வியாழன், 16 பிப்ரவரி, 2023

Home / THOOTHUKUDI New / thoothukudinews / ஸ்ரீசித்தர் பீடத்தில் வரும் 18ம் தேதி மஹா சிவராத்திரி விழா 20ம் தேதி வித்யா விருத்தி மஹா யாகம்!

ஸ்ரீசித்தர் பீடத்தில் வரும் 18ம் தேதி மஹா சிவராத்திரி விழா 20ம் தேதி வித்யா விருத்தி மஹா யாகம்!

by thoothukudileaks on 12:21 AM in THOOTHUKUDI New, thoothukudinews

thoothukudileaks 16-2-2023

photo news by shanmuga Sundaram

தூத்துக்குடி ஸ்ரீசித்தர் பீடத்தில் வரும் 18ம் தேதி மஹா சிவராத்திரி விழாவும், அதனைத்தொடர்ந்து 20ம் தேதி பொதுத்தேர்வு எழுதும் மாணவர்களுக்காக வித்யாவிருத்தி மஹா யாகமும் நடைபெறுகிறது.

தூத்துக்குடி கோரம்பள்ளம் அய்யனடைப்பு ஸ்ரீசித்தர் நகரில் ஸ்ரீமஹா பிரத்தியங்கிராதேவி-காலபைரவர் ஸ்ரீசித்தர் பீடம் அமைந்துள்ளது. இங்கு, குருபகவான் குருமகாலிங்கேஸ்வராக தனிசந்தியில் எழுந்தருளியுள்ளது மிகவும் சிறப்பான அம்சமாகும்.

குருமகாலிங்கேஸ்வரருக்கு ஆண்டுதோறும் மஹா சிவராத்திரி விழா கொண்டாடப்பட்டு வருகிறது. 18ம் தேதி காலை கணபதி, -நவக்கிரக ஹோமம், கோ பூஜை, மஹாலெட்சுமி ஹோமத்துடன் மஹா சிவராத்திரி விழா துவங்குகிறது. மாலை நவக்கிர பூஜை, லலிதா சகஸ்ர நாமம், மஹாபூஜை-தீபாரதனையும், இரவு மஹா சிவராத்திரி வழிபாடு பூஜைகளும், பூர்ணாகுதி, அபிஷேக அலங்கார தீபாரதனைகளும் நடைபெறுகிறது.

இரவு 10மணிக்கு ‘மனித வாழ்க்கையில் மனநிறைவு தருவது இறை அருளா.? அல்லது இறைவன் தந்த பொருளா.? என்ற தலைப்பில் பேராசிரியர் செபாஸ்டின் தலைமையில் நகைச்சுவை வழக்காடு மன்றம் நடைபெறுகிறது.

தொடர்ந்து இரவு 12மணிக்கு மஹா அபிஷேகம், தமிழ் மறையில் தேவார திருவாசக பாராயணமும், அதன்பின்பு அதிகாலை 2மணிக்கு சதுர்வேத பாராயணமும், அதிகாலை 4மணிக்கு சிறப்பு அபிஷேக அலங்கார தீபாரதனை மற்றும் பக்தர்களுக்கு பிரசாதம் வழங்குதலுடன் மஹா சிவராத்திரி விழா நிறைவடைகிறது.

அதனைத் தொடர்ந்து, 20ம் தேதி(திங்கட்கிழமை) மாசி மாத அமாவாசையை முன்னிட்டு மாணவ-மாணவியர்களின் கல்வி ஞானமும், ஞாபக சக்தியும் அதிகரித்து 10ம் வகுப்பு, 11, 12ம் வகுப்பு பொதுத்தேர்வுகளில் நன்றாக தேர்வு எழுதி அதிக மதிப்பெண்கள் பெற்றிடுவதற்காக ஸ்ரீமஹா சரஸ்வதிதேவிக்கு மஹா யாகத்துடன் கூடிய சிறப்பு வித்யா விருத்தி ஹோம வழிபாடு நடைபெறுகிறது.

அன்று காலை 10மணிக்கு மஹாகணபதி-மஹாலெட்சுமி ஹோமமும், பகல் 11மணிக்கு ஸ்ரீமஹா சரஸ்வதிதேவிக்கு மஹா யாக சிறப்பு வழிபாடும், மதியம் 12.30மணிக்கு அபிஷேக அலங்கார தீபாரதனையும், மதியம் 2மணிக்கு அன்னதானமும் நடைபெறுகிறது.

வரும் மார்ச் மாதத்தில் நடைபெறும் எஸ்.எஸ்.எல்.சி மற்றும் பிளஸ் ஒன், பிளஸ்டூ பொதுத்தேர்வுகளில் மாணவ-மாணவியர்கள் அதிக மதிப்பெண்கள் பெற்றிடுவதற்காக நடத்தப்படும் சிறப்பு மஹா வித்யா விருத்தி ஹோம வழிபாட்டில் பங்கேற்கும் மாணவ-மாணவியர்களுக்கு ‘சாக்தஸ்ரீ’ சற்குரு சீனிவாச சித்தர் மஹா யாகத்தில் வைத்து வழிபட்ட பேனாக்களை பரிசாக வழங்குவது குறிப்பிடத்தக்கதாகும்.

மஹா யாக சிறப்பு வழிபாட்டில் பங்கேற்கும் மாணவ-மாணவியர்கள் தங்களது பெயர், வகுப்பு, நட்சத்திரம் உள்ளிட்ட விபரங்களை 94434 04832, 63698 74760, 70108 87829, 99432 03700 என்ற செல்போன் எண்களில் முன்பதிவு செய்திடுதல் வேண்டும்.

மஹா சிவராத்திரி விழா மற்றும் ஸ்ரீமஹா சரஸ்வதிதேவிக்கான சிறப்பு வித்யா விருத்தி மஹா யாகத்தில் சிவபக்தர்கள், ஆன்மீக அன்பர்கள், மாணவ-மாணவியர்கள், ஆசிரியபெருமக்கள், பெற்றோர்கள் தவறாமல் பங்கேற்று குருமகாலிங்கேஸ்வரர், மஹா சரஸ்வதிதேவியின் பேரருளை பெற்றுச்செல்லுமாறு ‘சாக்தஸ்ரீ’ சற்குரு சீனிவாசசித்தர் கேட்டுக்கொண்டுள்ளார்.

விழாவிற்கான ஏற்பாடுகளை ஸ்ரீசித்தர் பீடத்தின் மகளிரணியினர் மற்றும் பக்தர்கள் செய்து வருகின்றனர்.