திராவிட மாடல் ஆட்சியில் திராவிட மொழிகளுக்கு தமிழகத்தில் இடமில்லையா? - பாஜக மாநில செய்தி தொடர்பாளர் ஏ.என்.எஸ். பிரசாத்

 Tamil Nadu updates,18-2-2025

திராவிட மாடல் ஆட்சியில் திராவிட மொழிகளுக்கு தமிழகத்தில் இடமில்லையா? - பாஜக மாநில செய்தி தொடர்பாளர் ஏ.என்.எஸ். பிரசாத்

சென்னை: தமிழகத்தில் மும்மொழி கொள்கை நடைமுறைப்படுத்தப்பட வேண்டும் என்ற பாரதிய ஜனதா கட்சியின் (பாஜக) வலியுறுத்தல் தொடர்கிறது. 

மாநில பாஜக செய்தி தொடர்பாளர் ஏ.என்.எஸ். பிரசாத் இதுகுறித்து வெளியிட்ட அறிக்கையில், ....

"மத்திய அரசின் மும்மொழி கொள்கையை எதிர்ப்பது, இந்திய அரசியல் சாசனத்திற்கு எதிராகும். தமிழ், ஆங்கிலத்துடன் மாணவர்கள் விரும்பும் மொழிகளை தேர்ந்தெடுத்து படிக்க தமிழக அரசு அனுமதிக்க மறுப்பது அதிர்ச்சி அளிக்கிறது," என்று தெரிவித்தார்.

அவர் மேலும் கூறுகையில், "மும்மொழி கொள்கைக்கு எதிராக திமுக அரசு செயற்கையான ஹிந்தி எதிர்ப்பு நிலைப்பாட்டை தக்க வைத்திருக்க முயல்கிறது. ஆனால், இதன் மூலம் தமிழக மாணவர்களின் எதிர்காலத்தை திமுக அரசு தானாகவே மோசமாக்கிக்கொள்கிறது. 

தமிழக அரசு நடத்தும் பள்ளிகளில் மட்டுமே மும்மொழி கொள்கை அமலாகாதது என்பது மிகப்பெரிய வேடிக்கையான நிலை."

மாணவர்களுக்கு மும்மொழி கொள்கை நலன்

புதிய தேசிய கல்விக் கொள்கை படி, மாணவர்கள் தங்கள் விருப்பத்திற்கேற்ப மூன்றாவது மொழியை தேர்ந்தெடுக்கலாம். தமிழகத்தில் 25% மக்கள் தெலுங்கு பேசுபவர்கள். அதேபோல், கன்னடம், மலையாளம் பேசுபவர்களும் கணிசமான எண்ணிக்கையில் உள்ளனர். அவர்கள் தங்கள் சொந்த மொழியை படிக்க தமிழக அரசு அனுமதிக்க வேண்டும். ஆனால், திமுக அரசு இதற்கு எதிராக செயல்படுகிறது.

மாணவர்களின் எதிர்காலத்துக்கு தடையாக திமுக அரசு

"மும்மொழி கொள்கைக்கு எதிராக திமுக அரசு போராட்டம் நடத்தி மாணவர்களை குழப்புகிறது. இதற்கு மத்திய அரசு முற்றுப்புள்ளி வைத்து, மாணவர்கள் தாய்மொழியோடு மற்ற மொழிகளையும் படிக்கலாம் என உறுதிப்படுத்தியுள்ளது. 

தேசிய கல்விக் கொள்கை மூலம் அரசு பள்ளிகளை மேம்படுத்தும் முயற்சியில் திமுக அரசு பின்னடைவை ஏற்படுத்துகிறது. முதலில் ஒப்புக்கொண்ட 'பிஎம் ஸ்ரீ' திட்டத்தை செயல்படுத்த மறுக்கிறது, ஆனால் அதற்கான நிதியை கேட்கிறது," என்று ஏ.என்.எஸ். பிரசாத் குற்றம் சாட்டினார்.

மொழி அரசியலை மக்களால் ஏற்றுக்கொள்ள முடியாது

"திமுகவினர் மற்றும் பல அரசியல்வாதிகளின் பிள்ளைகள் சி.பி.எஸ்.இ மற்றும் சர்வதேச பள்ளிகளில் மூன்றாவது மொழியாக இந்தியைப் படிக்கிறார்கள். 

ஆனால், அரசு பள்ளிகளில் படிக்கும் ஏழை மாணவர்களுக்கு அதே உரிமையை மறுப்பது ஏன்? மக்கள் மொழி உணர்வை தூண்டிவிட்டு, அரசியல் ஆதாயம் பெறும் திமுக அரசின் சூழ்ச்சியை தமிழக மக்கள் புரிந்து கொண்டுள்ளனர்," என்றார்.

மாணவர்களின் எதிர்காலத்தை சிதைக்கும் திமுக ஆட்சி - பாஜக கண்டனம்

"மும்மொழி கொள்கை அமல்படுத்தப்பட வேண்டும். திமுக அரசு அரசியல் ஆதாயத்திற்காக மாணவர்களின் எதிர்காலத்தைக் கைப்பற்ற முயல்கிறது. 2026 சட்டமன்றத் தேர்தலுக்காக கல்வி கொள்கையை இருபது செய்யும் அரசின் சூழ்ச்சியை மாணவர்கள், ஆசிரியர்கள், பெற்றோர்கள் புரிந்து கொள்ள வேண்டும்," என தனது அறிக்கையில் ஏ.என்.எஸ். பிரசாத் வலியுறுத்தினார்.

மத்திய நரேந்திர மோடி அரசின் தொலைநோக்கு திட்டங்கள்

புதிய தேசிய கல்விக் கொள்கையின்படி, அரசு பள்ளிகளை மேம்படுத்த 'பிஎம் ஸ்ரீ' என்ற திட்டத்தை மத்திய பாஜக அரசு செயல்படுத்தி வருகிறது. இத்திட்டத்தை செயல்படுத்துவதாக முதலில் ஒப்புக்கொண்ட திமுக அரசு, பிறகு மறுத்து விட்டது. ஆனால், திட்டத்திற்கான நிதியை மட்டும் கேட்கிறது. ஒரு திட்டத்திற்காக ஒதுக்கப்படும் நிதியை, அத்திட்டத்தை செயல்படுத்தினால் மட்டுமே வழங்க முடியும் என்பது மத்திய கல்வி அமைச்சர் தர்மேந்திர பிரதானின் வாதம்.

தமிழகத்தில், இந்தியாவிற்கு எதிரான ஒரு எண்ணத்தை விதைத்து, பிரிவினைவாத சிந்தனையை மக்களிடம் எப்போதும் தக்க வைத்துக் கொண்டே இருக்க வேண்டும் என்பது திமுகவின் செயல்திட்டம். அதற்கு இதையொரு வாய்ப்பாக பயன்படுத்தி, மத்திய அரசு, இந்தியை திணிக்கிறது எந்த பொய் பிரச்சாரத்தை மீண்டும் தொடங்கியுள்ளனர்.

மும்மொழிக் கொள்கையில் திராவிட மொழிகளுக்கு இடமில்லை!

புதிய தேசிய கல்விக் கொள்கையில், இந்தி மொழி எங்கும் கட்டாயமாக்கப்படவில்லை. மூன்றாவது மொழியாக இந்திய அரசியலமைப்பில் அட்டவணைப்படுத்தப்பட்டுள்ள இந்திய மொழிகளில் ஏதாவது ஒன்றை படிக்கலாம் என்று தான் கூறப்பட்டுள்ளது. தமிழகத்தில் தெலுங்கு மொழி பேசுபவர்கள் 25 சதவீதம் இருக்கிறார்கள். 

கன்னடம், மலையாளம் பேசுபவர்களும் கணிசமாக இருக்கிறார்கள். தமிழகத்தில் மும்மொழிக் கொள்கை நடைமுறையில் இருந்தால், தெலுங்கு, கன்னடம், மலையாளம் மொழி பேசுபவர்கள் அவரவர் மொழியை படிக்க ஒரு வாய்ப்பு கிடைக்கும். திராவிடம் என்பதை கட்சியின் பெயரில் வைத்திருக்கும் திமுக, திராவிட மொழிகளைக்கூட படிக்கும் வாய்ப்பை மறுப்பது ஏன்? தமிழகத்தில் திராவிட மொழிகளுக்கு கூட இடமில்லையா?

தமிழக அரசு நடத்தும் பள்ளிகளை தவிர மற்ற அனைத்து பள்ளிகளிலும் மும்மொழிக் கொள்கை இருக்கிறது. 

திமுகவினர் பலர் சி.பி.எஸ்.இ. பள்ளிகளையும், சர்வதேச பள்ளிகளையும் நடத்துகிறார்கள். அதில் மூன்றாவது மொழியாக பெரும்பாலும் இந்தி தான் இருக்கிறது. 

"திமுகவினர் உட்பட அரசியல்வாதிகளின் பிள்ளைகள் தமிழகத்தில் மும்மொழிதான் படிக்கிறார்கள்."

ஆனால், அரசு பள்ளிகளில் படிக்கும் மாணவர்களுக்கு மட்டும் இந்த வாய்ப்பை மறுப்பது ஏன்? தமிழக மக்கள் மொழி அரசியலை நன்கு புரிந்திருக்கிறார்கள்."

எனவே, தமிழகத்தில் மும்மொழிக் கொள்கையை நடைமுறைப்படுத்த வேண்டும் என்றார் ஏ.என்.எஸ். பிரசாத்.