தினத்தந்தி அதிபர் சிவந்தி ஆதித்தனார் 9வது ஆண்டு நினைவு நாள் திருச்செந்தூரில் உள்ள சிவந்தி ஆதித்தனார் மணிமண்டபத்தில் அவரது திருவுருவச் சிலைக்கு அதிமுக முன்னாள் அமைச்சர் எஸ்பி சண்முகநாதன் மாலை அணிவித்து மரியாதை செலுத்தினார்.

 மறைந்த தினத்தந்தி அதிபர் சிவந்தி ஆதித்தனார் 9வது ஆண்டு நினைவு நாளை முன்னிட்டு திருச்செந்தூரில் உள்ள சிவந்தி ஆதித்தனார் மணிமண்டபத்தில் உள்ள அவரது திருவுருவச்சிலைக்கு முன்னாள் அமைச்சரும், தூத்துக்குடி தெற்கு மாவட்ட அ.தி.மு.க.செயலாளருமான எஸ்.பி.சண்முகநாதன் தலைமையில் திரளான அ.தி.மு.க.வினர் மாலை அணிவித்து அஞ்சலி செலுத்தினர். 

உடன் மாவட்ட கழக பொருளாளர் அமலி ராஜன், நகர செயலாளர் மகேந்திரன், ஒன்றிய செயலாளர்கள் ராமச்சந்திரன், தாமோதரன், பேரூர் கழக செயலாளர்கள் செந்தமிழ் சேகர், ரவிச்சந்திரன் மற்றும் சங்கர், பூந்தோட்டம் மனோகரன் உட்பட பலர் உள்ளனர்.