தூத்துக்குடி அரசு மருத்துவக் கல்லூரியில் ரூ.7 கோடி மதிப்பிலான எம்ஆர்ஐ உபகரணம் பொதுமக்கள் பயன்பாட்டிற்கு திறந்து வைப்பு!

Tamil Nadu updates photo news by Arunan journalist 

தூத்துக்குடி லீக்ஸ் நாளிதழ் செய்தி – 13 மே 2025, செவ்வாய்க்கிழமை

தூத்துக்குடி அரசு மருத்துவக் கல்லூரியில் ரூ.7 கோடி மதிப்பிலான எம்ஆர்ஐ உபகரணம் பொதுமக்கள் பயன்பாட்டிற்கு திறந்து வைப்பு!

தூத்துக்குடி அரசு மருத்துவக் கல்லூரி மருத்துவமனையில் ரூ.7 கோடி மதிப்பில் அமைக்கப்பட்டுள்ள உயர் நவீன காந்த அதிர்வலை (MRI) ஸ்கேன் உபகரணம், இன்று (13.05.2025) செவ்வாய்க்கிழமை காலை பொதுமக்கள் பயன்பாட்டிற்கு திறந்து வைக்கப்பட்டது.

இந்நிகழ்ச்சியில், தூத்துக்குடி பாராளுமன்ற உறுப்பினரும், திமுக துணைப் பொதுச்செயலாளரும், நாடாளுமன்றக் குழுத் தலைவருமான  கனிமொழி கருணாநிதி எம்பி அவர்கள், மக்கள் நலன் கருதி இவ்வசதியைத் தொடங்கி வைத்தார்.

அத்துடன், மாவட்டத்தின் சுகாதார கட்டமைப்பை மேம்படுத்தும் நோக்கில், ரூ.19.23 கோடி மதிப்பீட்டில் புதிதாக கட்டவுள்ள 23 மருத்துவக் கட்டடங்களுக்கு அடிக்கல் நாட்டு விழா நடைபெற்றது. 

மேலும், ரூ.10.65 கோடி மதிப்பீட்டில் முழுமையாக அமைக்கப்பட்டுள்ள 4 புதிய மருத்துவக் கட்டடங்களும் பயன்பாட்டிற்கு கொண்டு வரப்பட்டன.

இந்த அரசு நிகழ்ச்சியில், தமிழக சுகாதாரத்துறை அமைச்சர் . மா. சுப்பிரமணியன், சமூக நலத்துறை அமைச்சர்  கீதா ஜீவன், கல்வி அமைச்சர்  அனிதா இராதாகிருஷ்ணன், தூத்துக்குடி சட்டமன்ற உறுப்பினர்கள் எம்.சி. சண்முகையா,  ஜி.வி. மார்கண்டேயன், மாவட்ட ஆட்சியர். இளம் பகவத், மாநகராட்சி மேயர் . ஜெகன் பெரியசாமி, மாநகராட்சி ஆணையர் . மதுபாலன், மருத்துவக் கல்லூரி முதல்வர்  சிவக்குமார் மற்றும் மாநகரச் செயலாளர்  ஆனந்த சேகரன் உள்ளிட்ட பலர் பங்கேற்றனர்.

இந்நிகழ்ச்சி, தூத்துக்குடி மாவட்டத்தின் மருத்துவத் துறையில் ஒரு புதிய பயணத்தை ஆரம்பித்துள்ளது என கூறப்படுகிறது.