தூத்துக்குடியில் கிறிஸ்தவ சபையில் என்ன நடக்கிறது??? நிர்வாகிகள் மீது காவல்துறை யில் தொடர்ந்து புகார் தூத்துக்குடி நாசரேத் திருச்சபை கிறிஸ்துவர்கள் மத்தியில் பரபரப்பு

 தூத்துக்குடியில் திருமண்டல முக்கிய பிரமுகர் மீது போலீசார் வழக்குப் பதிவு செய்துள்ளது... சபை மக்களிடையே பரபரப்பு இன்று வாட்ஸ் அப் குருப் களில் அதிக அளவில் பகிரப்பட்டு தாக்கத்தை ஏற்படுத்தியுள்ளது. 

வீடியோ க்கள் தகவல் வெளியாகியுள்ளது அதன் விவரமாவது:-

தூத்துக்குடி - நாசரேத் திருமண்டலம், கிருஷ்ணராஜபுரம் எபனேசர் ஆலயத்தில் 23 கமிட்டி உறுப்பினர்களில் 3 பேர் தகுதி இழப்பு காரணமாக பதவியில் இருந்து விலக்கப்பட்டனர். இவர்களுக்கு பதிலாக புதிய உறுப்பினர்கள் நியமிக்கப்பட்டனர். இதற்கு எபனேசர் ஆலய சபை மக்கள் எதிர்ப்பு தெரிவித்தனர். 

இதனைத் தொடர்ந்து குருவானவர்கள் அனைவரும் ஒன்றுதிரண்டு சபை உறுப்பினர்கள் மீது வடபாகம் காவல் நிலையத்தில் புகார் மனு அளித்தனர். 

இதனைத் தொடர்ந்து எபனேசர் ஆலய உறுப்பினர்கள் மற்றும் சபை மக்கள் தொடர்ந்து போராட்டத்தில் ஈடுபட்டு வருகின்றனர். 

இதனிடையே இப்போராட்டத்திற்கு முழு ஆதரவளித்து முன்னிலையில் இருந்து செயல்பட்ட டிகேஎம் ஜான்சன் டேவிட் என்பவர் மீது திரவியபுரம் குருவானவர் தமிழ்ச்செல்வன் அளித்த புகாரின் பேரில் தென்பாகம் காவல் நிலையத்தில் சப் இன்ஸ்பெக்டர் சிவக்குமார் வழக்குப் பதிவு செய்துள்ளார். 

இன்று டுவிபுரம் திருச்சபை யில் வீடியோ பார்க்க...

Video 

இது திருமண்டல நிர்வாகிகள் மற்றும் சபை மக்கள் இடையே பரபரப்பை ஏற்படுத்தியுள்ளது. 

இதுகுறித்து சண்முகபுரம் சபையைச் சேர்ந்த பிரபாகர் கூறுகையில், "தென்பாகம் காவல் நிலையத்தில் டிகேஎம் ஜான்சன் டேவிட் மீது வழக்கு பதிவு செய்யப்பட்டுள்ளது. கடந்த 2022வருடம் பேராயரின் ஆணையாளரை குருவானவரின்  ஓய்வு பெறும்  வயதை 70 ஆக்க சண்முகபுரம் ஆலயத்தில் கூட்டம் நடத்த வந்தவரை விரட்டி விட்ட காரணத்தினால்  அவர் மீது தற்போது காலம் கடந்து பொய் வழக்குப் பதிவு செய்யப்பட்டுள்ளது. 

இந்த போராட்டம் தென்னிந்திய திருச்சபையில் உள்ள எல்லா திருமண்டலத்திலும் ஒரு எழுச்சி பெற்றது. நீதித்துறையும் தன் கடமையை செய்து 70 வயது சட்ட விரோதம் என அறிவித்தது. தீர்ப்பு வந்த இரண்டே நாளில் இந்த வழக்குப் பதிவு செய்யப்பட்டுள்ளது. யாருடைய ஆணவத்திற்கும் அடிபணிய மாட்டோம். இயேசு கிறிஸ்து திருச்சபையை காப்பாற்றுவார் என்று தெரிவித்தார். 

தூத்துக்குடியில் திருமண்டல விவகாரம் விஸ்வரூபம் எடுத்துள்ளது. இது ஒருபுறமிருக்க, பாலியல் புகார் மற்றும் பணம் கையாடலில் சிக்கிய பாதிரியார்கள் சிலருக்கு மீண்டும் பணி வழங்கப்பட்டது. அவர்கள் மீது நடவடிக்கை எடுக்காமல் அவர்களுக்கு பணி வழங்கி அவர்கள் தேர்ந்தெடுக்கப்பட்ட கமிட்டிகளை எல்லாம் கலைத்து வருகின்றனர். 

பாலியல் புகார் மற்றும் பணம் கையாடல் செய்து கடந்த நிர்வாகத்தினால் பணி நீக்கம் செய்யப்பட்டவர்களை எல்லாம் பணியில் சேர்த்து கொண்டு, நேர்மையாக செயல்பட்ட ஜாண்சன் டேவிட் போன்றவர்கள் மீது நடவடிக்கை எடுக்கப்படுள்ளதாக  முகநூல் மற்றும் வலைதளத்தில் அவருக்கு ஆதரவாக சிலர் கருத்து தெரிவித்து வருகின்றனர். 

இந்நிலையில் இன்று காலை தூத்துக்குடி டூவிபுரம் சபையிலும் தேர்ந்தெடுக்கப்பட்ட நிர்வாகிகளை மாற்றிவிட்டு புதிய நிர்வாகிகளை நியமித்து கமிட்டி கூட்டம் நடத்த முயன்ற குருவானவர் எமில்சிங்கிற்கு சபைமக்கள் எதிர்ப்பு தெரிவித்து போராட்டம் நடத்தியதால் கூட்டம் நிறுத்தப் பட்டது.. ஏற்கனவே வடக்கூர் பரி.பேட்ரிக்ஸ்ஆலயத்திலும் கமிட்டி நடத்த எதிர்ப்பு தெரிவித்து அந்த சபையிலும் போராட்டம் நடந்து வருகிறது. 

இப்படி பல்வேறு சபைகளில் போராட்டம் நடந்து வருவதால் திருமண்டல மக்கள் மத்தியில் பரபரப்பு ஏற்பட்டுள்ளது.