வெள்ளி, 18 ஏப்ரல், 2025

Home / Tamil Nadu updates / thoothukudinews / தூத்துக்குடி: பேருந்துகளில் டிஜிட்டல் பணப்பரிவர்த்தனை - பயணிகளுக்கு மண்டல பொதுமேலாளர் பாலசுப்பிரமணியம் விழிப்புணர்வு

தூத்துக்குடி: பேருந்துகளில் டிஜிட்டல் பணப்பரிவர்த்தனை - பயணிகளுக்கு மண்டல பொதுமேலாளர் பாலசுப்பிரமணியம் விழிப்புணர்வு

by thoothukudileaks on 12:16 AM in Tamil Nadu updates, thoothukudinews

Tamil Nadu updates

Photo news by Arunan journalist

தூத்துக்குடி: பேருந்துகளில் டிஜிட்டல் பணப்பரிவர்த்தனை - பயணிகளுக்கு மண்டல பொதுமேலாளர் பாலசுப்பிரமணியம் விழிப்புணர்வு நிகழ்ச்சி நடைபெற்றது

பொது மேலாளர் பாலசுப்பிரமணியம் பேருந்தில் உள்ள பயணிகளிடம்....
ஜிபே போன் பே வாட்ஸ் அப் ல பயணச்சீட்டு எடுப்பது குறித்து விழிப்புணர்வு விளக்கம் நிகழ்த்தினார் இடம் தூத்துக்குடி புதிய பேருந்து நிலையம்

தூத்துக்குடி, ஏப்ரல் 18:

தமிழக அரசு அறிவித்தபடி, அரசுப் பேருந்துகளில் டிஜிட்டல் பணப்பரிவர்த்தனை மூலம் பயணச்சீட்டு பெறும் முறை இன்று (18-4-2025)தூத்துக்குடி புதிய பேருந்து நிலையத்தில் பயணிகளுக்கு விளக்கப்பட்டது.

பொதுமேலாளர் பாலசுப்பிரமணியம் தலைமையில் தூத்துக்குடி புதிய பேருந்து நிலையத்தில் தமிழக அரசு அறிவித்த டிஜிட்டல் முறையில் ஜீபே போன் பே வாட்ஸ் அப் செயலி மூலம் பயணச்சீட்டு பயணிகள் பெறுவது எப்படி விளக்கவுரை விழிப்புணர்வு நிகழ்ச்சி நடைபெற்றது

நேற்று முன்தினம் தமிழக அரசு அறிவித்த இந்த புதிய திட்டம், நெல்லை-தூத்துக்குடி மண்டலத்தில் அறிமுகப்படுத்தப்பட்டதை தொடர்ந்து, இன்று தூத்துக்குடி புதிய பேருந்து நிலையத்திலிருந்து வெளியூர் செல்லும் அரசுப் பேருந்துகளில் போக்குவரத்துக் கழகப் பொதுமேலாளர் பாலசுப்பிரமணியன் பயணிகளுக்கு விழிப்புணர்வு நிகழ்ச்சி நடத்தினார்.

இந்நிகழ்ச்சியில் பொதுமக்களிடம் பேசிய பாலசுப்பிரமணியன், "ஜிபே, போன் பே, வாட்ஸ்அப் போன்ற செயலிகள் மூலம் க்யூ.ஆர் கோடு ஸ்கேன் செய்து பணம் செலுத்தி நடத்துநரிடம் பயணச்சீட்டு பெறலாம். அரசுப் போக்குவரத்துக் கழகம் சார்பில் பயணிகளுக்கு புதிய வசதிகளை ஏற்படுத்தும் வகையில், இந்த டிஜிட்டல் பணப்பரிவர்த்தனை முறை அறிமுகப்படுத்தப்பட்டுள்ளது" என்றார்.

மேலும் அவர், "டெபிட், கிரெடிட் அட்டைகளை ஸ்வைப் செய்தோ, கியூஆர் கோடு ஸ்கேன் செய்தோ, ஜிபே, போன் பே போன்ற செயலிகள் மூலமாகவோ பணம் செலுத்தி, நடத்துநரிடம் பயணச்சீட்டு எளிதாக பெறலாம்.

பொதுமக்கள் அனைவரும் தமிழக போக்குவரத்து கழகத்தின் இந்த சேவையை பயன்படுத்துமாறு கேட்டுக்கொள்கிறேன்" என்று தெரிவித்தார்.

இந்த விழிப்புணர்வு நிகழ்ச்சியில் கோட்ட மேலாளர் ரமேஷ், புறநகர் கிளை மேலாளர் ரமேஷ் பாபு, நகர கிளை மேலாளர் ரமேஷ் கார்த்திக் மற்றும் ஓட்டுநர், நடத்துநர் உள்ளிட்ட பலர் கலந்து கொண்டனர்.

இந்த புதிய முறை பயணிகளுக்கு பயணச்சீட்டு பெறுவதில் எளிமையை ஏற்படுத்துவதோடு, ரொக்கப் பணம் கையாளுவதில் உள்ள சிக்கல்களையும் குறைக்கும் என எதிர்பார்க்கப்படுகிறது.

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.