தூத்துக்குடி, மே 2:
தூத்துக்குடி மாவட்டம் மற்றும் மாநகராட்சியின் இணைந்த முயற்சியில், ...
மாணவர்களின் கோடை விடுமுறையை அறிவு பயணமாக மாற்றும் வகையில் '
"ஏனென்று கேள்' எனும் தலைப்பில் கோடைகால அறிவியல் பயிற்சி முகாம் நாளை (மே 3) தொடங்கி
மே 25 வரை அறிவியல் பூங்கா (STEM Park) வளாகத்தில் நடைபெறவுள்ளது.
பயிற்சி!!! இலவசமாக...
இந்த பயிற்சி முகாமில் மூன்றாம் வகுப்பு முதல் ஒன்பதாம் வகுப்பு வரை பயிலும் மாணவர்கள் இலவசமாக பங்கேற்கலாம். தினமும் மாலை 3 மணி முதல் 7 மணி வரை அறிவியல் சிந்தனையை வளர்க்கும் வகுப்புகளும் செய்முறை பயிற்சிகளும் நடத்தப்படும்.
முகாமில் ....
'கணக்கும் இனிக்கும்', 'கைகளில் கண்ணாம் பூச்சி', 'அறிவியல் பரிசோதனைகள்', 'ஒரிகமி', 'கற்பனையும் கைத்திறனும்', 'பொம்மலாட்டம்', 'பலூனில் பொம்மைகள்', 'மந்திரமா தந்திரமா', 'அறிவியல் கோமாளி', 'அறிவியல் ஆனந்தம்', 'கதை சொல்வோம், கதை உருவாக்குவோம்', 'விளையாட்டை கற்போம்', 'நம்புவீர்களா?' போன்ற பல தலைப்புகளில் பயிற்சிகள் வழங்கப்படும்.
சிறப்பம்சமாக, தினமும் மாலை 5.30 முதல் 6.30 மணி வரை நிபுணர்களின் வழிகாட்டுதலுடன் சதுரங்க பயிற்சியும் நடைபெறும். அறிவியல் பூங்காவில் உள்ள அனைத்து அறிவியல் சாதனங்கள் குறித்த விளக்கங்களும் வல்லுநர்களால் வழங்கப்படும்.
சனி மற்றும் ஞாயிறு தினங்களில் மாலை 5 மணி முதல் 7 மணி வரை அறிவியல் மற்றும் குழந்தைகள் விரும்பும் திரைப்படங்கள் காட்டப்பட்டு, அதன் பின்னர் திரைப்பட விமர்சகர்கள் படத்தின் அறிவியல் அம்சங்களை மாணவர்களுக்கு விளக்குவார்கள்.
பெற்றோர்கள் இந்த வாய்ப்பை பயன்படுத்தி தங்கள் குழந்தைகளின் அறிவியல் ஆர்வத்தை வளர்க்க முன்வர வேண்டும் என அதிகாரிகள் தெரிவித்துள்ளனர்.
முன்பதிவிற்கு
+91 95976 13988 / +91 82207 50082 என்ற எண்களில் தொடர்பு கொள்ளலாம் அல்லது அறிவியல் பூங்காவிற்கு நேரில் சென்று பதிவு செய்யலாம்.
கருத்துகள் இல்லை:
கருத்துரையிடுக