திங்கள், 5 மே, 2025

Home / வியாபாரி சங்கம் / Tamil Nadu updates / thoothukudinews / தமிழக அரசு உடனடியாக வணிகர் பாதுகாப்பு நலச் சட்டம் இயற்ற வேண்டும்தூத்துக்குடியில் தமிழ்நாடு வணிகர் சங்கத்தின் 2வது மாநில மாநாடு:

தமிழக அரசு உடனடியாக வணிகர் பாதுகாப்பு நலச் சட்டம் இயற்ற வேண்டும்தூத்துக்குடியில் தமிழ்நாடு வணிகர் சங்கத்தின் 2வது மாநில மாநாடு:

by thoothukudileaks on 4:23 AM in வியாபாரி சங்கம், Tamil Nadu updates, thoothukudinews

Tamil Nadu updates

photo news by Arunan journalist

#தூத்துக்குடியில் தமிழ்நாடு வணிகர் சங்கத்தின் 2வது மாநில மாநாடு:

தமிழக அரசு உடனடியாக வணிகர் பாதுகாப்பு நலச் சட்டம் இயற்ற வேண்டும் மாநில தலைவர் காமராசு வலியுறுத்தல்.

தூத்துக்குடி, மே 5:

தமிழ்நாடு வணிகர் சங்கத்தின் 2வது மாநில மாநாடு தூத்துக்குடி கனி பேலஸ் கூட்டரங்கில் இன்று வெகு விமரிசையாக நடைபெற்றது. மாநில தலைவர் காமாராசு தலைமையில் நடைபெற்ற இம்மாநாடு காலை 10 மணி முதல் மாலை 4 மணி வரை நடைபெற்றது.

42வது வணிகர் தினத்தை முன்னிட்டு "வணிகர்கள் பாதுகாப்பு மாநாடு" என அறிவிக்கப்பட்ட இந்நிகழ்வில் பின்வரும் தீர்மானங்கள் ஒருமனதாக நிறைவேற்றப்பட்டன:

1. தமிழக அரசு உடனடியாக வணிகர்கள் பாதுகாப்பு நலச் சட்டத்தை இயற்ற வேண்டும். தற்போது தமிழகம் எங்கும் வணிகர்களுக்கு பாதுகாப்பு இல்லை, வணிகர்கள் கொலை செய்யப்படுகிறார்கள், கடைகள் சூறையாடப்படுகின்றன.

2.திருச்செந்தூர் முருகப் பெருமானின் திருக்கோவிலில் பரம்பரை பரம்பரையாக வியாபாரம் செய்யும் வணிகர்களின் கடைகள் எவ்வித அறிவிப்பும் இன்றி அகற்றப்பட்டுள்ளன.

அறநிலையத்துறை இங்கு வியாபாரம் செய்த பழைய வணிகர்களுக்கு முருகன் கோவில் கடை வீதிகளில் முன்னுரிமைப்படி கடைகள் ஒதுக்கி கொடுக்க வேண்டும். அதுவரை தற்காலிகமாக மாற்றுக் கடைகள் வழங்கி அவர்களின் வாழ்வாதாரத்தை பாதுகாக்க வேண்டும்.

3.திருச்செந்தூர் முருகன் கோவில் வளாகத்தில் வியாபாரம் செய்யும் சிறு, குறு வியாபாரிகள், தள்ளுவண்டி வியாபாரிகள் ஆகியோரை கோவில் வளாகத்திலிருந்து ரவுடிகள் போல் அகற்றிய நிர்வாகத்தை கண்டிப்பதோடு, அவர்களின் வாழ்வாதாரத்துக்கு உடனடியாக மாற்று இடம் வழங்க வேண்டும்.

4.திருச்செந்தூர் தூண்டுகை விநாயகர் கோவில் எதிர்புறம் தனியார் கட்டடத்தில் பரம்பரை பரம்பரையாக வியாபாரம் செய்யும் சிறு வணிகர்கள் 20 பேருக்கு மட்டும் கட்டிட ரசீது கொடுத்து, பிற கடைகளுக்கு கொடுக்காத நகராட்சி நிர்வாகம் உடனடியாக அனைத்து கடைகளுக்கும் கட்டிட ரசீது கொடுக்க வேண்டும்.

5.தூத்துக்குடி - திருச்செந்தூர் சாலை பழுதடைந்து காணப்படுவதால், உடனடியாக போர்கால அடிப்படையில் சாலையை சீர் செய்து தர வேண்டும்.

6.திருச்செந்தூரிலிருந்து பிற இடங்களுக்கு போக்குவரத்து மேம்படுத்த, தென்னக ரயில்வே ஒரு வந்தே பாரத் ரெயிலும், ஒரு விரைவு ரெயிலும் சென்னை-திருச்செந்தூர் இடையே இயக்க வேண்டும்.

7.நாசரேத் மையமாகக் கொண்டு சிட்கோ தொழிற்சாலை அமைக்க அரசு அனைத்து நிர்வாக செயல்களையும் முடித்துள்ளதால், விரைவில் தொழிற்சாலையை நிறுவி சுற்றுவட்டார மக்களின் வாழ்வாதாரத்தை உயர்த்த வேண்டும்.

8.ஆறுமுகநேரியில் ரெயில்வே மேம்பாலம் அமைக்க வேண்டும். தற்போது ஆறுமுகநேரி ரெயில்வேகேட் எப்பொழுதும் மூடியே இருப்பதால் பொதுமக்கள் அதிகம் சிரமப்படுகின்றனர்.

9.தூத்துக்குடி விமான நிலைய விரிவாக்கம் முடிந்து, புதிய விமான நிலையத்துக்கு டாக்டர் சிவந்தி ஆதித்தனார் பெயர் சூட்ட வேண்டும்.

10.குலசேகரப்பட்டின அனல்மின் நிலைய பணியை விரைவாக முடித்து திறந்து, சுற்றுவட்டார மக்களின் வாழ்வாதாரத்தை உயர்த்த வேண்டும்.

11.மாற்றுத்திறனாளி வணிகர்களுக்கு உபகரணங்கள் அரசு வழங்க வேண்டும்.

12.மாற்று திறனாளி வணிகர்களுக்கு GST-லிருந்து விலக்கு அளிக்க வேண்டும்.

13 அனைத்து வணிகர்களுக்கும் 28%, 18% என உள்ள GST-யை 5% ஆக குறைக்க வேண்டும்.

14. அனைத்து வணிகர்களின் குழந்தைகளும் கல்வி கற்க, கல்வி கட்டணத்திலிருந்து முழு விலக்களிக்க வேண்டும்.

15. வணிகர்களின் தினமான மே 5-ஐ அரசு விடுமுறை தினமாக அறிவிக்க வேண்டும்.

16.தமிழக அரசு சமீபத்தில் உள்ளாட்சி மன்றம், நகராட்சி, மாநகராட்சிகளில் ஏற்றியுள்ள மின்கட்டணம், சொத்து வரி, குடிநீர் கட்டணம், கடை வாடகை வரி, பாதாள சாக்கடை கட்டணங்களை வணிக நிறுவனங்களுக்கு முழுமையாக குறைக்க வேண்டும்.

17.கோவில் இடங்களில் வணிகம் செய்யும் வர்த்தக நிறுவனங்களிடம் 1999-ம் ஆண்டு முதல் வாடகை நிர்ணயம் செய்வதை கைவிட வேண்டும். குத்தகை கட்டணம் வாடகை வசூலிப்பதை கைவிட்டு சதுரஅடிக்கு ரூ.1 கட்டணம் மட்டும் வசூலிக்க வேண்டும்.

18.பட்டா இடங்களை கோவில் இடங்கள் என கூறி அதிகாரிகள் போர்டு வைப்பதை கைவிட வேண்டும். இடத்தை ஜப்தி செய்வதை கைவிட வேண்டும். அந்த இடங்களில் பட்டா இருந்தால் தனி பட்டா வழங்க வேண்டும்.

19.மளிகை, ஹோட்டல், பேக்கரி கடைகளில் ஆய்வு என்ற பெயரில் பாலிதீன் பையை பறிமுதல் செய்வதையும், அதற்கு அபராதம் விதிப்பதையும் தடுக்க வேண்டும். வணிகர்களை விட்டுவிட்டு பாலிதீன் பை தயாரிப்பாளர்களை தடை செய்ய வேண்டும்.

20. வணிகர்களின் வாழ்வாதாரத்தை பாதிக்கின்ற ஆன்லைன் வர்த்தகத்தை மத்திய மாநில அரசுகள் முற்றிலும் தடை செய்ய வேண்டும்.

மாநாட்டில் மேற்கண்ட அனைத்து தீர்மானங்களும் ஒருமனதாக நிறைவேற்றப்பட்டதாக மாநில தலைவர் காமாராசு தெரிவித்தார்.

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.