தூத்துக்குடி லீக்ஸ் : 16.02.2022
தூத்துக்குடி பொன்னகரம் பகுதியில் ஒருவரை வழிமறித்து தகராறு செய்து கத்தியைக் காட்டி கொலை மிரட்டல் விடுத்த 2 பேர் கைது.
மாவட்ட காவல் கண்காணிப்பாளர் ஜெயக்குமார் உத்தரவுபடி, தூத்துக்குடி நகர காவல் துணை கண்காணிப்பாளர் கணேஷ் அவர்கள் மேற்பார்வையில் வடபாகம் காவல் நிலைய ஆய்வாளர் ரபி சுஜின் ஜோஸ் தலைமையில் உதவி ஆய்வாளர் ராமலிங்கம் மற்றும் போலீசார் இன்று (16.02.2022) ரோந்து பணியில் ஈடுபட்ட போது வடபாகம் காவல் நிலைய எல்லைக்குட்பட்ட தூத்துக்குடி பொன்னகரம் மெயின் ரோடு பகுதியில், சந்தேகத்திற்கிடமான முறையில் நின்று கொண்டிருந்த ஜெகன் (19), த/பெ. மருத வேல், சுந்தரராமபுரம் தூத்துக்குடி மற்றும் மகேஷ் குமார் (42), த/பெ. லாரன்ஸ், பொன்னகரம், தூத்துக்குடி ஆகிய 2 பேரையும் பிடித்து விசாரணை செய்ததில் அவர்கள் அப்பகுதியில் வந்து கொண்டிருந்த ஒருவரிடம் வழிமறித்து தகராறு செய்து கத்தியைக் காட்டி கொலை மிரட்டல் விடுத்தது தெரியவந்தது. உடனே மேற்படி போலீசார் எதிரிகள் 2 பேரையும் கைது செய்தனர்.
இது குறித்து வடபாகம் காவல் நிலைய போலீசார் வழக்குப்பதிவு செய்து விசாரணை மேற்கொண்டு வருகின்றனர்.
மேற்படி கைது செய்யப்பட்ட எதிரிகளில் ஜெகன் மீது வடபாகம் காவல் நிலையத்தில் கஞ்சா, கொலை மிரட்டல் வழக்குகள் உட்பட 4 வழக்குகள் உள்ளது குறிப்பிடத்தக்கது.
கருத்துகள் இல்லை:
கருத்துரையிடுக