Tamil Nadu updates,
Photo news by Arunan journalist
மதுரை-தூத்துக்குடி தேசிய நெடுஞ்சாலை: பராமரிப்பு பிரச்சினைகள் குறித்து கனிமொழி எம்.பி. கேள்வி - நிதின் கட்கரி பதில்
மதுரை: மதுரை-தூத்துக்குடி தேசிய நெடுஞ்சாலை (NH-38) பகுதியில் பராமரிப்பு பிரச்சினைகள் தொடர்பாக வந்துள்ள புகார்களை அரசு அறிந்துள்ளதா? அப்படி என்றால், அவற்றை சரிசெய்ய எடுக்கப்பட்ட நடவடிக்கைகள் என்ன? என்று திமுக துணைப் பொதுச் செயலாளர் மற்றும் நாடாளுமன்ற உறுப்பினர் கனிமொழி கருணாநிதி எம்.பி. நாடாளுமன்றத்தில் கேள்வி எழுப்பினார்.
இதற்கு ஒன்றிய சாலைப் போக்குவரத்து மற்றும் நெடுஞ்சாலைகள் துறை அமைச்சர் நிதின் ஜெய்ராம் கட்கரி பதிலளிக்கையில், "மதுரை-தூத்துக்குடி நெடுஞ்சாலைப் பகுதி தொடர்பாக அரசுக்கு புகார்கள் வந்துள்ளன. இந்த சாலை முதலில் BOT (Build-Operate-Transfer) திட்டத்தின் கீழ் மதுரை-தூத்துக்குடி எக்ஸ்பிரஸ் வேஸ் லிமிடெட் நிறுவனத்திற்கு ஒப்பந்தமாக வழங்கப்பட்டது. ஆனால், அந்நிறுவனத்தின் பல்வேறு தவறுகள் காரணமாக ஒப்பந்தம் மார்ச் 17, 2023 அன்று ரத்து செய்யப்பட்டது.
ஒப்பந்த ரத்து செய்யப்பட்ட பிறகு, முழு சாலையின் மேலடுக்கு மற்றும் பராமரிப்புப் பணிகள் ரூ. 144.6 கோடிக்கு ஒதுக்கீடு செய்யப்பட்டன. இதுவரை 46.3 கி.மீ. சாலைக்கான பராமரிப்புப் பணிகள் நிறைவடைந்துள்ளன. மீதமுள்ள பணிகள் 2025 டிசம்பருக்குள் முடிக்கப்படும்" என தெரிவித்துள்ளார்.
கருத்துகள் இல்லை:
கருத்துரையிடுக