அம்மா பிறந்தநாள் விழா கோலாகலம்: முன்னாள் அமைச்சர் சண்முகநாதன் தலைமையில் சிறப்பு நிகழ்ச்சிகள்

by thoothukudileaks on 10:49 PM in அதிமுக, முன்னாள் அமைச்சர், ADMK news, Tamil Nadu updates, thoothukudinews

தூத்துக்குடியில் # முன்னாள் முதலமைச்சர் புரட்சி தலைவி ஜெயலலிதா பிறந்தநாள் விழா கோலாகலம்: முன்னாள் அமைச்சர் சண்முகநாதன் தலைமையில் சிறப்பு நிகழ்ச்சிகள்

தூத்துக்குடி, பிப். 24-

புரட்சித்தலைவி அம்மா அவர்களின் 77வது பிறந்தநாள் விழா தூத்துக்குடியில் வெகு விமரிசையாக கொண்டாடப்பட்டது.

கழகப் பொதுச் செயலாளரும், சட்டமன்ற எதிர்க்கட்சித் தலைவருமான முன்னாள் முதலமைச்சர் எடப்பாடி பழனிசாமி உத்தரவின்படி, தூத்துக்குடி தெற்கு மாவட்ட கழகம் சார்பில் பல்வேறு நிகழ்ச்சிகள் நடைபெற்றன.

காலை 9.30 மணியளவில் மாவட்ட கழக அலுவலகத்தில் நடைபெற்ற முதன்மை நிகழ்ச்சியில், தூத்துக்குடி தெற்கு மாவட்ட கழக செயலாளரும் முன்னாள் அமைச்சருமான எஸ்.பி. சண்முகநாதன் தலைமையில் அம்மாவின் திருஉருவப்படத்திற்கு மாலை அணிவிக்கப்பட்டது.

இதனைத் தொடர்ந்து பட்டாசுகள் வெடித்து, கலந்து கொண்டவர்களுக்கு கேக் 🍰 லட்டு இனிப்புகள் வழங்கப்பட்டன.

தூத்துக்குடி மாநகராட்சி முன்பு உள்ள காய்கறி மார்க்கெட் பகுதியில், தெற்கு மாவட்ட சிறுபான்மை பிரிவு செயலாளர் பிரபாகரன் பொதுமக்களுக்கு இனிப்பு மற்றும் கேசரி வழங்கும் நிகழ்ச்சி நடைபெற்றது.

பழைய மாநகராட்சி பகுதியில், மத்திய வடக்கு பகுதி செயலாளர் ஜெய்கணேஷ் பொதுமக்களுக்கு வேட்டி, சேலை வழங்கும் நிகழ்வு நடத்தப்பட்டது.

விழா நிகழ்ச்சிகளில் பெருந்திரளான கழக தொண்டர்களும், பொதுமக்களும் ஆர்வத்துடன் பங்கேற்று கொண்டாடினர். கழகத்தின் பல்வேறு பிரிவுகளின் சார்பில் நடைபெற்ற நிகழ்ச்சிகள் அனைத்தும் சிறப்பாக நடைபெற்றது.

About thoothukudileaks
Soratemplates is a blogger resources site is a provider of high quality blogger template with premium looking layout and robust design. The main mission of templatesyard is to provide the best quality blogger templates.