ஏமாந்த இளம்பெண்கள் புகார் !!!! தூத்துக்குடியில் பக்காவாக பிளான் பண்ணி டூபாக்கூர் வேலைவாய்ப்பு நிறுவனம் நடத்திய மூவர் கைது !!! தூத்துக்குடி எஸ்.பி. ஜெயக்குமார் அதிரடி !!!!

 தூத்துக்குடி லீக்ஸ்:- 27.08.2021

தூத்துக்குடியில்  ‘கிங் ஸ்டார் பிரைவேட்” என்ற டூபாக்கூர்  நிறுவனம்  பேஸ்புக் வாட்ஸ் அப் போன்ற சமூக வலைதளங்களில்  அரசு அங்கீகாரம் பெற்ற வேலைக்கு ஆட்கள் தேவை என்று விளம்பரப்படுத்தி  வந்துள்ளார்கள்.

சில மாதங்களாக வெளிவந்த பேஸ்புக் வாட்ஸ் அப்  சமூக வலைதளங்களில் பகிர்ந்துள்ளார்கள்.

 அரசு அங்கீகாரம் பெற்ற வேலைக்கு ஆட்கள்தேவை வேலை வாய்ப்பு 

 கவர்ச்சிகரமான இந்த போலியான விளம்பரங்களை பார்த்து இதை நம்பி சென்று பணம் கொடுத்துள்ளார்கள். பின்பு  இளம்பெண்கள் கல்லூரி மாணவ மாணவிகள் பலர் தாங்கள்  ஏமாற்றப்பட்டதாக உணர்ந்தார்கள்.

மூவர் கைது

இந்நிலையில்...போலீஸ் இடம் டூபாக்கூர் நிறுவனம்  எப்படி? சிக்கியது என்பது பற்றிய செய்தியாவது :-

தூத்துக்குடி முத்தையாபுரம் பகுதியைச் சேர்ந்த இளம் பெண் ஒருவர் தன்னுடன் கல்லூரியில் படித்த அத்திமரப்பட்டியைச் சேர்ந்த தன்னுடைய தோழியின் முகநூலில் (Facebook) ‘கிங் ஸ்டார் பிரைவேட்” (King Star Private) என்ற நிறுவனம் மூலமாக அரசு அங்கீகாரம் பெற்ற நிறுவனத்தில் பணிபுரிய ஆட்கள் தேவை என்ற விளம்பரம் பதிவிடப்பட்டிருந்தது. 

இந்த விளம்பரத்தைப் பார்த்த இளம் பெண் கடந்த 14.07.2021 தூத்துக்குடி புதுக்கிராமம் பகுதியில் உள்ள மேற்படி  ‘கிங் ஸ்டார் பிரைவேட்” என்ற நிறுவனத்திற்கு நேர்முகத் தேர்வுக்கு சென்றுள்ளார். 

அந்த நேர்முகத் தேர்வில் அந்தப் பெண்ணிடம் முதலில் ரூபாய் 8000/-ம் கட்டினால் அரசு அங்கீகாரம் பெற்ற வேலைக்கான உத்தரவு கிடைக்கும் என்றும், வாரம் தோறும் ரூபாய் 2500/-ம், போனஸ் தொகையும் கிடைக்கும் என்று கூறியிருக்கிறார்கள். 

அதனை நம்பி அந்தப் பெண் மறுநாள் மேற்படி நிறுவனத்தில் ரூபாய் 8000/- செலுத்தியுள்ளார்.

 அதனை தொடர்ந்து மேற்படி நிறுவனத்தார் அந்தப்பெண்ணிடம் 20 ரூபாய் பத்திரத்தில் ‘ஜாயினிங் லீகல் அக்ரீமெண்ட்” (Joining Legal Agreement) என்ற பெயரில் கையெழுத்துக்கள் வாங்கிவிட்டு, அவரது தனிப்பட்ட விபரங்கள் மற்றும் புகைப்படங்களை பெற்றுக் கொண்டு அந்தப் பெண்ணின் செல்போனுக்கு ஒரு ‘எம்ப்ளாயீ ஐடி” (Employee I/D) அனுப்பி, நீங்கள் பணியில் சேர்க்கப்பட்டுள்ளீர்கள் என்று கூறியுள்ளனர்.

பணியில் சேர்த்த அந்தப் பெண்ணை, அவரைப் போல வேலை தேடி வரும் நபர்களுக்கு பயிற்சியளிக்க வேண்டும் என்று மேற்படி நிறுவனத்தார் கூறியுள்ளனர். 

அதன்படி வேலைக்கு வரும் நபர்களுக்கு அந்தப் பெண் பயிற்சியளித்துள்ளார். 

மேற்படி நிறுவனத்தில் 2 வாரமாக வேலை பார்த்துவிட்டு அந்தப் பெண் சம்பளம் கேட்டபோது,  நீ எவ்வளவு பேரை நிறுவனத்தில் சேர்த்துவிடுகிறாயோ அதற்கு ஏற்றார் போல் கமிஷன் கிடைக்கும் என்று கூறியுள்ளனர். 

மேலும் 10 பேருக்கும் மேல் சேர்த்து விட்டால் உதவி மேலாளராகி விடலாம் என்றும், அவருக்கு கீழ் ஒரு உதவி மேலாளர் இருந்தால் மேலாளராகிவிடலாம் என்றும், 3 மாதம் கழித்து மாதம் தோறும் ரூபாய் 25000/-ம் சம்பளம் கிடைக்கும் என்று அந்தப் பெண்ணிடம் ஆசை வார்த்தைகள் கூறியுள்ளனர்.

இதனை நம்பி அந்தப் பெண்ணும் ஒரு முகநூல் பக்கத்தில் மேற்படி நிறுவனம் சார்பாக அரசு அங்கீகாரம் பெற்ற நிறுவனத்தில் பணிபுரிய ஆட்கள் தேவை என்று விளம்பரம் செய்துள்ளார். 

மேற்படி விளம்பரத்தைப் பார்த்து 9 பேர் அந்தப் பெண்ணைப் போலவே ரூபாய் 8000/-ம் செலுத்தி வேலைக்கு சேர்ந்துள்ளனர். மேற்படி 9 பேருக்கும் அந்தப் பெண்ணைப் போலவே 2 வாரமாக சம்பளம் கொடுக்கவில்லை. இதுபோன்று 30 பேர் சேர்ந்துள்ளனர்.

இதுகுறித்து அந்தப் பெண்ணும் மற்றவர்களும் ஒன்று சேர்ந்து நேற்று (26.08.2021) புதுக்கிராமத்தில் உள்ள மேற்படி நிறுவனத்திற்குச் சென்று அங்கு இருந்த நிறுவனத்தைச் சேர்ந்த மாரிமுத்து, மணிகண்டன், கிறிஸ்டியன் சுதாகர், சகுந்தலா, ஜெபசீலா எஸ்தர், பிரகாஷ் ஆகியோரிடம் செலுத்திய பணத்தை திருப்பி கேட்டபோது, உங்களைப் போலவே இன்னும் நிறைய நபர்களை சேர்த்துவிட்டால்தான் சம்பளம் தரமுடியும் என்றும், இல்லையென்றால் எங்களிடம் உள்ள உங்களுடைய தனிப்பட்ட விபரங்களையும், உங்களது புகைப்படத்தையும் தவறாக முகநூலில் பதிவிட்டு அசிங்கப்படுத்தி விடுவோம் என்று அவதூறாக பேசி மிரட்டியுள்ளனர்.

இதுகுறித்து அந்தப் பெண் அளித்த புகாரின்பேரில் தூத்துக்குடி மாவட்ட காவல் கண்காணிப்பாளர்  ஜெயக்குமார்  விரைந்து நடவடிக்கை எடுக்க மாவட்ட குற்றப்பிரிவு காவல் துணை கண்காணிப்பாளர்  ஜெயராம்  உத்தரவிட்டார்.

அவரது உத்தரவின்பேரில் மாவட்ட குற்றப்பிரிவு காவல் துணை கண்காணிப்பாளர் ஜெயராம் அவர்கள் மேற்பார்வையில் காவல் ஆய்வாளர் வனிதாராணி தலைமையிலான போலீசார் வழக்குப்பதிவு செய்து விசாரணை மேற்கொண்டு மேற்படி போலி நிறுவனத்தைச் சேர்ந்த விருதுநகர் மாவட்டம், வி.கரிசல்குளம் பகுதியைச் சேர்ந்த மார்நாடு மகன் 1) மாரிமுத்து (23), மதுரை மாவட்டம், சுப்பிரமணியபுரம் சோலை அழகுபுரம் பகுதியைச் சேர்ந்த கண்ணன் மகன் 2) மணிகண்டன் (24) மற்றும் திருநெல்வேலி மாவட்டம் மூன்றடைப்பு பகுதியைச் சேர்ந்த சாமுவேல் மகன் கிறிஸ்டியன் சுதாகர் (23) ஆகிய 3 பேரையும் கைது செய்தனர்.

 S.P.எச்சரிக்கை 

இதுபோன்று நிறுவனங்கள் என்ற பெயரில் முகநூல் மற்றும் சமூக வலைதளங்களில் ‘வேலைக்கு ஆட்கள் தேவை” என்று வரும் போலியான விளம்பரங்களை நம்பி, பொதுமக்கள் தங்களுடைய தனிப்பட்ட விபரங்கள், புகைப்படங்களை கொடுத்தும், பணத்தை கொடுத்தும் ஏமாற வேண்டாம், இதுபோன்று வரும் விளம்பரங்களை நீங்களும் போலி என்று தெரியாமல் முகநூலில் பதிவிட்டு மற்றவர்களையும் ஏமாற்றமடையச் செய்ய வேண்டாம் என்று மாவட்ட காவல் கண்காணிப்பாளர்  ஜெயக்குமார்  கேட்டுக்கொண்டுள்ளார்.