தூத்துக்குடியில் பிரபல ரவுடி யமஹா முருகன் கைது!!!

 தூத்துக்குடி புதுக்கோட்டை பகுதியில் வழிமறித்து தகராறு செய்து கொலை மிரட்டல் விடுத்த  யமஹா முருகன்  கைது.இவர் தூத்துக்குடியில் பல்வேறு வழக்கிலுள்ள பிரபல ரவுடி ஆவார்

யமஹா முருகன்

தூத்துக்குடி மாவட்டத்தில் ரவுடிகள் அட்டகாசத்தை ஒடுக்க தூத்துக்குடி காவல்துறை கண்காணிப்பாளர் ஜெயக்குமார் அதிரடி நடவடிக்கை எடுத்து வருகிறார்

அவரது உத்தரவின் பேரில் தூத்துக்குடி ஊரக உட்கோட்ட காவல்துறை உதவி காவல் கண்காணிப்பாளர் சந்தீஸ் இ.கா.ப  மேற்பார்வையில் புதுக்கோட்டை காவல் நிலைய ஆய்வாளர்  ரமேஷ் தலைமையில் உதவி ஆய்வாளர் முத்துவீரப்பன் மற்றும் போலீசார் இன்று (04.12.2021) ரோந்து பணியில் ஈடுபட்டார்கள்.

அப்போது கூட்டாம்புளி பழைய பாலம் அருகில்  சந்தேகத்திற்கிடமான முறையில் நின்று கொண்டிருந்த முருகன் (எ) யமஹா முருகன் (40) த/பெ. கொம்பையா, புதியம்புத்தூர் என்பவரை பிடித்து விசாரணை செய்ததில் அவர் அப்பகுதியில் வந்து கொண்டிருந்த ஒருவரிடம் வழிமறித்து தகராறு செய்து  கொலை மிரட்டல் விடுத்தது தெரியவந்தது. 

உடனே மேற்படி போலீசார் எதிரி முருகன் (எ) யமஹா முருகனை கைது செய்தனர்.

இதுகுறித்து புதுக்கோட்டை காவல் நிலைய போலீசார் வழக்கு பதிவு செய்து விசாரணை மேற்கொண்டு வருகின்றனர்.

மேலும் மேற்படி எதிரி முருகன் (எ) யமஹா முருகன் மீது புதியம்புத்தூர் காவல் நிலையத்தில் கொலை மிரட்டல் வழக்கு உட்பட 3 வழக்குகளும், சிப்காட் காவல் நிலையத்தில் கொலை முயற்சி, கொலை மிரட்டல் வழக்குகள் உட்பட 6 வழக்குகளும், தாளமுத்து நகர் காவல் நிலையத்தில் 2 வழக்குகளும், தூத்துக்குடி தென்பாகம் காவல் நிலையத்தில் கொலை முயற்சி வழக்கு உட்பட 3 வழக்குகளும், தட்டப்பாறை காவல்நிலையத்தில் ஒரு திருட்டு வழக்கும் உட்பட மொத்தம் 15 வழக்குகள் உள்ளது குறிப்பிடதக்கது.