இன்று காலை துவங்கியது.?...கோவில்பட்டி மெயின் ரோடு பகுதியில் உள்ள நீர் வழிப்பாதை ஓடையின் மேல் ஆக்கிரமிப்பாக கட்டப்பட்ட கடைகளை அகற்றும் பணி பரபரப்பு..... உரிய பாதுகாப்பு பணியை தூத்துக்குடி எஸ்.பி. ஜெயக்குமார் பார்வையிட்டார்!!!.

 தூத்துக்குடி லீக்ஸ்: 28.11.2020

கோவில்பட்டி மெயின் ரோடு பகுதியில் உள்ள நீர் வழிப்பாதை ஓடையின் மேல் ஆக்கிரமிப்பாக கட்டப்பட்ட  கடைகளை அகற்றும் பாதுகாப்பு பணியை இன்று தூத்துக்குடி மாவட்ட காவல் கண்காணிப்பாளர்  ஜெயகுமார் பார்வையிட்டார்.

தூத்துக்குடி மாவட்ட ஆட்சியர்  செந்தில் ராஜ் இ.ஆ.ப. உத்தரவின் பேரில் கோவில்பட்டி கோட்டாட்சியர் விஜயா தலைமையில் இன்று காலை ஆக்கிரமிப்பு 109 கடைகளை இடிக்கும் பணி நடைபெற்று வருகிறது.

கோவில்பட்டி துணை காவல் கண்காணிப்பாளர் . கலை கதிரவன் முன்னிலையில் கோவில்பட்டி மேற்கு காவல் நிலைய ஆய்வாளர் ஐயப்பன், கிழக்கு காவல் நிலைய ஆய்வாளர் சுதேசன், கோவில்பட்டி அனைத்து மகளிர் காவல் நிலைய ஆய்வாளர் பத்மாவதி உள்ளிட்ட காவல்துறை அதிகாரிகள் மற்றும் காவல் ஆளிநர்கள் ஆக்கிரமிப்பு கடைகள் அகற்றம் பாதுகாப்பு பணியில் ஈடுபட்டு வருகின்றனர்.

இந்த பாதுகாப்பு பணிகளை தூத்துக்குடி மாவட்ட காவல் கண்காணிப்பாளர்  ஜெயக்குமார் இன்று காலை (28.11.2020) ஆக்கிரமிப்பு கடைகள் அகற்றும் இடங்களில் உள்ள பாதுகாப்பு பணிகளை நேரில் சென்று பார்வையிட்டார்.

இந்நிகழ்வின்போது தூத்துக்குடி மாவட்ட பெண்கள் மற்றும் குழந்தைகளுக்கு எதிரான குற்ற தடுப்பு பிரிவு கூடுதல் காவல் கண்காணிப்பாளர் கோபிஉடன் இருந்தார்.