கு தையல் இயந்திரங்களை வழங்கினார்.

தையல் இயந்திரம் வழங்கையில்

பின்னர் உரையாற்றிய கனி மொழி எம்பி பேசுகையில் ...

“42% தமிழ்மகளிர் பணிபுரிகின்ற நிலையில், தங்குமிட வசதி இல்லாத காரணத்தால் வேலைவாய்ப்பை இழக்கும் சந்தர்ப்பங்களை தவிர்க்க, தோழி விடுதிகள் குறைந்த வாடகையில் அனைத்து வசதிகளுடன் செயல்படுகின்றன.

 இது பெண்களின் கல்வி, வேலை, விளையாட்டு தேவைகளுக்கு ஆதரவாக இருக்கும்,” என்றார். இவ்விடுதியின் மூலம் 17 பெண்கள் தங்கும் வசதி செய்யப்பட்டுள்ளது என்றும் தெரிவித்தார்.

அடுத்து அமைச்சர் கீதா ஜீவன், பேசுகையில்..

 “இந்த ஆண்டில் ரூ.107.95 கோடி மதிப்பீட்டில் 10 புதிய தோழி விடுதிகள் கட்டப்படவுள்ளன.

 குழந்தைகளோடும் தங்குவதற்கான வசதிகள், 24 மணி நேர கண்காணிப்பு கேமரா, பாதுகாவலர் உள்ளிட்ட பணியாளர்கள் ஒப்பந்த அடிப்படையில் நியமிக்கப்படவுள்ளனர். 

முதல்வர் மு.க. ஸ்டாலின் தலைமையில் மகளிர் நலத்திற்கு அரசு தொடர்ந்து பணியாற்றி வருகிறது,” எனக் கூறினார்.

விழாவில் கலந்துகொண்டவர்கள்:
மாநகர செயலாளர் ஆனந்தசேகரன், முன்னாள் மேயர் கஸ்தூரி தங்கம், மண்டலத் தலைவர் அன்னலட்சுமி, கவுன்சிலர்கள் சந்திரபோஸ், பொன்னப்பன், இசக்கிராஜா, கனகராஜ், கண்ணன், கந்தசாமி, மாவட்ட அணி தலைவர்கள் அருண்குமார், பழனி, மகளிரணி அமைப்பாளர் கவிதாதேவி, மாநகரஅணி அமைப்பாளர்கள் ஜீவன்ஜேக்கப், ஆனந்தசேகர், அருண்சுந்தர், ஜெபக்கனி, துணை அமைப்பாளர்கள் சந்தனமாறி, மகேஸ்வரன்சிங், சாகுல்ஹமீது, இந்திரா, வினோத், வட்டச் செயலாளர்கள் சுரேஷ், பொன்பெருமாள், பொன்னுச்சாமி, மந்திரகுமார், செல்வராஜ், வட்ட பிரதிநிதிகள் பாஸ்கர், புஷ்பராஜ், பெருமாள்.

மேலும், பெருமாள் கோவில் அறங்காவலர் குழுத் தலைவர் செந்தில்குமார், மின்வாரிய தொழிற்சங்க தலைவர் பேச்சிமுத்து, போல்பேட்டை பகுதி பிரதிநிதிகள் ஜேஸ்பர், லிங்கராஜா, பகுதி மகளிரணி துணை அமைப்பாளர் ரேவதி, மணி, அல்பட் மற்றும் செய்திமக்கள் தொடர்பு உதவி அலுவலர் முத்துக்குமார் உள்ளிட்ட பலர் விழாவில் கலந்து கொண்டனர்.

விழாவின் நன்றியுரையை கோவில்பட்டி ஓருங்கிணைந்து சேவை மைய நிர்வாகி பொன்னுமாரி ஆற்றினார்.