தூத்துக்குடி லீக்ஸ்
நாளிதழுக்கான செய்தி:
Photo news by Arunan journalist
தூத்துக்குடி மாநகராட்சி மேற்கு மண்டலத்தில் குறை தீர்ப்பு முகாம் – 32 மனுக்கள் பெறப்பட்டது
தூத்துக்குடி, மே 14:
தூத்துக்குடி மாநகராட்சி மேற்கு மண்டல அலுவலகத்தில் இன்று (14.05.2025) பொதுமக்கள் குறை தீர்ப்பு முகாம் நடைபெற்றது.
முகாமுக்கு மாநகராட்சி மேயர் . ஜெகன் பெரியசாமி தலைமையேற்றார். மாநகராட்சி ஆணையர் . மதுபாலன் மற்றும் மேற்கு மண்டல தலைவர் அன்னலட்சுமி கோட்டு ராஜா ஆகியோர் முன்னிலையில் முகாம் நடைபெற்றது.
தூத்துக்குடி மாநகராட்சி வாரந்தோறும் புதன்கிழமைகளில் மண்டல அலுவலகங்களில் குறை தீர்ப்பு முகாம் நடத்தி வருகிறது. அதன் ஒரு பகுதியாக இன்று நடைபெற்ற முகாமில், பொதுமக்களிடமிருந்து மொத்தம் 32 மனுக்கள் பெறப்பட்டன.
இம்மனுக்கள் குடிநீர் வசதி, கழிவுநீர் வாய்க்கால் பராமரிப்பு, சாலை திருத்தம், மின்கம்பிகள் இடமாற்றம் உள்ளிட்ட பல்வேறு கோரிக்கைகள் அடங்கியவை.
மேற்கு மண்டல அலுவலர்கள் உடனடியாக மனுக்களை பதிவுசெய்து, அதற்கான நடவடிக்கைகளை மேற்கொள்வதாக உறுதியளித்தனர்.
கருத்துகள் இல்லை:
கருத்துரையிடுக