அவிநாசி, நத்தம்பாளையத்தில், ஒரு பனியன் நிறுவனத்தின் ஆண்கள் விடுதி உள்ளது. இங்கு தங்கி, பனியன் நிறுவனத்தில் பணிபுரிந்து வருபவர், வினோத், 21. மயிலாடுதுறை, எஸ்.புதுார், புளியகுடியை சேர்ந்தவர்.
விடுதியில் உள்ள குளிக்கும் இடத்தில், அதே விடுதியில் தங்கி, நிறுவனத்தில் பணிபுரியும் பீகார் மாநிலத்தை சேர்ந்த டனிஸ், 24, முகேஷ்குமார் யாதவ், 26, முகமது ரகீம், 35, சுனில் யாதவ், 24 ஆகியோருக்கும், வினோத்துக்கும் இடையே வாய்தகராறு ஏற்பட்டுள்ளது.இதில், வட மாநில தொழிலாளர்கள், வினோத்தை சராமாரியாக தாக்கி, கொலை மிரட்டல் விடுத்துள்ளனர். இதில், வினோத்தின் தலையில் பலத்த காயம் ஏற்பட்டது.
அவரது நண்பர்கள் பரத், சிவா ஆகியோரையும், வட மாநில தொழிலாளர்கள் கற்களை கொண்டு தாக்க முற்பட, அவர்கள் தப்பித்துள்ளனர். படுகாயமடைந்த வினோத், ஆபத்தான நிலையில் கோவை அரசு மருத்துவக் கல்லுாரி மருத்துவமனையில் அனுமதிக்கப்பட்டார்.அவிநாசி போலீசார், வட மாநில தொழிலாளர்கள் நால்வரையும் கைது செய்து, நீதிமன்றத்தில் ஆஜர்படுத்தி சிறையில் அடைத்தனர்.
கருத்துகள் இல்லை:
கருத்துரையிடுக