தூத்துக்குடி மாவட்டம் : 26.07.2023
Police news
தூத்துக்குடி எஸ்.எஸ்.பிள்ளை மார்க்கட் பகுதியில் தகராறு செய்து தாக்கி கொலை முயற்சியில் ஈடுபட்ட 2 பேர் கைது.இருவர் தப்பியோட்டம்
இது பற்றிய செய்தியாவது:-
தூத்துக்குடி எஸ்.எஸ் பிள்ளை தெருவை சேர்ந்த எலியாஸ் என்பவர் மார்கட் பகுதியில் பெட்டிக்கடை நடத்தி வருகிறார்.
இந்நிலையில் கடந்த (24.07.2023) அன்று தூத்துக்குடி முத்துகிருஷ்ணாபுரம் பகுதியைச் சேர்ந்த பழனிச்சாமி மகன் சௌந்தரபாண்டி (23) என்பவர் மேற்படி பெட்டிக்கடையில் சிகரெட் வாங்கிவிட்டு பணம் கொடுக்காமல் இருந்துள்ளார்.
இதுகுறித்து எலியாஸின் மகனான அந்தோணி ஞானபிரகாஷ் (37) என்பவர் சௌந்தரபாண்டியிடம் கேட்டுள்ளார்.
இதனால் ஆத்திரமடைந்த சௌந்தரபாண்டி தனது நண்பர்களான தூத்துக்குடி ஆரோக்கியபுரம் பகுதியைச் சேர்ந்த வேல்முருகன் மகன் செல்வபெருமாள் (எ) கட்டபெருமாள் (21), தூத்துக்குடி ரஹமத்துல்லாபுரம் பகுதியைச் சேர்ந்த ராமநாதன் மகன் கோபி (22) மற்றும் தூத்துக்குடி எஸ்.எஸ் பிள்ளை தெருவை சேர்ந்த செல்லப்பா மகன் ராசையா (எ) கலாம் (21) ஆகிய 4 பேருடன் சேர்ந்து மேற்படி அந்தோணி ஞானபிரகாஷிடம் தகராறு செய்து அவரை அரிவாளால் தாக்கி கொலை முயற்சி ஈடுபட்டுள்ளனர்.
இதுகுறித்து அந்தோணி ஞானபிரகாஷ் அளித்த புகாரின் பேரில் தூத்துக்குடி வடபாகம் காவல் நிலைய ஆய்வாளர் பிரேம் ஆனந்த் வழக்கு பதிவு செய்து எதிரிகளான செல்வபெருமாள் (எ) கட்ட பெருமாள் மற்றும் கோபி ஆகிய 2 பேரையும் கைது செய்தார்.
மேலும் இதுகுறித்து தூத்துக்குடி வடபாகம் காவல் நிலைய போலீசார் தீவிர விசாரணை மேற்கொண்டு தலைமறைவான மற்ற எதிரிகளை தேடி வருகின்றனர்.
மேற்படி கைது செய்யப்பட்ட எதிரி செல்வபெருமாள் (எ) கட்டபெருமாள் மீது ஏற்கனவே தூத்துக்குடி வடபாகம் காவல் நிலையத்தில் கொலை மிரட்டல் உட்பட 5 வழக்குகளும், எதிரி கோபி மீது ஏற்கனவே தூத்துக்குடி வடபாகம் காவல் நிலையத்தில் திருட்டு வழக்குகள் உட்பட 5 வழக்குகளும், தென்பாகம் காவல் நிலையத்தில் 2 வழக்குகளும் என 7 வழக்குகள் உள்ளது குறிப்பிடத்தக்கது.
கருத்துகள் இல்லை:
கருத்துரையிடுக